Jɛnesis 37:11 - EBƆRƐ BE KAWƆL

¹¹ Ndoŋ nna nɛ mo daana na fara a kɔ mo kukɔrkɔ ŋko a besa mo eyur ashi bumo be ŋgbene to, ama mo tuto bre daa maŋ teŋ kesheŋ na so.

Jɛnesis 37:11 ပူးပေါင်းရင်းမြစ်များ

Jɛnesis 24:31

E ka ya tu kanyɛn na nɛ e kaŋɛ mo le: “Fo nɛ Ebɔrɛ nɛfa ere, manɛ nɛ fo yil nfe a wora? Baa ba epe. N lɔŋɛ ebu nɛ enyɔma ere gba be kakpa n yili.”

Jɛnesis 37:12

Kachako nɛ mo daana na kpa bumo tuto be mbolpɔ a yɔ Shɛkɛm,

Jɛnesis 42:9

Ndoŋ nna nɛ e nyiŋi mbe edareana nɛ e daŋ ku a laŋɛ bumo be kaplɛa so saŋɛ nɛ mo nɛ bumo kikɛ daa wɔ Keenan na nseŋ kaŋɛ bumo le: “Men la bedarapo nna. Men ba nfe nna nɛ men ba dara m pin efuli ere so be kakpa nɛ bekumpo maŋ wɔ.”

Nshɛ 106:16

Bumo be ekama ashi bumo be keeyi to daa besa Mosis nɛ Ɛɛrɔn, nɛ b la Ebɔrɛ be nyɛrbi nɛ e lara n sa mbe kumu na eyur nna.

Kaŋinichiŋgeliŋ 4:4

Kumo be kaman nɛ n naaŋ pɛshɛ m pin kusɔ nɛ k ba nɛ basa bee pere kenishi a shuŋ ga nɛ b dii dama. Amo kikɛ to nɛ n wu fanɛ an ka bee besa abar eyur so nɛ k du loŋ. Ama amo kikɛ la fuloŋ nna. K du fanɛ fo ka ju a bɛ afu so nna.

Aizaaya 11:13

Israɛl be kuwurji maaŋ naa kɔ Juda be kuwurji kukɔrkɔ. Juda malɛ maaŋ naa la Israɛl mo doŋ.

Aizaaya 26:11

Enyɛnpe Ebɔrɛ, fo doŋana maŋ nyi fanɛ feeŋ gberge bumo kusoe. Shin nɛ b wu fanɛ fee sha kebaachɛ fo basa to saŋkama nna, nɛ anishinyɔr e pɛ bumo. Shin nɛ edɛ nɛ fo bela ase a jo fo doŋana na e chɔɔ bumo m mur.

Danɛl 7:28

Ma edare na nɛ kumo be kifito kikɛ be ekar nna na. Kufu daŋ pɛ ma ga nna hale nɛ n nyɔr ŋ ki foleebi nseŋ ta kusɔ kama n wɔtɔ ma kagbene to.

Matiu 27:18

E daŋ bishi loŋ nna, ŋkpal manɛ so, e daa nyi basa na ka daŋ ta Yesu m bɔɔ mo enɔ ŋkpal kayurbesa so.

Maak 15:10

E daŋ bishi loŋ nna, ŋkpal manɛ so, e daa nyi bɔrɛmatapowuraana na ka daŋ ta Yesu m bɔɔ mo enɔ ŋkpal kayurbesa so.

Luuk 2:19

Mɛɛri malɛ daŋ ta asheŋ ere kikɛ nna n wɔtɔ mbe kagbene to a fɛ amo be nfɛra.

Luuk 2:51

Amo be kaman nɛ mo nɛ bumo bɛta n yɔ Nazarɛt nɛ e ya kaa wɔtɔ a nu a sa bumo. Nɛ mo nio ta asheŋ ere kikɛ n wɔtɔ mbe kagbene to a wɔtɔ.

Ashuŋ Shunso 13:45

Juwebi na ka wu jimaŋ na nɛ yurkishi luri m bɔlɔ bumo to nɛ b malga ŋ gbiti kusɔ nɛ Pɔɔl daa malga na nseŋ tege mo.

Ashuŋ Shunso 7:9

Bejuŋkparpo ere daŋ kurge bumo sipo Josɛf yurkishi nna n ta mo n fa n shin nɛ e ki kenya ashi Ijipt be efuli so. Ama Ebɔrɛ daa maŋ yige mo n to.

Galeeshaebi 5:21

Kayurbesa, kasanuu jijiga nɛ amo be nfɛra lubiana n ta asheŋ lubi damta ko malɛ gba n ti so. N chɛr n fiɛ menyi so, ama men shin nɛ n naŋ lɔŋɛ ŋ kaŋɛ menyi fanɛ bekama nɛ baa wora le be asheŋ ere maaŋ luri Ebɔrɛ be kuwura na to kikɛ.

Taites 3:3

Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.

Jeems 4:5

Ŋko menyee tama fanɛ abɔrɛsibɛ na ka bee kaŋɛ fanɛ: “Ebɔrɛ be kenishi pere kiyoyu nɛ e ta n wɔtɔ anyi to na so ga na,” maŋ kɔ kifi nna a?

1 Samuɛl 18:8

Nɛ bumo be kashɛ na shin nɛ Sɔɔl nya agbo ga n fɛ le: “B kaa bee kaŋɛ fanɛ Deevid mɔ basa ŋgboŋ kudu nɛ ma ere mɔ kagboŋ nawule ere, kusɔ nɛ k ka e la keta mo ŋ ki ewura.”