Jɛnesis 39:5 - EBƆRƐ BE KAWƆL

⁵ Baŋ yili jemanɛ nɛ Potifa ta Josɛf ŋ ki mbe laŋ to nɛ mbe asɔ kikɛ so be enimu na, Enyɛnpe na daŋ kpal Josɛf so nna n nɛfa mbe laŋ to nɛ mbe ndɔ to be asɔ kikɛ nyam.

Jɛnesis 39:5 ပူးပေါင်းရင်းမြစ်များ

Jɛnesis 12:2

Meeŋ shin nɛ fo ki kanaŋgboŋwura nsaa kɔ efuligboŋ. Meeŋ nɛfa fo n shin nɛ fo ketre e dii, nɛ fo ki nɛfa n sa basa kikɛ.

Jɛnesis 19:29

Ebɔrɛ malɛ ka daŋ mur ketaŋɛ to be nde na nɛ e nyiŋi Eebraham nseŋ lara Lɔt ashi kemur be tɔrɔ nɛ e daŋ ta n lɛ nde nɛ Lɔt daa wɔ amo be kuko to na to.

Jɛnesis 30:27

Nɛ Leeban kaŋɛ mo: “Jande, nɛ ma asheŋ bɔlɔ fo kenishi bre, fo baa kraa wɔtɔ, ŋkpal manɛ so, n wu fanɛ fo so nɛ Enyɛnpe na bee nɛfa ma.

Nshɛ 21:6

Kashenteŋto, fo sa mo nɛfa mbaanaayɔ; fo nɛ mo be kebaala na malɛ bee fuli mo kagbene nna.

Nshɛ 72:17

Shin nɛ basa e baa nyiŋi ewura na be ketre mbaanaayɔ, n shin nɛ mbe kemaŋkura e baa fulto fanɛ epeŋi. Shin nɛ efuliana na be basa e bɔla mo so n dii kedama nseŋ kule Ebɔrɛ be nɛfa n sa mo.

Ashuŋ Shunso 27:24

‘Pɔɔl, sa maa lɔ kufu. A daga fanɛ fo ya yili Romebi be ewurgboŋ na be anishito. Ŋkpal Ebɔrɛ malɛ nɛ mbe kelela so, basa nɛ fo nɛ bumo wɔ nchu so be enite ere to ere be ekama maaŋ mur.’

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.