Jɛnesis 38:24 - EBƆRƐ BE KAWƆL

²⁴ Kumo be afɔl asa be kaman nɛ esa ko ba kaŋɛ Juda le: “Fo shache Taama ji kubojua n di kedampo.” Ndoŋ nna nɛ Juda kaŋɛ: “Men ta mo n lar ekarso n chɔɔ mo edɛ m mɔ.”

Jɛnesis 38:24 ပူးပေါင်းရင်းမြစ်များ

Jɛnesis 20:3

Kachako kanyɛso nɛ Ebɔrɛ ba ewura na kutɔ ashi edare to m ba kaŋɛ mo le: “Feeŋ wu, ŋkpal fo ka ta eche kilpo ere ŋ ki fo eche so.”

Jɛnesis 20:7

Amoso bɛta Sɛɛra naniere n ya sa mo kul, nɛ e kule Ebɔrɛ n sa fo nɛ fo sa maŋ wu, ŋkpal manɛ so e la anebi nna. Ama fo baŋ maŋ bɛta mo n yɔ bre, meeŋ gberge fo kusoe nɛ fo nɛ fo basa kikɛ e wu.”

Jɛnesis 20:9

Kumo be pɔɛŋ nɛ Abimelɛk tre Eebraham m bishi mo: “Manɛ be kushuŋ nɛ fo shuŋ anyi loŋ? Manɛ be kulubi nɛ n wora fo nɛ k shin nɛ fo bar le be kumu lubi m ba lɛ ma nɛ ma basa kikɛ so le? Esa kama maaŋ shuli n wora ma kusɔ nɛ fo wora ma ere.

Jɛnesis 34:31

Nɛ mbe mbia na kaŋɛ mo le: “Anyi alɛ gba maaŋ shuli nɛ b ta an sipoche ŋ ki fanɛ bojuache.”

Jɛnesis 38:23

Nɛ Juda kaŋɛ mo teri: “Shin nɛ e baa kɔ asɔ na, anyi maaŋ fin mo nɛ anyi be wulo e bugi. Ma ere wora ania nɛ ŋ ka mo kaboefɔlbi na, fo maŋ ya tu mo nna.”

2 Samuɛl 12:5

Ndoŋ nna nɛ agbo ji ewura Deevid ga ŋkpal kusɔ nɛ damawura na wora na so nɛ e kaŋɛ le: “Enyɛnpe Ebɔrɛ nɛ e la ma shɛdajipo na so, kanyɛn ere daga luwu nna ŋkpal kusɔ nɛ e wora ere so.

2 Samuɛl 12:7

Nɛ Neetan kaŋɛ ewura Deevid le: “Fo e la loŋ be esa na. Kusɔ nɛ Enyɛnpe, Israɛl be Ebɔrɛ na malɛ bee kaŋɛ nde: ‘Ma e lara fo fanɛ Israɛl be ewura nseŋ mɔlga fo ashi Ewura Sɔɔl be enɔ to.

Kaŋinichiŋgeliŋ 7:26

Ade kikɛ be kaman nɛ n naŋ wu fanɛ eche dalubiwura, lubi a chɔ luwu. E du nna fanɛ b ka so kejigbelɛ na. Mbe kasha nɛ e beeŋ sha fo na bee pɛ nna fanɛ kashewu; Nɛ mbe enɔ nɛ e beeŋ ta n deŋi fo so na malɛ du fanɛ ŋgbɛlɛbi. E maaŋ tiŋ n nya esa nɛ e bee wora Ebɔrɛ be aparsheŋ ama alubiworapo bre e bee pɛ mo nna manaŋ.

Jɛremaya 2:20

Kumo be kaman nɛ Enyɛnpetale Ebɔrɛ naŋ kaŋɛ le: “Israɛlebi, dra na kikɛ nɛ men kini ma kebaawɔ wɔ menyi. Menyi alɛ kini fanɛ men maaŋ wora ma kasonu ŋko n shuŋ ma. Men daa shuŋ agbirana ashi abeebi so nɛ ndibigboŋ nɛ e kɔ afantaŋ ga be afito nna, a fɛ fanɛ amo e naa sa menyi mbia.

Jɛremaya 3:1

Nɛ Enyɛnpe Ebɔrɛ kaŋɛ Israɛl be basa na le: “Nɛ enyɛn baaŋ kini mbe eche nɛ eche na ya kil enyɛn pɔtɛ, loŋ be eche na maaŋ naŋ tiŋ m bɛta n yɔ mo kul dra na kutɔ. Nɛ e wora loŋ kasawule na beeŋ wora eyurpi daŋkare be ekpa so. Ama menyi Israɛl be basa kɔ agbir damta nɛ e chɔ sakaleche be benyɛnana gba. Nɛ manɛ so nɛ ma ere beeŋ naŋ sɔ menyi?

Jɛremaya 3:6

Jemanɛ nɛ Josaya daa la Juda be ewura na nɛ Enyɛnpe Ebɔrɛ na kaŋɛ ma le. E yɛ: “Jɛremaya, fo wu kusɔ nɛ Israɛl be efuli nɛ k du fanɛ eche nɛ e maa ji kashenteŋ a sa mo kul na wora, ŋko? E kini ma nseŋ ya kaa shuŋ agbir ashi abee jeŋgreŋ so nɛ ndibigboŋ nɛ e kɔ afantaŋ ga be afito.

