Jɛnesis 35:3 - EBƆRƐ BE KAWƆL

³ nseŋ ba nɛ an yɔ Bɛtɛl n ya yuu bɔrɛsure n sa Ebɔrɛ nɛ e nu n sa ma nsaa wɔ ma kutɔ kaplɛkama nɛ n yɔ saŋɛ nɛ n wɔ awurfoŋ to na.”

Jɛnesis 35:3 ပူးပေါင်းရင်းမြစ်များ

Jɛnesis 28:15

Amoso kaplɛkama nɛ fo yɔ, meeŋ baa wɔ fo kutɔ a keni fo so nseŋ bɛta fo m ba kasawule ere so. M maaŋ yige fo kikɛ ama m baŋ wora kusɔ nɛ n nase kɔnɔ fanɛ meeŋ wora ere nna.”

Jɛnesis 31:3

Ndoŋ nna nɛ Enyɛnpe Ebɔrɛ kaŋɛ Jeekɔb le: “Bɛta n yɔ fo basa pe ashi fo nanaana be kasawule so. Meeŋ baa wɔ fo kutɔ.”

Jɛnesis 31:42

Nɛ Ebɔrɛ nɛ n tuto Aizek bee bunyaŋ nɛ e la Eebraham gba be Ebɔrɛ na daa maŋ wɔ ma kutɔ nna, fo daa beeŋ ju ma fo laŋ to nɛ enɔfuloŋ. Ama Ebɔrɛ wu ma awurfoŋ nɛ kegben nɛ ŋ gben na kikɛ nna nseŋ fiɛ fo so edare na to.”

Jɛnesis 32:24

Kumo be kaman nɛ Jeekɔb nawule bɛta n yɔ bumo be echenakpa na nɛ kanyɛn ko ba tu mo ŋ kɔ emaŋ hale nɛ kare ya chɛ.

Jɛnesis 32:7

Ndoŋ nna nɛ kufu nɛ kagbenejija damta tɔr Jeekɔb so nɛ e barga mbe basa nɛ mbe ana nɛ ekurma nɛ mbolpɔ nɛ mboe nɛ b wɔ mo kutɔ na to ntuŋnyɔ.

Jɛnesis 35:4

Jeekɔb ka malga loŋ n loge nɛ b ta bumo be agbirana na kikɛ nɛ bumo be akondeana kikɛ n sa mo nɛ e ta amo m puli Shɛkɛm be kedibigboŋ na ase.

Jɛnesis 35:7

Nɛ Jeekɔb pɔr bɔrɛsure ndoŋ n sa Ebɔrɛ nseŋ tre kaboŋ na Ɛl Bɛtɛl, ŋkpal manɛ so, ndoŋ nɛ Ebɔrɛ daŋ lara mbe kumu ŋ ŋini mo saŋɛ nɛ e daa shile a ŋana mo da Isɔɔ so na.

Jɛnesis 48:15

E ka wora loŋ na be kaman nɛ e nɛfa Josɛf nseŋ kaŋɛ: “Ebɔrɛ mo nɛ n nananyɛn Eebraham nɛ n tuto Aizek daŋ shuŋ na e nɛfa fo mbia ere. Mo, Ebɔrɛ koŋwule mo nɛ e juŋkpar ma a keni ma so fanɛ asɔbɔyakpapo na e nɛfa bumo.

Nshɛ 107:6

Men ka daa wɔ kenishipere be tɔrɔ to nseŋ shu n tre Enyɛnpe Ebɔrɛ na, e daŋ nu nna nseŋ mɔlga menyi.

Nshɛ 107:8

A daga fanɛ men di Ebɔrɛ epaŋ ŋkpal mbe kasha nɛ k maa chɛrga, nɛ emamachisheŋ nɛ e bee wora a sa edimɛdi kikɛ na so.

Nshɛ 46:1

Ebɔrɛ e la anyi be ekumpogboŋ saŋkikɛ, nsaa sa anyi eleŋ. Mo e wɔtɔ saŋkama a chɛ anyi to tɔrɔ be jemanɛ.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 91:15

Nɛ fo luri asheŋ to nseŋ shu n tre ma, meeŋ nu fo kekule m ba mɔlga fo nseŋ ta kemaŋkura m buu fo so.

Aŋasa 3:6

Baa nyiŋi Enyɛnpe Ebɔrɛ na ashi kusɔ kama nɛ fee wora to, nɛ e baa lɔŋɛ ekpa nɛ fee bɔla so kananɛ k daga a sa fo.

Aizaaya 30:19

Men basa nɛ men wɔ Jerusalɛm to maaŋ naŋ shu kikɛ. Enyɛnpe Ebɔrɛ na la ewɔrwupo nna nɛ men shu n tre mo fanɛ e chɛ menyi to, e beeŋ nu n sa menyi.

Aizaaya 43:2

Nɛ men bɔla lɔr chiŋgeliŋ to gba, ma nɛ menyi e naaŋ baa la. Etɔrɔ nɛ e beeŋ ba menyi so maaŋ pɔɔ menyi so. Nɛ men bɔla edɛ to gba, a maaŋ chɔɔ menyi. Kechɔŋkeni kpakpaso kama nɛ k beeŋ ba menyi so maaŋ pɔɔ menyi so.

1 Samuɛl 10:3

Fo baŋ naŋ yili ndoŋ a yɔ, feeŋ ya tu kedibi gboŋgboŋi ko ashi Tabɔɔ, nseŋ wu benyɛn asa ko ka bee yɔ Bɛtɛl nɛ b ya bunyaŋ Ebɔrɛ. Bumo to be eko beeŋ juŋkpar mboefɔlbi asa, nɛ enyɔsopo na malɛ e sulɔ ebodobodo asa, nɛ esasopo na e sulɔ nsa belbelso deŋkeŋ be bɔlɔ.