Jɛnesis 36:6 - EBƆRƐ BE KAWƆL

⁶ Isɔɔ daŋ keta mbe beche nɛ mbe bibinyɛn nɛ mbe bibiche nɛ mbe laŋ to ebi kikɛ nɛ mbe asɔbɔya nɛ mbe kanya nɛ e nya ashi Keenan be efuli so na kikɛ nna m barga Jeekɔb n ya chena kasawule ko so.

Jɛnesis 36:6 ပူးပေါင်းရင်းမြစ်များ

Jɛnesis 12:5

Eebram daŋ keta mbe eche Sɛɛrai nɛ mo sipo pibi Lɔt nna n ta bumo kikɛ be kanya nɛ basa nɛ b daŋ nya ashi Haran be kasawule so na kikɛ nyam m pɛ Keenan be ekpa a yɔ ndoŋ.

Jɛnesis 13:11

Eebram ka daŋ kaŋɛ loŋ na nɛ Lɔt lara Jɔɔdan be ketaŋɛ na be kaba so kikɛ n sa mbe kumu nseŋ barga n ya chena epeŋipetekpa be kaba so. To, kananɛ bumo benyɔ na daŋ barga abar nna na:

Jɛnesis 13:6

Kasawule na malɛ be asɔbɔya be ejikpa daa maŋ shi nɛ bumo benyɔ kikɛ e tiŋ n chena abar so kaboŋ koŋwule, ŋkpal manɛ so, bumo be asɔbɔya daa shi ga.

Jɛnesis 17:8

Ade kikɛ be kaman, meeŋ ta Keenan be kasawule mo nɛ men la befɔ ashi kumo so naniere ere n sa fo nɛ k ki fo nɛ fo kaman to ebi be kapetɛ mbaanaayɔ nɛ ma alɛ e baa la bumo be Ebɔrɛ.”

Jɛnesis 25:23

Ndoŋ nna nɛ Enyɛnpe Ebɔrɛ kaŋɛ mo le: “Mbia anyɔ nɛ baaŋ ba ki efuli anyɔ be bejuŋkparpo anyɔ a wɔ fo epun to. Bumo alɛ beeŋ ba barga to a wɔtɔ. Eko beeŋ ba kaa kɔ eleŋ a chɔ mo barkasa, nɛ enimuso na e ba kaa shuŋ ekekarso so na.”

Jɛnesis 28:4

Ebɔrɛ koŋwule na e sa fo nɛ fo kaman to ebi nɛfa mo nɛ e daŋ sa Eebraham na saŋɛ na so kasawule mo nɛ fo wɔ kumo so fanɛ efɔ naniere ere beeŋ ki feya. Kumo e la kasawule nɛ Ebɔrɛ ta n sa Eebraham na.”

Jɛnesis 32:3

Ndoŋ nɛ Jeekɔb yili n shuŋi mbɔ nɛ b juŋkpar mo a yɔ mo da Isɔɔ kutɔ ashi Seyir nɛ k wɔ Edɔm be efuli so na.

Jɛnesis 36:5

Nɛ Oholibama malɛ be mbia daa la Jewush nɛ Jalam nɛ Koora. Isɔɔ be bibinyɛn nɛ b daŋ kurge n sa mo Keenan be efuli so nna na.

Ezikɛl 27:13

Fo daŋ naŋ tu Griis nɛ Tubal nɛ Mɛshɛk be efuliana so ebi n ji yawu nɛ bumo alɛ ta anya nɛ danyaŋ be asɔ ko ŋ ka fo kukɔ.

Kelaraŋŋini 18:13

Baaŋ shu, ŋkpal manɛ so, b nyi esa kikɛ ka maaŋ naŋ tɔ bumo be ndibi be asɔrso mo nɛ basa kɔ a wora ŋku dufɛsoana na nseŋ naa nyi b ka maaŋ tɔ asɔ nɛ b kɔ a wora ŋku mɛlɛmɛlɛbi nɛ bumo be duwu nɛ mir nɛ fraŋkinsensi nɛ bumo be nsa nɛ ɔlifs be ŋku nɛ nyifu peso nɛ bumo be atuwe nɛ bumo be ana nɛ mbolpɔ nɛ egbaŋɛ nɛ egbaŋɛturkoana nɛ anya, kumo e la fanɛ basa be ayoyu gbagba na.