Jɛremaya 3:8

Juda daŋ wu ŋ ka kini Israɛl n lɛ fanɛ eche nɛ mo kul kini mo nseŋ ju mo n lɛ na, ŋkpal b ka shuŋ agbirana so. Ama kufu daa maŋ pɛ Juda be efuli so be basa. Kumo be kaman nɛ bumo alɛ gba shuŋ agbir ŋ ki fanɛ ebojua

Ezikɛl 16:15

Ama fo shin nɛ fo kela na luri fo kumu to nɛ fo ki sakaleche nsaa ta fo kumu a sa enyɛn kama nɛ e kra fo a choŋ.

Ezikɛl 16:25

Kubɔrbi kikɛ ase fo pɔr kegbirshuŋkpa n yili ndoŋ n ya kaa jija fo kela nsaa tu enyɛn kikɛ nɛ e bɔla ndoŋ a choŋ a ŋaba fo kumu.

Ezikɛl 16:26

Fo tu Ijipt be efuli so be basa nɛ b pere kenishi a fin kananɛ baaŋ nya n di fo na n ji kubojua nɛ ma kagbene kaa ŋkpal loŋ so.

Ezikɛl 16:28

Ŋkpal benyɛn nɛ fo kɔ na ka maa kukwe fo so fo kra naŋ ya tu Asiriya be basa malɛ gba nna n ji kesakalea. Bumo alɛ gba maŋ kukwe fo.

Ezikɛl 16:41

Meeŋ wora loŋ ashi beche damta be anishito nɛ fo kubojuaji e fo ekar nɛ fo jipoana maaŋ naaŋ nya ŋkɛ ashi fo kutɔ.

Ezikɛl 23:19

Ama amo nɛ amo kikɛ, e kraa ji kesakalea na nna a ti so, nseŋ daa wora asheŋ fanɛ kananɛ e daa wora amo jemanɛ nɛ e daa la kasuŋgurbia ashi Ijipt be efuli so na gbagba.

Ezikɛl 23:44

Kananɛ benyɛn baa di esakaleche ale anyɔ nyɔ na nɛ b daa di Ohola nɛ Oholiba, nɛ b la beche jiga na.

Ezikɛl 23:5

Ohola daŋ kra la ma eche nna nsaa ji kesakalea nsaa kɔ kayɛlga lubi n sa mo jipoana nɛ b shi Asiriya be efuli so na.

Hoziya 2:5

Men nio daa maa ji kashenteŋ nna, amoso nɛ e paŋ anishinyɔr a kaŋɛ le na: “Meeŋ shile m bɛ ŋjipoana so, ŋkpal manɛ so, ma kusɔ kama shi bumo kutɔ nna. Ma ajibi nɛ ma nchu nɛ ma ewajɛ nɛ ɔlif be ŋku nɛ ma asɔ nuuso kikɛ bee shi bumo kutɔ nna.

Hoziya 3:3

Nseŋ kaŋɛ mo fanɛ naniere bre fo ki meya, amoso yige kesakalea nsaa jo ma nɛ ma alɛ gba e baa ji kanyiti a jo mo.

Hoziya 4:15

“Menyi Israɛl be basa maa ji kashenteŋ a sa ma, ama men sa maŋ shin nɛ Judaebi gba e luri loŋ be kulubi koŋwule ere to. Men sa maŋ naa yɔ Gilgaal ŋko Bɛtavɛn n ya kaa bunyaŋ agbir ŋko a nase nnɔ Enyɛnpe Ebɔrɛ na be ketre to.”

Levitikɔs 20:10

Nɛ enyɛn di mo barkasa be eche, mo nɛ eche na kikɛ ji kubojua nna na nseŋ daga luwu.

Levitikɔs 21:9

Nɛ bɔrɛmatapo pibiche jija mbe kumu ŋkpal e ka ki sakaleche so, e ŋaba mo tuto nna na nɛ a daga fanɛ b chɔɔ mo m mɔ.

Romebi 14:22

Amoso, kusɔ kama nɛ fo yirda a yɔ le be asheŋ ere be kaplɛa so, fo shin nɛ k baa wɔ fo nɛ Ebɔrɛ be nferinto. Kagbenefuli malɛ la esa kama nɛ e maa wu mo gbagba be kumu kedoŋ ashi kusɔ nɛ e bee yirda be ekpa so na peya nna.

Ditɛronɔmi 24:16

A maŋ daga fanɛ b mɔ betuto nɛ benio ŋkpal alubi nɛ bumo be mbia wora so. Kumo alɛ maŋ daga fanɛ b mɔ mbia ŋkpal alubi nɛ bumo tutoana nɛ bumo nioana wora so. Ekama daga fanɛ e wu nna ŋkpal mo gbagba be alubi nɛ e wora so.

Demujipoana 19:2

Ama ejipoche na daa maa ji kashenteŋ a sa kanyɛn na. E daŋ yige mo nna nseŋ bɛta n yɔ mo tuto pe ashi Bɛtlɛhɛm n ya kaa wɔ ndoŋ afɔl ana.