Jɛnesis 38:9 - EBƆRƐ BE KAWƆL

⁹ Ndoŋ nna nɛ Onan shuli n ta eche na, ama saŋkama nɛ mo nɛ eche na bee di keche nɛ kenyɛn e daa maa shin nɛ mbe nchu bee luri eche na to. E daa chulgi amo nna a wurge kasawule. Ŋkpal manɛ so, e daa nyi fanɛ mbia kama nɛ mo nɛ eche na kurge maaŋ baa la mo peya.

Jɛnesis 38:9 ပူးပေါင်းရင်းမြစ်များ

Jɛnesis 38:10

Kusɔ nɛ Onan daa wora na daa la kusɔ lubi nna Ebɔrɛ be anishito nɛ Ebɔrɛ shin nɛ mo alɛ gba wu.

Job be kawɔl 5:2

Kayurbesa nɛ kukɔrkɔ e naŋ mɔ ewulpo nɛ e maŋ nyi asheŋ.

Aŋasa 27:4

Esa nɛ e bee nya agbo manaŋ manaŋ lubi a chɔ, esa nɛ e bee kɔ kukɔrkɔ lubi.

Ditɛronɔmi 25:5

Nɛ beniopibi wɔtɔ abar so nɛ ekoŋwule wu nsaa maŋ kurge ebi, mbe ekulpoche na maŋ daga fanɛ e ya kil esa nɛ e maŋ shi mo kul na be kanaŋ to. Mo kul nɛ e wu na mo sipo ŋko mo da e daga fanɛ e ta mo a kil.

Ditɛronɔmi 25:6

Sososo be ebinyɛn nɛ baaŋ kurge na beeŋ baa la emo nɛ e wu na pibinyɛn, saŋɛ na so mbe ketre maaŋ mur ashi Israɛl.

Taites 3:3

Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.

Jeems 3:14

Ama fo kama nɛ fo la kumukpakpasowura nsaa kɔ yurkishi a fɛ fo nawule be asheŋ so, kumo ere fo sa maa ji njɔŋ a ku efɛ a kaŋɛ fanɛ fo kɔ kanyiasheŋ.

Jeems 3:16

Kaplɛkama nɛ yurkishi wɔ nɛ basa bee fɛ bumo nawule be asheŋ so, kɔnɔkoŋwule maŋ wɔ ndoŋ she kulubi be yiri kikɛ.

Jeems 4:5

Ŋko menyee tama fanɛ abɔrɛsibɛ na ka bee kaŋɛ fanɛ: “Ebɔrɛ be kenishi pere kiyoyu nɛ e ta n wɔtɔ anyi to na so ga na,” maŋ kɔ kifi nna a?

Ruf be kawɔl 1:11

Ndoŋ nna nɛ Nawomi leŋ bumo to ŋ kaŋɛ: “Ma mbia, men bɛta a yɔ menyi peana, ŋkpal manɛ so, m maaŋ naŋ nya bibinyɛn nɛ baaŋ ba ki men kulana, nɛ manɛ so nɛ k naŋ daga fanɛ men bɛ ma so n yɔ?

Ruf be kawɔl 4:10

Kede be kaman, Mowabche Ruf nɛ mo kul Maalon wu ŋ ka na gba ki ma eche. Kumo be loŋ e naaŋ shin nɛ enyɛn nɛ e wu na be kapetɛ e baa wɔ mbe kanaŋ to nɛ mbe ketre malɛ e sa maŋ mur ashi mbe basa nɛ mbe kade to kikɛ. Amoso, kabre, menyee wora ma kumo be shɛda nna na!”