Jɛnesis 39:23 - EBƆRƐ BE KAWƆL

²³ Kabutikenipo na be lakal daa maŋ naa deŋ kusɔ kama nɛ Josɛf daa wora so, ŋkpal manɛ so, Enyɛnpe na daa wɔ mo kutɔ nna a nɛfa kusɔ kama nɛ k daa wɔ mbe enɔ to nɛ k bee wora nɛnɛ.

Jɛnesis 39:23 ပူးပေါင်းရင်းမြစ်များ

Jɛnesis 39:20

Ndoŋ nna nɛ Josɛf mo nyɛnpe na pɛ mo n ti ebu, kaboŋ nɛ baa ti ewura Fɛɛro be basa lubi ebu na.

Jɛnesis 39:8

Nɛ Josɛf kini nseŋ kaŋɛ kache na: “Ŋ ka bee ji kejuŋkpar laŋ ere to ere, n nyɛnpe maŋ naa fɔŋ shɛŋ so, kusɔ kama nɛ e kɔ e ta kumo nna m bɔɔ ma enɔ.

Nshɛ 1:3

Loŋ be basa du fanɛ boŋkarase be ndibi nɛ a bee sɔr asɔrso saŋɛ nɛ k daga na nna. Amo be afantaŋ maa gbaŋgbaŋ kikɛ. Kusɔ kama nɛ baa wora bee nite nɛnɛ nna a sa bumo.

Aizaaya 43:2

Nɛ men bɔla lɔr chiŋgeliŋ to gba, ma nɛ menyi e naaŋ baa la. Etɔrɔ nɛ e beeŋ ba menyi so maaŋ pɔɔ menyi so. Nɛ men bɔla edɛ to gba, a maaŋ chɔɔ menyi. Kechɔŋkeni kpakpaso kama nɛ k beeŋ ba menyi so maaŋ pɔɔ menyi so.

Danɛl 6:22

Ma Ebɔrɛ na shuŋi mbe malaika nna nɛ e ba ti ebuluŋ na be nnɔ nɛ b maŋ tiŋ n tɔrɔ ma. Yiramu! E wora loŋ nna ŋkpal e ka nyi fanɛ m maŋ wora kulubi kikɛ so.”

1 Samuɛl 2:30

Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.