9 Kachako nɛ Josɛf naŋ ku edare ko nseŋ naŋ kute kumo ŋ ŋini mo daana na. E yɛ: “Men nu nfe, n yaŋ ku edare ko nna n wu epeŋi nɛ kufɔl nɛ achɛkpabi kudukako ka bee jɔŋɛ ma ase.”
E ka kaŋɛ mo tuto edare na nɛ mo tuto ponte mo so ŋ kaŋɛ: “Nuso be edare nɛ fo ku loŋ? Fee fɛ fanɛ ma nɛ fo nio nɛ fo daana beeŋ ba kaa jɔŋɛ fo ase kashenteŋto nna a?”
Edare na to n wu fanɛ an yɔ ndɔ to nna n ya teŋi ayu a kre to a nase nɛ ma kuyu pati niŋi to n yili nɛ menyeyaana ba gama ŋ kulti meya na nsaa jɔŋɛ kumo ase.”
Ndoŋ nna nɛ mo daana na bishi mo: “Ama fee fɛ nna fanɛ feeŋ ba ji anyi so kuwura ŋko feeŋ ba kaa kɔ eleŋ anyi so a?” Nɛ b naŋ kpal edare na nɛ mbe mmalga so ŋ kishi mo ga n ti so.
Ndoŋ nna nɛ Josɛf kaŋɛ Fɛɛro le: “Fo edareana na be afito la kukoŋwule nna a maŋ kɔr abar to. Ewura Fɛɛro, Ebɔrɛ lara kusɔ nɛ e bee shin nɛ e wora nna ŋ ŋini fo.
Ewura Fɛɛro, kusɔ nɛ k ba nɛ edare anyɔ na duli abar m ba fo kutɔ na e la fanɛ Ebɔrɛ yili kumo nna fanɛ abaanaaworasheŋ, e beeŋ wora kumo. K maaŋ chɛr gba.
To, jemanɛ na so malɛ nɛ Josɛf e daa la Ijipt be kasawule na so be gomena. Mo e daa fa ajibi na a sa kasawule na so ebi kikɛ. Amoso mo daana na ka fo Ijipt, b daŋ jɔŋɛ mo ase nna ŋ kurgi amu n yuu to bunyanso.
Amoso men nya manaŋ m bɛta n ya kaŋɛ n tuto le: ‘Fo pibi Josɛf yɛ, Ebɔrɛ ta mo ŋ ki Ijipt be efuli so kikɛ be gomena, amoso nya manaŋ m ba kaa wɔ mo kutɔ nfe.
nɛ Josɛf bela ase n luri mbe gbaŋɛturko to m pɛ ekpa nɛ e ya tu mo tuto Jeekɔb ndoŋ. Josɛf ka wu mo tuto nɛ e ya ber mo to m pɛ mo to nseŋ shu n chɛr ga.
Kumo be eleŋ daŋ wora keshi nna ga hale nɛ k tu esoso be achɛkpabi, nɛ e yili n sa ebɔrɛso be benapo na, ŋ kɔ kena nseŋ ta amo be ako n lɛ to kasawule n chichi amo so.
Ndoŋ nna nɛ Enyɛnpe Ebɔrɛ kaŋɛ bumo le: “Men kaŋ kusoe n nu ma mmalga ere: Ma e naa bɔla kewuŋkaŋɛ so a lara ma kumu a ŋini anebiana nsaa bɔla edare so a malga bumo kutɔ.
Saŋɛ na so esa kama maaŋ wu kulubi kikɛ menyi so, ama menyeeŋ baa du cheembi a la Ebɔrɛ be mbia lela nɛ b wea nfɛralubiwuraana nɛ asheŋlubiwuraana to a wɔ durnya ere to. Men baa wɔ bumo to loŋ a du fanɛ achɛkpabi a fuli to a nyɛkpɛ a sa bumo,