Jɛnesis 37:27 - EBƆRƐ BE KAWƆL

²⁷ An fa mo n sa Ishmaɛlebi ere bɔ an ka teŋi enɔ m mɔ mo, ŋkpal manɛ so, an sipo gbagba nna nɛ anyi nɛ mo la ŋklaŋ koŋwule.” Ndoŋ nna nɛ bumo nɛ b ka na nu n sa mo.

Jɛnesis 37:27 ပူးပေါင်းရင်းမြစ်များ

Jɛnesis 29:14

Ndoŋ nna nɛ Leeban kaŋɛ mo: “Ma ŋklaŋ e baa la fo.” Kede be kaman nɛ Jeekɔb chena ndoŋ kufɔl koŋwule.

Jɛnesis 37:22

Men sa maŋ wora mo shɛŋ. Men shin nɛ an ta mo n lɛ ketirbu ere to ashi kiyi ere to nfe. Ama men sa maŋ shin nɛ an teŋi enɔ m beta mo.” E daŋ kaŋɛ loŋ nna, saŋɛ na so e beeŋ sɔ kebia na bumo be enɔ to n ya sa mo tuto.

Jɛnesis 42:21

nseŋ kaŋɛ abar le: “K baŋ fuli nna fanɛ kusɔ nɛ an daŋ wora an sipo Josɛf na so so nɛ anyee nya le be kasogberge ere na. An daŋ wu kananɛ mbe kagbene kikɛ daŋ jija mo nɛ e daa yila kenishito fanɛ an wu mo kuwɔr nɛ an kini kenu. Kumo so nɛ le be kagbenejija ere ba anyi alɛ gba so na.”

Jɛnesis 50:20

Menyi ere daŋ kre ma kulubi nna, ama Ebɔrɛ malɛ ta kumo ŋ ki kelela, saŋɛ na so e beeŋ sɔ basa damta nɛ b wɔ ŋkpa to kabre ere n yige ŋkpal kusɔ nɛ k daŋ wora na so.

2 Samuɛl 12:9

Nɛ manɛ e ba nɛ fo kini kenu n sa ma nseŋ ŋaba ma le ere? Fo e shin nɛ Ammɔnebi na mɔ Yuriya ashi kena to nɛ fo ta mbe eche ŋ ki feya.

Nehemaya 5:5

Anyi alɛ gba la Juwebi nna, nɛ anyi be mbia nɛ bumo be mbia kikɛ la kukoŋwule. Ama anyi ere bee fa anyi be mbia nna nɛ baa ki anya. Naniere anyi maŋ naa kɔ kechɛto kikɛ be tama ŋkpal an ka ta anyi be adɔsawule nɛ ndibi sɔrso be adɔana ŋ n chɛr ayu so.”

Nehemaya 5:8

An wora ania n tɔ anyi be basa nɛ b pɛ anya n yɔ efuli pɔtɛana so na m bɛta m ba. Ama naniere menyi e naa fa bumo be bedamta na, nɛ an naŋ ya tɔ bumo!” Ekrachi na nɛ bejuŋkparpoana na daa maŋ kaŋɛ shɛŋ, ŋkpal b ka nyi k kaa la kashenteŋ so.

Ɛksodɔs 21:16

Esa kama nɛ e yuri dimɛdi n fa ŋko n ta mo a kɔ fanɛ kenya, amodoŋwura gba daga luwu.

Ɛksodɔs 21:21

Ama nɛ kenya na ji kachɛ koŋwule ŋko nchɛnnyɔ pɔɛŋ nseŋ wu bre, kumo ere mo nyɛnpe maŋ daga kasogberge, ŋkpal manɛ so, e paŋ mbe kapetɛ nna na.

Matiu 16:26

Nɛ fanɛ durnya kikɛ ki esa peya nɛ e paŋ mbe ŋkpa, manɛ be tɔnɔ nɛ e nya ŋko manɛ nɛ esa beeŋ tiŋ n ta n chɛr mbe ŋkpa?

Matiu 26:15

n ya bishi bumo le: “Nɛ n nya mo m bɔɔ menyi enɔ, manɛ nɛ menyeeŋ sa ma?” Ndoŋ nna nɛ b karga egbiti be ndarbi adesa n sa mo.

1 Timoti 1:10

Mo alɛ naŋ bar mbra na nna ŋkpal kesakaleawuraana nɛ benyɛn nɛ bumo gbagba kɔ abar a di na nɛ bumo nɛ baa yuri basa a fin kasɔji na nɛ befɛpo nɛ basa nɛ b maa yɛ asheŋ a wora na nɛ bumo nɛ baa wora asheŋ nɛ a maa bɛ kashenteŋ be keŋini na so kuraa na kikɛ so.

Kelaraŋŋini 18:13

Baaŋ shu, ŋkpal manɛ so, b nyi esa kikɛ ka maaŋ naŋ tɔ bumo be ndibi be asɔrso mo nɛ basa kɔ a wora ŋku dufɛsoana na nseŋ naa nyi b ka maaŋ tɔ asɔ nɛ b kɔ a wora ŋku mɛlɛmɛlɛbi nɛ bumo be duwu nɛ mir nɛ fraŋkinsensi nɛ bumo be nsa nɛ ɔlifs be ŋku nɛ nyifu peso nɛ bumo be atuwe nɛ bumo be ana nɛ mbolpɔ nɛ egbaŋɛ nɛ egbaŋɛturkoana nɛ anya, kumo e la fanɛ basa be ayoyu gbagba na.

1 Samuɛl 18:17

Kachako nɛ Sɔɔl kaŋɛ Deevid le: “Nɛ feeŋ nya kenyɛn a kɔ Enyɛnpe Ebɔrɛ be ana a sa ma bre, kumo ere ma alɛ beeŋ ta m pibiche nimuso Mɛrab n sa fo.” Sɔɔl be nfɛra e daa la fanɛ nɛ e wora loŋ, Filistiebi na beeŋ nya Deevid m mɔ, saŋɛ na so k maaŋ ba fanɛ mo e mɔ mo.