Jɛnesis 39:3 - EBƆRƐ BE KAWƆL

³ Josɛf mo nyɛnpe Potifa ka wu fanɛ Enyɛnpe Ebɔrɛ na wɔ Josɛf kutɔ nsaa nɛfa kusɔ kama nɛ e bee wora na

Jɛnesis 39:3 ပူးပေါင်းရင်းမြစ်များ

Jɛnesis 21:20

Kebia na ka wɔ Para be kiyi na to a daŋ na nɛ Ebɔrɛ wɔ mo kutɔ. E daa wɔ ndoŋ nna loŋ hale n ya daŋ ŋ ki keta be etopo.

Jɛnesis 21:22

Jemanɛ na so nɛ Abimelɛk nɛ mbe benapo be enimu nɛ baa tre Fikɔl na yɔ Eebraham kutɔ n ya kaŋɛ mo le: “An wu fanɛ kusɔ kama nɛ fee wora, Ebɔrɛ wɔ fo kutɔ nna,

Jɛnesis 21:23

amoso nase kɔnɔ Ebɔrɛ be anishito nfe fanɛ echefoso fo maaŋ fule ma nɛ ma mbia nɛ ma kaman to ebi. N wora fo kelela n chɛr, amoso fo alɛ gba e nase kɔnɔ n sa ma nɛ efuli mo nɛ fo la efɔ kumo so ere so ebi fanɛ fo maaŋ lar anyi kaman kikɛ.”

Jɛnesis 26:24

Kumo be kamɔnchɛ be kanyɛso nɛ Enyɛnpe na lar mo so ŋ kaŋɛ mo: “Ma e la fo tuto Eebraham be Ebɔrɛ na, sa maa lɔ kufu, ŋkpal manɛ so, n wɔ fo kutɔ. Meeŋ nɛfa fo nseŋ shin nɛ fo kaman to ebi e wora keshi ŋkpal ma kenya Eebraham so.”

Jɛnesis 26:28

Nɛ b kaŋɛ mo: “K baŋ di efuli nna fanɛ Enyɛnpetale na wɔ fo kutɔ, amoso nɛ an fɛ fanɛ fo shin nɛ anyi nɛ fo e bɔ ntaŋ n nase kɔnɔ n sa abar. Shin nɛ an wora kɔnɔkoŋwule be ŋkre

Jɛnesis 30:27

Nɛ Leeban kaŋɛ mo: “Jande, nɛ ma asheŋ bɔlɔ fo kenishi bre, fo baa kraa wɔtɔ, ŋkpal manɛ so, n wu fanɛ fo so nɛ Enyɛnpe na bee nɛfa ma.

Jɛnesis 30:30

Asɔbɔya gbrɛbi nɛ fo daa kɔ pɔɛŋ nɛ m ba, ama naniere b salga n sɔ kakpa, nɛ Enyɛnpe na bɔla ma so n nɛfa fo ekpa kama so. To saŋɛ mo nɛ ma alɛ beeŋ wora kusɔ ko n sa ŋ gbagba be laŋ to ebi?”

Jɛnesis 39:2

Enyɛnpe na daa wɔ Josɛf kutɔ nna a nɛfa mo ashi kusɔ kama nɛ e bee wora ashi mo nyɛnpe Ijiptnyɛn na be laŋ to.

Jɛnesis 39:21

Enyɛnpe Ebɔrɛ na daa wɔ Josɛf kutɔ ashi kabuti na to gba nna a ŋini mo mbe kasha nseŋ shin nɛ Josɛf be asheŋ bee bɔlɔ kabutikenipo na kenishi.

Jɛnesis 39:23

Kabutikenipo na be lakal daa maŋ naa deŋ kusɔ kama nɛ Josɛf daa wora so, ŋkpal manɛ so, Enyɛnpe na daa wɔ mo kutɔ nna a nɛfa kusɔ kama nɛ k daa wɔ mbe enɔ to nɛ k bee wora nɛnɛ.

2 Bewura 18:7

Amoso Enyɛnpe Ebɔrɛ na daa wɔ mo kutɔ nna saŋkikɛ. Amoso kusɔ kama nɛ e daa wora daa nyalɛ a sa mo nna. E daŋ kini kenu n sa Asiriya be ewura nɛ kebaala mbe kayɛrbi nna.

1 Kronikɛls 22:13

Fo baa bɛ mbra nɛ keŋini nɛ Enyɛnpe Ebɔrɛ ta n sa an nananyɛn Mosis dra dra na fanɛ e ta n sa Israɛlebi na so bre, asheŋ beeŋ nyalɛ n sa fo. Ama baa yil to kpakpa a leŋ fo kumu to nsaa maa lɔ kufu.

1 Kronikɛls 9:20

Jemanɛ nɛ Eliaza pibinyɛn Finihas daa keni mbunakumpoana na so na, Enyɛnpe Ebɔrɛ na daa wɔ mo kutɔ nna.

