Jɛnesis 38:17 - EBƆRƐ BE KAWƆL

¹⁷ Nɛ Juda kaŋɛ mo: “Meeŋ shin nɛ b bar fo kaboefɔlbi ashi ma asɔbɔya to.” Nɛ keche na bishi mo: “Nɛ manɛ nɛ feeŋ ta n wora tarma n sa ma nɛ n yirda fo kamalga ere n ya fo saŋɛ nɛ feeŋ bar kaboe na?”

Jɛnesis 38:17 ပူးပေါင်းရင်းမြစ်များ

Jɛnesis 38:16

Ndoŋ nna nɛ e yɔ mo kutɔ ekpakar na n ya kaŋɛ mo le: “Keni, shin nɛ an ya di keche nɛ kenyɛn ai.” E daŋ kaŋɛ loŋ nna ŋkpal e ka daa maŋ pin e ka la mo shache so so. Ndoŋ nna nɛ kache na malɛ bishi mo: “Nɛ ma nɛ fo di, manɛ nɛ feeŋ sa ma?”

Jɛnesis 38:18

Nɛ Juda malɛ bishi mo: “To, manɛ nɛ fee sha fanɛ n ta n wora tarma n sa fo n ya fo saŋɛ nɛ kaboe na beeŋ ba?” Nɛ kache na kaŋɛ mo: “Ta fo kemaŋkanibi nɛ fo ketre deŋ so nɛ fo di ere nɛ fo kekpabi nɛ fo keta ere n sa ma.” Ndoŋ nna nɛ Juda ta asɔ na n sa kache na nɛ mo nɛ mo di keche nɛ kenyɛn nɛ e luri kedampo.

Jɛnesis 38:20

Juda ka ya ta kaboefɔlbi na n shuŋi mo teri Haira nɛ e shi Adulam na fanɛ e ta n ya sa kache na nseŋ sɔ mbe asɔ na m ba, nɛ kache na maŋ naa wɔ kakpa nɛ b daŋ tu mo na.

Aŋasa 20:16

Esa baŋ ta mbe kusɔbuuso n nase tarma n ji kukɔ n sa efɔ, nɛ efɔ na baŋ maŋ tiŋ ŋ ka kukɔ na, fo sɔ amodoŋwura be kusɔbuuso na n tal to.

Ezikɛl 16:33

Sakaleche kikɛ bee sɔ amansherbi nna, ama fo ere e naa sa fo jipoana asɔ, a lɔlɔ bumo nɛ b baa shi kaplɛkama a ba m ba kaa di fo.

Luuk 16:8

Damawura na daŋ kpaŋ mbe esibɛpo kebirkɔnshiwura na ga ŋkpal kashennyi nɛ e daŋ ŋini na so. Ŋkpal manɛ so, durnya ere to ebi kɔ kebirkɔnshi be kashennyi nna a wora bumo be asheŋ a chɔ basa nɛ b wɔ kefulto to.”

Demujipoana 15:1

Jemanɛ nɛ b daa teŋi ayu na, nɛ Samsɔn ta kaboe fɔlbi n yɔ nɛ e ya chɔrɔ kasuŋgurbia nɛ e bee fɛ fanɛ e kraa la mbe eche na. E ka yɔ nɛ e ya kaŋɛ eche na mo tuto le: “Mee sha keluri ma eche be ebu to nna.” Ama e daa maŋ shuli nɛ e luri ebu na to.