Jɛnesis 38:1 - EBƆRƐ BE KAWƆL

¹ Loŋ be jemanɛ na so nɛ Juda lar mo daana nɛ mo sipoana to n ya tu Adulam be kanyɛn ko nɛ b daa tre Haira na n chena.

Jɛnesis 38:1 ပူးပေါင်းရင်းမြစ်များ

Jɛnesis 38:12

B wɔtɔ loŋ nɛ Juda be eche nɛ e la Shuwa pibiche na ba wu. Juda ka shu mbe keeli loŋ n ya fo saŋɛ nɛ kagbene wushi mo nɛ mo nɛ mo teri Haira nɛ e shi Adulam na yɔ Timna, kakpa nɛ baa kuya mbe mbolpɔ be afuibi so na.

Jɛnesis 38:20

Juda ka ya ta kaboefɔlbi na n shuŋi mo teri Haira nɛ e shi Adulam na fanɛ e ta n ya sa kache na nseŋ sɔ mbe asɔ na m ba, nɛ kache na maŋ naa wɔ kakpa nɛ b daŋ tu mo na.

2 Samuɛl 23:13

Kasɔteŋi be jemanɛ so nɛ benapo lempo adesa na to be basa asa nɛ bumo be atre daŋ dii ga na yɔ ewura Deevid kutɔ ashi Adulam be kebeelaŋ na ase, nɛ Filistiebi na malɛ be benapo ko ya wora bumo be keeyito ashi Refaebi be ketaŋɛ na to,

2 Bewura 4:8

Kachako malɛ nɛ Elaisha yɔ kade ko nɛ baa tre Shunɛm nɛ damawurache ko wɔ ndoŋ. Nɛ damawurache na tre Elaisha mbe laŋ to fanɛ e ba tu mbe laŋ to ebi n ji. Baŋ yili loŋ be jemanɛ na, saŋkama nɛ Elaisha baŋ naŋ ba Shunɛm kache na b laŋ to nɛ e bee ji.

Aŋasa 13:20

Esa kama nɛ e bee tu benyiashempo a nite bee ki enyiashempo nna, ama esa nɛ mo nɛ bewulpo bee wora asheŋ bre bee luri tɔrɔ to nna.

Aŋasa 9:6

Men lar basa nɛ b maa pin asheŋ to manaŋ manaŋ na be katuŋ to nseŋ ji efute. Men shin nɛ asheŋ be kepin to e baa ŋini menyi ekpa.”

Maika 1:15

Enyɛnpe Ebɔrɛ na beeŋ ta menyi nɛ men shi kade nɛ baa tre Mareshɛf na m bɔɔ bedoŋ enɔ nɛ b kɔ n sɔ menyi be kade nɛ Israɛl be benimuana kikɛ e shile n ya ŋana kebeelaŋ nɛ k wɔ Adulam na to.

Joshuwa 12:15

Libna be ewura nɛ Adulam be ewura.

Joshuwa 15:35

Jaamɔf nɛ Adulam nɛ Soko nɛ Azeka nɛ

Demujipoana 4:18

Ndoŋ nna nɛ Jaɛl shɛr Sisɛra to nseŋ kaŋɛ mo le: “N nyɛnpe, luri a ba ma wajɛbu to. Sa maa ŋana kufu!” Nɛ Sisɛra luri wajɛbu na to n dese nɛ Jaɛl ta ketaa m buu mo so.

1 Samuɛl 22:1

Ndoŋ nna nɛ Deevid shile Gaaf be kade to n yɔ kebeelaŋ ko nɛ k mata kade nɛ baa tre Adulam na to. Mo daana nɛ mbe kanaŋ nɛ b ka na ka nu fanɛ e wɔ ndoŋ nɛ b yɔ ndoŋ n ya tu mo.