2 Kronikɛls 1:1

Sɔlɔmɔn nɛ e la ewura Deevid pibinyɛn na daŋ ji Israɛl be efuli na so eleŋ ga ŋkpal Enyɛnpe nɛ e la mbe Ebɔrɛ na ka daŋ nɛfa mo nseŋ sa mo eleŋ ga so.

2 Kronikɛls 26:5

Ewura Uziya be asoetojipo e daa la Zakareya. Saŋɛ so nɛ Zakareya daa wɔ ŋkpa to na ewura Uziya daa ji kashenteŋ nna a sa Ebɔrɛ, nɛ Ebɔrɛ malɛ daa nɛfa mo.

Nehemaya 2:20

Nɛ n shuli ŋ kaŋɛ le: “Ebɔrɛ nɛ e wɔ ebɔrɛso na beeŋ chɛ anyi to nɛ an pɔɔ so, ŋkpal manɛ so, an la mbe nyɛrbi nna. Mo e naŋ shin nɛ an tiŋ n shuŋ kushuŋ na n loge nɛ shɛŋ maŋ wora. Amoso anyeeŋ fara Jerusalɛm be egbalana na be kepɔr. Ama menyi ere maŋ kɔ ekpa nɛ men nya kapetɛsɔ kikɛ ashi Jerusalɛm be kadegboŋ na to, ŋkpal manɛ so, menyi maŋ ti kumo be edaŋkaresheŋ so.”

Nshɛ 1:3

Loŋ be basa du fanɛ boŋkarase be ndibi nɛ a bee sɔr asɔrso saŋɛ nɛ k daga na nna. Amo be afantaŋ maa gbaŋgbaŋ kikɛ. Kusɔ kama nɛ baa wora bee nite nɛnɛ nna a sa bumo.

Zakareya 8:23

Loŋ be jemanɛ na so, eyiri pɔtɛ nɛ efuli pɔtɛana so be basa kudu beeŋ pɛ Israɛl be esa koŋwule be kale to nsaa kaŋɛ mo le: Shin nɛ an bɛ fo so a yɔ, ŋkpal manɛ so, an nu fanɛ Ebɔrɛ wɔ men kutɔ nna.”

Matiu 5:16

Men baa shin nɛ men be kefulto e baa nyaŋɛ nɛnɛ ga nɛ basa e tiŋ n wu men be ashuŋ lela nseŋ maŋkura men Tuto nɛ e wɔ ebɔrɛso na.

1 Kɔrintebi 16:2

Alediachɛ kama, men be ekama e ta amansherbi kanaŋkamaso nɛ e beeŋ tiŋ n nase, saŋɛ na so men maaŋ baa jo nɛ m ba pɔɛŋ nɛ men naa wora toto na.

Ditɛronɔmi 2:7

Men baa nyiŋi kananɛ Enyɛnpe menyi be Ebɔrɛ na nɛfa menyi ashi asɔ kama nɛ men wora to. E keni menyi so jemanɛ nɛ men daa nite keshishɛrsawule palɛlɛ na so a kulti na. Menyi nɛ mo e daa la nfɛ adena ere kikɛ. Menyi alɛ daŋ nya kusɔ kama nɛ menyee sha.

Joshuwa 1:9

Nyiŋi fanɛ n teŋ kaŋɛ fo fanɛ fo baa leŋ fo kumu to nsaa kɔ kagbene. Sa maŋ shin nɛ kufu e pɛ fo nɛ fo pɔ aba, ŋkpal manɛ so, kaplɛkama nɛ fo wɔ, ma, Enyɛnpe fo Ebɔrɛ na wɔ fo kaman.”

Kelaraŋŋini 3:9

Men nu nfe, basa nɛ b wɔ Setani be katuŋ to, befɛpo na, bumo e wɔtɔ a tre bumo be amu Juwebi, bumo alɛ maŋ la na, meeŋ shin nɛ b ba gbir men be anishito n shin nɛ b pin fanɛ ma e sha menyi.

1 Samuɛl 18:14

Saŋkama malɛ nɛ Deevid baŋ yɔ kena to, e daa kɔ nna a pɔɔ so ŋkpal Enyɛnpe Ebɔrɛ ka daa wɔ mo kutɔ so.

1 Samuɛl 18:28

Sɔɔl ka pin geeŋ fanɛ Enyɛnpe Ebɔrɛ wɔ Deevid be kaman nɛ mo pibiche Mikaal malɛ bee sha Deevid ga na

1 Samuɛl 3:19

Samuɛl ka bee daŋ na kikɛ nɛ Enyɛnpe Ebɔrɛ daa wɔ mo kutɔ nseŋ shin nɛ asɔ nɛ e kaŋɛ na malɛ be kekama bɔlɔ so.