Jɛnesis 37:2 - EBƆRƐ BE KAWƆL

² Jeekɔb nɛ mbe kanaŋ to ebi be asheŋ nde. Josɛf ka daŋ n fo nfɛ kuduashunu na nɛ mo nɛ mo da nyɛnsoana nɛ b la mo tuto be beche Bilha nɛ Zilpa be mbia na daa kpa mbolpɔ. Loŋ be saŋɛ na so Josɛf daa wɔtɔ nna a ta mo daana na be asheŋ woraso m ba kaa kute a sa mo tuto.

Jɛnesis 37:2 ပူးပေါင်းရင်းမြစ်များ

Jɛnesis 10:1

Kananɛ Nowa be mbia Shɛm nɛ Ham nɛ Jafɛf be mbiaana be nnaŋ nite nde. Nchu ka daŋ ji durnya na be kaman pɔɛŋ nɛ Nowa be bibinyɛn na daŋ nya bibinyɛnana.

Jɛnesis 2:4

To, kananɛ Enyɛnpe Ebɔrɛ daŋ to esoso nɛ kasawule nna na. E ka daŋ to amo na,

Jɛnesis 30:4

Kamalga ere be kaman nɛ Reechel ta mbe kebita Bilha n sa mo kul Jeekɔb fanɛ e ta mo ŋ ki mbe eche.

Jɛnesis 30:9

Lia malɛ ka wu fanɛ e maŋ naa kurge nɛ mo alɛ gba ta mbe kebita Zilpa n sa mo kul fanɛ e ta mo ŋ ki mbe eche.

Jɛnesis 35:22

Saŋɛ nɛ Jeekɔb daa wɔ ndoŋ na nɛ Ruben ya tu mo tuto Jeekɔb mo jipoche Bilha n di nɛ Jeekɔb nu kumo be asheŋ. Jeekɔb daa kɔ mbinyɛnbi kuduanyɔ nna.

Jɛnesis 41:46

Josɛf daa la nfɛ adesa nna pɔɛŋ nseŋ luri ewura Fɛɛro be kushuŋ na to ashi Ijipt be kasawule so.

Jɛnesis 42:8

Josɛf bre daŋ pin mo daana na, ama bumo ere daa maŋ pin mo.

Jɛnesis 45:6

Akoŋ ere ka tɔr kumo be nfɛ anyɔ e kraa la na, kumo alɛ kraŋ ka nfɛ anu. Nfɛ anu na be jemanɛ so basa maaŋ tiŋ n dɔ, a bishi nɛ b duu asɔ ŋko a teŋi.

Jɛnesis 46:34

men kaŋɛ mo le: ‘Anyi be kebia to kikɛ anyi, fo anya, la asɔbɔyakpapoana nna fanɛ an nananyɛnana m ba fo mbre.’ Nɛ men kaŋɛ mo loŋ e beeŋ sa menyi ekpa nɛ men ya kaa wɔ Goshen be kasawule so, ŋkpal manɛ so, Ijiptebi nɛ mbolpɔkenipoana maŋ kɔ shɛŋ.”

Jɛnesis 5:1

Adam be kanaŋ to ebi be atre nɛ b sibɛ n nase nde. Ebɔrɛ ka to dimɛdi na e daŋ to mo nna nɛ e du fanɛ mo Ebɔrɛ gbagba.

Jɛnesis 6:9

Kananɛ Nowa nɛ mbe kanaŋ to ebi be asheŋ lar nde. Nowa daa la esa nɛ e niŋi nna ashi Ebɔrɛ be anishito nseŋ daa maa kɔ amoso mbe jemanɛ na so. Mo nɛ Ebɔrɛ daa ji keteri nna.

Baru lela nɛ Jɔn kute na 7:7

Durnya maaŋ tiŋ ŋ kishi menyi ere, ama ma ere, k kishi ma nna ŋkpal ŋ ka bee kaŋɛ fanɛ kumo be asheŋ woraso maŋ walɛ so.

1 Kɔrintebi 1:11

Ŋkpal manɛ so, ŋ kurgepoana, basa ko ashi Klowe pe bugi to ŋ kaŋɛ ma fanɛ menyi to be beko wɔtɔ nna a kɔ abar nlu.

1 Kɔrintebi 11:18

Kusɔ nɛ k juŋkpar nde: N nu fanɛ men baŋ shɛr fanɛ asɔri, men kɔ kebargatoana nna menyi to, ma alɛ yirda kumo ashi ekpa ko so.

1 Kɔrintebi 5:1

Basa wɔtɔ nna a kaŋɛ fanɛ kesakalea be keji wɔ menyi to nna, kesakalea mo nɛ b maa ji bumo nɛ b maŋ nyi Ebɔrɛ gba to, kumo e la fanɛ menyi to be eko kɔ mo tuto be eche nna a sha.