Jɛnesis 38:26 - EBƆRƐ BE KAWƆL

²⁶ Ndoŋ nna nɛ Juda pin asɔ na nseŋ kaŋɛ: “Alelasheŋ be kaplɛa so, kache na bɔ ma. A daŋ daga fanɛ n ta mo n sa m pibinyɛn Shela nna, ama ma alɛ maŋ wora loŋ.” Kumo be kaman Juda maŋ naŋ tu kache na n di keche nɛ kenyɛn kikɛ.

Jɛnesis 38:26 ပူးပေါင်းရင်းမြစ်များ

Jɛnesis 37:33

Ndoŋ nna nɛ e pin kumo nseŋ kaŋɛ: “Ma kebia be piŋi nna. Kupuŋ to be kusɔbɔya lubi ko e pɛ mo na. K maŋ naa kɔ emɔrɔ fanɛ kusɔbɔya ko e kpɛa mo to n we.”

Jɛnesis 38:14

Taama ka nu loŋ nɛ e delge mbe kukulwu be asɔbuuso nɛ e daŋ buu na n nase nseŋ ta asɔ pɔtɛ m buu n ta shata n deŋi kumu nɛ k baa buu mbe anishiakpa so. Kumo be kaman nɛ e ya chena kade nɛ baa tre Enayim na be ekarso. E daŋ wora loŋ nna ŋkpal e kaa nyi Juda pibinyɛn Shela ka daŋ ŋ ki enyɛn nɛ bumo alɛ daa maŋ shin nɛ e ya kil mo na so.

Jɛnesis 4:1

Kachako nɛ Adam nɛ mbe eche Hawa di keche nɛ kenyɛn nɛ eche na di kedampo ŋ kurge ebinyɛn nɛ b nase mo ketre Keen. Ŋkpal manɛ so, Hawa yɛ: “Enyɛnpe Ebɔrɛ na e chɛ ma to nɛ ŋ kurge ebinyɛn.”

2 Samuɛl 16:22

Nɛ b yuu wajɛbu ewurkpa be kuchoŋi na be esoso nɛ basa nɛ b wɔ ndoŋ na wu Absalɔm ka luri kumo to nɛ e ya di mo tuto mo jipoana basa na kikɛ be anishito.

2 Samuɛl 20:3

Ewura Deevid daŋ shin nna nɛ mo jipoana kudu na bee keni mbe laŋ so ashi Jerusalɛm. Ama e kaŋ naŋ bɛta m ba na nɛ e shin nɛ b yɛr bumo n ya wɔtɔ laŋ pɔtɛ to nseŋ shin nɛ bekumpo bee keni bumo so. E daa sa bumo kusɔ kama nɛ k tir bumo ama mo alɛ nɛ bumo daa maŋ di keche nɛ kenyɛn. Bumo alɛ daŋ baa wɔ laŋ na to nna fanɛ bekulpoche hale n ya fo bumo luwu be jemanɛ.

2 Samuɛl 24:17

Ewura Deevid ka wu Malaika nɛ e daa mɔ basa na, nɛ e kaŋɛ Enyɛnpe Ebɔrɛ na le: “Ma e wora n jija nseŋ wora kulubi n ti so. Nɛ manɛ nɛ bebɔlpo ere malɛ wora? Ma nɛ ma kanaŋ e daga fo ka gberge kusoe.”

Job be kawɔl 4:5

Ama naniere kufugboŋ tɔr fo so nɛ fo gbagba bee kule a fin luwu ŋkpal etɔrɔ ka ba fo so na so.

Job be kawɔl 40:5

N daŋ malga kela koŋwule ŋko ale anyɔ ko nna, ama m maaŋ naŋ malga kikɛ.”

Ezikɛl 16:52

To, naniere e daga fanɛ fo nya fo ŋaba. Ŋkpal fo basa be asheŋ lubi ka shi a chɔ fo kurgepoana be basa peya so, kewora fanɛ b la basa lela a chɔ fo basa.”

Habakuk 1:13

Ama fo maaŋ tiŋ a keni nɛ kulubi e baa wora a yɔ. Fo anishi du cheembi ga nɛ a baa wu asheŋ lubi. Ama fo wora shruum a keni basa lubi nɛ b maŋ kɔ yirda ere nɛ baa mur basa nɛ b niŋi a chɔ bumo.

Matiu 3:8

Men baa wora asheŋ nɛ a bee ŋini fanɛ men lar menyi be alubi to

Baru lela nɛ Jɔn kute na 8:9

Yesu ka kaŋɛ loŋ na nɛ bumo nɛ b nu na fara a yɔ kukoko to. Benimu e daŋ fara loŋ hale nɛ Yesu nawule ya ka nɛ kache na malɛ kraa yil ndoŋ.

Romebi 13:12

Kanyɛ na biri n chɛr ga, naniere a ka gbrɛ nɛ kare e chɛ. Amoso, men shin nɛ an yige tentembiri to be ashuŋ shunso n lɛ nseŋ ta akɔsɔ na a wɔ kefulto to a kɔ.

Romebi 3:19

Ama an nyi fanɛ kusɔ kama nɛ mbra na bee kaŋɛ, basa nɛ b wɔ kumo to na to nɛ k de, saŋɛ na so esa kikɛ maaŋ nya kɔnɔ m bugi. Loŋ malɛ e naaŋ shin nɛ Ebɔrɛ e ji durnya kikɛ demu.

1 Samuɛl 24:17

nseŋ kaŋɛ Deevid le: “Fo kɔ kashenteŋ a chɔ ma. Fo wora ma kelela ga, ama kulubi nɛ ma ere ta a ka fo kukɔ!

1 Samuɛl 24:18

Ama kabre, fo kaŋɛ ma kelela nɛ fo wora ma saŋɛ so nɛ Enyɛnpe Ebɔrɛ ta ma m bɔɔ fo enɔ nɛ fo kini kemɔ ma na.