Jɛnesis 35:4 - EBƆRƐ BE KAWƆL

⁴ Jeekɔb ka malga loŋ n loge nɛ b ta bumo be agbirana na kikɛ nɛ bumo be akondeana kikɛ n sa mo nɛ e ta amo m puli Shɛkɛm be kedibigboŋ na ase.

Jɛnesis 35:4 ပူးပေါင်းရင်းမြစ်များ

Jɛnesis 12:6

B ka ya fo Keenan nɛ Eebram nite ŋ kulti kasawule na so hale n ya fo More be kedibigboŋ na ase, ashi Shɛkɛm. Kumo be saŋɛ malɛ nɛ Keenanebi kraa tase kasawule na so.

Jɛnesis 35:3

nseŋ ba nɛ an yɔ Bɛtɛl n ya yuu bɔrɛsure n sa Ebɔrɛ nɛ e nu n sa ma nsaa wɔ ma kutɔ kaplɛkama nɛ n yɔ saŋɛ nɛ n wɔ awurfoŋ to na.”

Jɛnesis 35:5

Jeekɔb nɛ mbe kanaŋ ka lar Shɛkɛm a yɔ nɛ Ebɔrɛ shin nɛ kufu pɛ nde nɛ b bɔla amo ase a choŋ na be basa. Amoso b daŋ maŋ tiŋ n wora Jeekɔb nɛ mbe basa shɛŋ.

Ɛksodɔs 32:20

Kumo be kaman nɛ e ta kenabi nɛ basa na lɔŋɛ na malɛ n wɔtɔ edɛ to nɛ k ŋalga nɛ e kɔr kumo to fanɛ nyifu na nseŋ ta kumo n wɔtɔ nchu to n shin nɛ Israɛlebi na nuu amo.

Aizaaya 2:20

Kamɔnchɛ na kaŋ fo, ekama beeŋ ta mbe shuwa nɛ gbiti be agbirana nɛ e lɔŋɛ a shuŋ na n lɛ eshiboe nɛ ekɔŋkɔŋ.

Aizaaya 30:22

Saŋɛ na so nɛ men ta menyi be agbirana nɛ men ŋalga shuwa nɛ gbiti n wurge amo so na n ya lɛ fanɛ epi na nseŋ kaŋɛ le: “Men baa yɔ, anyi maŋ naa sha menyi.”

Hoziya 2:13

Meeŋ gberge mo kusoe ŋkpal e kaa ta nchɛ damta n chɔɔ duwu m bunyaŋ Baal be kegbir so. Ma alɛ beeŋ naŋ gberge mo kusoe ŋkpal e ka teŋ ma so nseŋ ta mbe abitasɔ n wɔtɔ n lar a sha benyɛn so. Ma Enyɛnpe Ebɔrɛ e malga na.

Ditɛronɔmi 7:25

Nɛ men kaŋ pɔɔ efuli kama so, men chɔɔ bumo be agbirana. Men sa maŋ kaa yɛlga shuwa ŋko gbiti nɛ a beeŋ baa deŋ agbirana na so na. Menyi alɛ e sa maŋ ta amo ŋ ki menyeya. Nɛ men wora loŋ, k beeŋ tiŋ a la luwu n sa menyi, ŋkpal manɛ so, Enyɛnpe Ebɔrɛ na kishi kagbirshuŋ nna.

Ditɛronɔmi 7:5

Amoso nɛ men kaŋ kɔ m pɔɔ efuliana na so, men bure m bure bumo be agbirsure nɛ agbirjembu nseŋ ku kegbir cheso nɛ baa tre Ashira na be ndibi nɛ b yuu a shuŋ mo na n lɛ. Kumo be kaman nɛ men chɔɔ bumo be agbirana na m mur.

Demujipoana 9:6

Kumo be kaman nɛ Shɛkɛm be benimu nɛ bɔrɛmatapoana nɛ benapo nimusoana na kikɛ shɛr kedibi gboŋgboŋi nɛ k yil m mata kefalta cheembi nɛ k wɔ Shɛkɛm na be kifito nɛ b buu Abimelɛk kuwura.