Jɛnesis 37:34 - EBƆRƐ BE KAWƆL

³⁴ Ndoŋ nna nɛ e kpɛa mbe asɔbuuso to nseŋ ta kusɔbuuso ko nɛ kumo be kapɔr du sesaga fanɛ bɔtɛ m buu n ta nchɛ damta n shu mbe kebia na be keeli ga.

Jɛnesis 37:34 ပူးပေါင်းရင်းမြစ်များ

Jɛnesis 37:29

Ruben ka laŋɛ m ba ketirbu na ase m ba wu fanɛ Josɛf maŋ naa wɔtɔ nɛ e kpɛa mbe asɔbuuso to ŋkpal kagbenejijaso

Jɛnesis 42:38

Ama le nɛ Jeekɔb daŋ kaŋɛ: “Ayai, ma kebia ere maaŋ tu menyi n yɔ ndoŋ. Mo da wu, mo nawule e baŋ ka na. Nɛ menyee yɔ nɛ tɔrɔ ko ya tu mo enite na to, menyeeŋ shin nɛ kagbenejija e mɔ ma ashi ma mbel to.”

Jɛnesis 44:13

Ndoŋ nna nɛ b kpɛa bumo be asɔbuusoana to ŋkpal kagbenejijaso nseŋ naŋ bɛta ŋ kre bumo be esulɔana n deŋi bumo be ekurma so m bɛta n yɔ kade na to.

2 Samuɛl 1:11

Deevid ka nu loŋ nɛ mo nɛ basa nɛ b wɔ mo kutɔ na kikɛ kpɛa bumo be asɔbuuso to kagbenejijaso.

2 Samuɛl 3:31

Ndoŋ nna nɛ Deevid ponte ŋ kaŋɛ Jɔab nɛ mbe basa fanɛ b kpɛa bumo be asɔbuuso to, nseŋ ta kagbenejijaso be asɔbuuso m buu n shu Abna be keeli. Ewura Deevid gbagba e daŋ wora Abna be keeli.

1 Bewura 20:31

Kede be kaman nɛ mbe benimuana na yɔ mo kutɔ n ya kaŋɛ le: “An nu fanɛ Israɛl be bewura bee wu kuwɔr ga, amoso sa anyi ekpa nɛ an ta kagbenejijaso be asɔbuuso n dela anyi be nshɛr to nseŋ ta efɔl malɛ n chɛ anyi be abɔto kagbenejijaso n yɔ Israɛl be ewura na kutɔ. Ashere nɛ an wora loŋ e maaŋ mɔ fo.”

1 Bewura 21:27

Anebi Elaija ka malga n loge nɛ ewura Ahab kpɛa mbe epiŋi to nseŋ lara amo n ta kagbenejijaso be piŋi a buu kapa nɛ kanya a ŋini fanɛ mbe kagbene jija ga. E daŋ kini ajibi gba nna nseŋ gbir kenishito.

2 Bewura 19:1

Ewura Hɛzekaya ka nu kubɔya nɛ Asiriya be benapo be enimu kaŋɛ na, nɛ mbe kagbene jija mo ga nɛ e kpɛa mbe asɔbuuso to nseŋ ta kagbenejijaso be asɔbuuso m buu n yɔ Enyɛnpe Ebɔrɛ na be bɔrɛlambu to.

2 Bewura 2:12

Elaisha ka wu loŋ nɛ e boŋto ŋ kaŋɛ anebi Elaija le: “Israɛl be benapo nɛ baa dii egbaŋɛ a kɔ kena nɛ bumo nɛ baa ta egbaŋɛturko a kɔ kena na ta n nyɛnpe n choŋ!” E ka baŋ kaŋɛ loŋ n loge, e maŋ naŋ wu anebi Elaija. Nɛ Elaisha chaŋɛ mbe piŋi to a ŋini mbe kagbenejija.

2 Bewura 22:11

Ewura na ka nu kusɔ nɛ k wɔ mbra be kawɔl na to nɛ e kpɛa mbe asɔbuuso to kagbenejijaso,

1 Kronikɛls 21:16

Deevid ka wu malaika na ka wɔ esoso ŋ keta mbe tokobi nɛ e mur Jerusalɛm na, nɛ mo nɛ Israɛl be bejuŋkparpoana nɛ b buu kagbenejijaso be asɔbuuso na tɔr epun so n dese kasawule.

1 Kronikɛls 7:22

Bumo tuto Efrayim daŋ shu bumo be keeli nchɛ damta nna nɛ mo kurgepoana ba lolo mo.

Nehemaya 9:1

Kufɔl shunusopo na be kachɛ adunyɔ nɛ ana na nɛ Israɛlebi na shɛr ŋ kishi nseŋ buu nli be nle nseŋ wora eshishɛr ŋ gbiti bumo be amu to a ŋini bumo be ŋgbene ka jija bumo ŋkpal bumo be alubi so so.

Job be kawɔl 1:20

Job ka nu le be asheŋ ere kikɛ, nɛ e pɛ mbe asɔbuuso ŋ kpɛa to nseŋ she mbe kumu so be emin kikɛ ŋkpal kagbenejija damta nɛ k tɔr mo so na so. Kumo be kaman nɛ e gbir m bunyaŋ Ebɔrɛ

Job be kawɔl 16:15

Amoso nɛ n ta bɔtɛ m ba piŋi m buu nseŋ chena eshishɛrpumpuŋ to a shu fanɛ ŋ ka bee shu keeli na.

