Jɛnesis 37:7 - EBƆRƐ BE KAWƆL

⁷ Edare na to n wu fanɛ an yɔ ndɔ to nna n ya teŋi ayu a kre to a nase nɛ ma kuyu pati niŋi to n yili nɛ menyeyaana ba gama ŋ kulti meya na nsaa jɔŋɛ kumo ase.”

Jɛnesis 37:7 ပူးပေါင်းရင်းမြစ်များ

Jɛnesis 27:29

Ebɔrɛ e shin nɛ efuli pɔtɛana be basa e ba kaa bunyaŋ fo nɛ basa be nnanto e baa gbir fo kumuli. Baa la fo sipoana kikɛ be ewura n shin nɛ fo nio be bibinyɛn kikɛ e ba kaa gbir fo kumuli. Ebɔrɛ e shin nɛ bekama nɛ baaŋ sho fo kɔnɔ e nya kɔnɔsho nɛ bekama malɛ nɛ b nɛfa fo e nya nɛfa.”

Jɛnesis 37:6

Le nɛ e daŋ kaŋɛ bumo: “Men nu edare mo nɛ ŋ ku ere.

Jɛnesis 42:6

To, jemanɛ na so malɛ nɛ Josɛf e daa la Ijipt be kasawule na so be gomena. Mo e daa fa ajibi na a sa kasawule na so ebi kikɛ. Amoso mo daana na ka fo Ijipt, b daŋ jɔŋɛ mo ase nna ŋ kurgi amu n yuu to bunyanso.

Jɛnesis 42:9

Ndoŋ nna nɛ e nyiŋi mbe edareana nɛ e daŋ ku a laŋɛ bumo be kaplɛa so saŋɛ nɛ mo nɛ bumo kikɛ daa wɔ Keenan na nseŋ kaŋɛ bumo le: “Men la bedarapo nna. Men ba nfe nna nɛ men ba dara m pin efuli ere so be kakpa nɛ bekumpo maŋ wɔ.”

Jɛnesis 43:26

Josɛf ka ba epe nɛ b jɔŋɛ mo ase bunyanso nseŋ ta bumo be ŋkɛ nɛ b bar mo na n sa mo.

Jɛnesis 43:28

Nɛ b naŋ jɔŋɛ mo ase nseŋ shuli ŋ kaŋɛ: “Mm, an tuto fo kenya kraa wɔtɔ a kɔ alenfia.”

Jɛnesis 44:14

Josɛf daa maŋ naŋ lar epe nɛ Juda nɛ mo sipoana na ba m ba dese kekil mbe anishito.

Jɛnesis 44:18

Ndoŋ nna nɛ Juda yɔ mo kutɔ n ya kaŋɛ mo: “N nyɛnpe jande, shin nɛ fo kenya e malga kamalgabi ko n sa fo, n nyɛnpe. N nyi fo nɛ ewura Fɛɛro ka sasa, ama jande, sa maŋ nya agbo n wora ma.

Jɛnesis 44:19

Fo, n nyɛnpe e daŋ bishi anyi fo anya le: ‘Men kɔ etuto ŋko esipobi a?’

Jɛnesis 50:18

Ama kubɔya na be kaman, mo daana na gba daŋ naŋ ba mo kutɔ nna m ba gbir mbe anishito ŋ kurgi amu n yuu to ŋ kaŋɛ mo: “Anyi, fo anya nde!”

Filipaiebi 2:10

Nseŋ yili kumo fanɛ kumuli kikɛ nɛ k wɔ ebɔrɛso nɛ kasawule so nɛ durnya nɛ k wɔ kaseto beeŋ gbir m bunyaŋ Yesu be ketre na.

Kɔlɔsiebi 1:18

ŋkpal manɛ so, mo e la ejuŋkparpo nɛ e tiŋi luwu to ashi bumo nɛ b wu na kikɛ to.