Jɛnesis 38:5 - EBƆRƐ BE KAWƆL

⁵ Onan be kaman nɛ eche na naŋ di kedampo ŋ kurge ebinyɛn n nase mo ketre Shela. Kade nɛ baa tre Kezib na nɛ Juda daa wɔ nseŋ kurge mo.

Jɛnesis 38:5 ပူးပေါင်းရင်းမြစ်များ

Jɛnesis 38:11

Onan malɛ ka wu na be kaman nɛ Juda kaŋɛ mo shache Taama le: “To, baa yɔ fo tuto pe n yaa ka la ekulpoche loŋ n ya fo saŋɛ nɛ n pibinyɛn Shela beeŋ daŋ n fo eche.” Juda daŋ kaŋɛ loŋ nna ŋkpal e ka daa lɔ kufu fanɛ nɛ Shela ta mo, mo alɛ gba beeŋ wu fanɛ kananɛ mo daana na wu n wu na. Ndoŋ nna nɛ Taama yɔ mo tuto pe n ya kaa wɔtɔ.

Jɛnesis 38:26

Ndoŋ nna nɛ Juda pin asɔ na nseŋ kaŋɛ: “Alelasheŋ be kaplɛa so, kache na bɔ ma. A daŋ daga fanɛ n ta mo n sa m pibinyɛn Shela nna, ama ma alɛ maŋ wora loŋ.” Kumo be kaman Juda maŋ naŋ tu kache na n di keche nɛ kenyɛn kikɛ.

Jɛnesis 38:6

Juda be wurkoŋnyɛn nɛ baa tre Ɛra na ka ba fo eche nɛ Juda ta eche n sa mo. Eche na be ketre e daa la Taama.

Jɛnesis 46:12

Juda malɛ e daŋ naŋ bɛ so nɛ mbe mbia be atre daa ji: Ɛr nɛ Onan nɛ Shela nɛ Pɛrɛs nɛ Zɛra. Ɛr nɛ Onan bre daŋ wu Keenan be kasawule so nna. Pɛrɛs malɛ be mbia daa la Hɛzrɔn nɛ Hamul.

1 Kronikɛls 2:3

Juda nɛ mbe Keenanche nɛ baa tre Bafshuwa na daa kɔ mbinyɛnsobi asa nna. Bumo e la Ɛr nɛ Onan nɛ Shɛla. Ɛr daa wora asheŋ lubi damta nna ŋkpal loŋ so nɛ Enyɛnpe Ebɔrɛ daŋ shin nɛ e wu.

1 Kronikɛls 4:21

Juda be mbinyɛnsobi na be eko e daa la Shɛla. Mbe kaman to ebi na be beko e daa la Err nɛ e daŋ juŋkpar n chena Leka na. Laada malɛ e daŋ juŋkpar n chena Marɛsha. Mbe kabuna ebi e daa wɔ Bɛf Ashbiya be kade to nsaa kɔ ago be ewajɛ be kelue be kenyi ga na.

Nɔmbɛs 26:19

Juda be yiri to be mbuna e daa la Shɛla nɛ Pɛrɛs nɛ Zɛra nɛ Hɛzrɔn nɛ Hamuul. Juda be mbinyɛnsobi nɛ baa tre Err nɛ Onan na bre daŋ wu Keenan be kasawule so nna.