Job be kawɔl 2:12

B kraa wɔ kufɔ kufɔ nna nseŋ wu Job, ama b daa maŋ pin mo. B ka ba pin fanɛ Job nna nɛ b fara a shu a boŋ to awɔrso nseŋ kpɛa bumo be asɔbuuso to nsaa wora eshishɛr a wurge bumo be amu so a ŋini fanɛ bumo be ŋgbene jija bumo.

Nshɛ 69:11

M buu kagbenejijaso be asɔbuuso gba basa bee wora ma eyurto nna.

Aizaaya 32:11

Men daa wɔtɔ nna fanɛ shɛŋ ka maŋ tir menyi, ama naniere men shin kufu e baa kɔ menyi nɛ men baa chicha! Men gbaŋ menyi be asɔbuuso n lɛ nseŋ ta keeli be asɔbuuso m buu.

Aizaaya 36:22

Kumo be kaman nɛ Eliakim nɛ Shɛbna nɛ Jowa ta kagbenejija ŋ kpɛa bumo be asɔbuuso to nseŋ ya bɔ kusɔ nɛ Asiriya be benapo be ejuŋkparpo kaŋɛ na be kubɔya n sa ewura Hɛzekaya.

Jɛremaya 36:24

Ama ewura na nɛ mbe benimuana nɛ b nu kawɔl na be kakraŋ na maŋ wora kusɔ ko a ŋini fanɛ kagbene jija bumo ŋko kufu pɛ bumo.

Jɛremaya 48:37

Benyɛn na kikɛ daŋ she bumo be amu nɛ ntɔl nna nɛ basa na kikɛ ta asɔ ŋ kpɛa ŋ kpɛa bumo be enɔana nseŋ ta nli be asɔbuuso m buu.

Jowɛl 2:13

Men shin nɛ men be kagbenejija na e di efuli ŋ ŋini fanɛ kashenteŋto men be ŋgbene maŋ dese menyi. Men be asɔbuuso be kekpɛa to ere bre maŋ la shɛŋ. Men bɛta m ba Enyɛnpe, men be Ebɔrɛ na kutɔ. E la enyitipo nna, nsaa bɛ mbe nnɔ naseso so. Saŋkikɛ e wora shiriya nna nɛ e ta men be alubi m paŋ menyi nsaa maaŋ gberge menyi kusoe

Matiu 11:21

E yɛ: “Kɔrazinebi, asheŋ maaŋ nyalɛ n sa menyi kikɛ, Bɛtsaidaebi, menyi alɛ gba, asheŋ maaŋ nyalɛ n sa menyi, ŋkpal manɛ so, emamachisheŋ nɛ n wora menyi to ere, nɛ n daŋ wora amo Tayɛ nɛ Saidɔn to nna, ndoŋebi daŋ ta nsunɔ n chaŋ bumo be eyurana so nseŋ buu asɔ a tase fanɛ keeli to ebi a ŋini fanɛ b lar bumo be alubiana to n chɛr.

Matiu 26:65

Nɛ bɔrɛmatapo nimuso na kpɛa mbe asɔbuuso to nseŋ kaŋɛ le: “E malga ŋ gbiti Ebɔrɛ! Men nu kananɛ e malga ŋ gbiti Ebɔrɛ nna na. An naa sha eshɛda ko nna n ti so a?

Ashuŋ Shunso 14:14

Baanabas nɛ Sɔɔl ka nu kusɔ nɛ b daa shin nɛ b wora na nɛ b kpɛa bumo be asɔbuuso to a ŋini kananɛ kesheŋ na jija bumo be ŋgbene nseŋ shile n luri jimaŋ na be nferinto a boŋ to a bishi bumo a kaŋɛ:

Joshuwa 7:6

Nɛ Joshuwa nɛ Israɛlebi be benimu na kikɛ kpɛa bumo be asɔbuuso to kagbenejijaso nseŋ tɔr kasawule ashi Enyɛnpe Ebɔrɛ be ŋkre be deka na ase n dese ndoŋ hale n ya fo kaaseso. B daŋ muu shishɛr gba nna n wurge bumo be amu so a ŋini fanɛ bumo be ŋgbene jija bumo ga.

Kelaraŋŋini 11:3

Ma alɛ beeŋ sa ma shɛdajipoana anyɔ eleŋ nɛ b wu abɔrɛsheŋ ŋ kaŋɛ amo be nchɛ kagboŋ nɛ alfa anyɔ nɛ adeshe na kikɛ to, amo be saŋɛ malɛ kikɛ to baaŋ buu kagbenejija be asɔbuuso.”

Demujipoana 11:35

E ka baŋ wu mo pibiche na nɛ e kpɛa mbe piŋi to a ŋini mbe kagbene ka jija mo ga nseŋ boŋ to ŋ kaŋɛ le: “O! M pibiche! Fo tɔrɔ ma n shin nɛ ma kagbene ji ebesa pasaa! Ŋkpal manɛ so, n nase kɔnɔ n sa Enyɛnpe Ebɔrɛ na nna. Ma alɛ maaŋ tiŋ ŋ kini kumo be kewora m bɔlɔ so!”