Jɛnesis 37:29 - EBƆRƐ BE KAWƆL

²⁹ Ruben ka laŋɛ m ba ketirbu na ase m ba wu fanɛ Josɛf maŋ naa wɔtɔ nɛ e kpɛa mbe asɔbuuso to ŋkpal kagbenejijaso

Jɛnesis 37:29 ပူးပေါင်းရင်းမြစ်များ

Jɛnesis 34:13

Ŋkpal Shɛkɛm ka jija bumo sipoche Daina so, Jeekɔb be bibinyɛn na daŋ fule nna n shuli n sa Shɛkɛm nɛ mo tuto Hamar.

Jɛnesis 37:34

Ndoŋ nna nɛ e kpɛa mbe asɔbuuso to nseŋ ta kusɔbuuso ko nɛ kumo be kapɔr du sesaga fanɛ bɔtɛ m buu n ta nchɛ damta n shu mbe kebia na be keeli ga.

Jɛnesis 44:13

Ndoŋ nna nɛ b kpɛa bumo be asɔbuusoana to ŋkpal kagbenejijaso nseŋ naŋ bɛta ŋ kre bumo be esulɔana n deŋi bumo be ekurma so m bɛta n yɔ kade na to.

2 Samuɛl 1:11

Deevid ka nu loŋ nɛ mo nɛ basa nɛ b wɔ mo kutɔ na kikɛ kpɛa bumo be asɔbuuso to kagbenejijaso.

2 Samuɛl 13:19

Ndoŋ nna nɛ Tamaa muu nsunɔ n wurge mbe kumu so, nseŋ kpɛa mbe kale to n ta mbe enɔana m buu mbe anishi so a shu a yɔ.

2 Bewura 11:14

E ka ya wu ewura popɔr na nɛ e yili eshabɔrɛana na akpa ashi bɔrɛlambu na be kabuna be anishito be kakpa nɛ bewura bee chena na, nɛ benapo be benimu nɛ mbelfompoana yili ŋ kulti mo, nɛ basa na kikɛ bee cha awɔr kagbenefuli so nsaa foŋ mbel nɛ bɔrɛlambu to be beshɛbompoana bee juŋkpar kasheŋ wora na kikɛ, nɛ e kpɛa mbe asɔbuuso to kagbenejijaso nseŋ boŋto ŋ kaŋɛ le: “Menyi bedebɔrpo ere!”

2 Bewura 19:1

Ewura Hɛzekaya ka nu kubɔya nɛ Asiriya be benapo be enimu kaŋɛ na, nɛ mbe kagbene jija mo ga nɛ e kpɛa mbe asɔbuuso to nseŋ ta kagbenejijaso be asɔbuuso m buu n yɔ Enyɛnpe Ebɔrɛ na be bɔrɛlambu to.

2 Bewura 5:7

Israɛl be ewura na ka kraŋ kawɔl na nɛ mbe aba pɔ mo nɛ kufu pɛ mo ŋkpal Siriya be benapo na be eleŋ nɛ b kɔ so nɛ e kpɛa mbe asɔbuuso to m ponte ŋ kaŋɛ le: “A ji nuso nɛ Siriya be ewura na kaŋɛ fanɛ kanyɛn ere e ba ŋ kutɔ nɛ n chɛ mbe keboti? E bee fɛ fanɛ n la Ebɔrɛ nna nsaa kɔ luwu nɛ ŋkpa be eleŋ a? Naniere bre k baŋ fuli geeŋ nna fanɛ kolu nɛ e bee sha ma!”

Job be kawɔl 1:20

Job ka nu le be asheŋ ere kikɛ, nɛ e pɛ mbe asɔbuuso ŋ kpɛa to nseŋ she mbe kumu so be emin kikɛ ŋkpal kagbenejija damta nɛ k tɔr mo so na so. Kumo be kaman nɛ e gbir m bunyaŋ Ebɔrɛ

Jɛremaya 36:24

Ama ewura na nɛ mbe benimuana nɛ b nu kawɔl na be kakraŋ na maŋ wora kusɔ ko a ŋini fanɛ kagbene jija bumo ŋko kufu pɛ bumo.

Jowɛl 2:13

Men shin nɛ men be kagbenejija na e di efuli ŋ ŋini fanɛ kashenteŋto men be ŋgbene maŋ dese menyi. Men be asɔbuuso be kekpɛa to ere bre maŋ la shɛŋ. Men bɛta m ba Enyɛnpe, men be Ebɔrɛ na kutɔ. E la enyitipo nna, nsaa bɛ mbe nnɔ naseso so. Saŋkikɛ e wora shiriya nna nɛ e ta men be alubi m paŋ menyi nsaa maaŋ gberge menyi kusoe

Nɔmbɛs 14:6

Nɛ Nun pibinyɛn Joshuwa nɛ Jefune pibinyɛn Kalɛb nɛ b ti basa nɛ b ya dara kasawule na so na kpɛa bumo be asɔbuuso to kagbenejijaso

Ashuŋ Shunso 14:14

Baanabas nɛ Sɔɔl ka nu kusɔ nɛ b daa shin nɛ b wora na nɛ b kpɛa bumo be asɔbuuso to a ŋini kananɛ kesheŋ na jija bumo be ŋgbene nseŋ shile n luri jimaŋ na be nferinto a boŋ to a bishi bumo a kaŋɛ:

Demujipoana 11:35

E ka baŋ wu mo pibiche na nɛ e kpɛa mbe piŋi to a ŋini mbe kagbene ka jija mo ga nseŋ boŋ to ŋ kaŋɛ le: “O! M pibiche! Fo tɔrɔ ma n shin nɛ ma kagbene ji ebesa pasaa! Ŋkpal manɛ so, n nase kɔnɔ n sa Enyɛnpe Ebɔrɛ na nna. Ma alɛ maaŋ tiŋ ŋ kini kumo be kewora m bɔlɔ so!”