Jɛnesis 34:30 - EBƆRƐ BE KAWƆL

³⁰ Le be asheŋ ere ka wora na be kaman nɛ Jeekɔb kaŋɛ Simiɔn nɛ Livai le: “Men bar ma tɔrɔ nna na. Naniere Keenanebi nɛ Pɛrizebi, nɛ b wɔ efuli ere so ere beeŋ kishi ma. Anyi alɛ be basa maŋ shi. Nɛ basa ere kikɛ wora kɔnɔkoŋwule, baaŋ mur ma nɛ ma laŋ to ebi ere kikɛ.”

Jɛnesis 34:30 ပူးပေါင်းရင်းမြစ်များ

Jɛnesis 12:12

Amoso Ijiptebi ere baŋ wu fo, baaŋ kaŋɛ fanɛ ma eche e la fo, nseŋ kpal loŋ so m mɔ ma ŋ ka fo.

Jɛnesis 12:2

Meeŋ shin nɛ fo ki kanaŋgboŋwura nsaa kɔ efuligboŋ. Meeŋ nɛfa fo n shin nɛ fo ketre e dii, nɛ fo ki nɛfa n sa basa kikɛ.

Jɛnesis 12:6

B ka ya fo Keenan nɛ Eebram nite ŋ kulti kasawule na so hale n ya fo More be kedibigboŋ na ase, ashi Shɛkɛm. Kumo be saŋɛ malɛ nɛ Keenanebi kraa tase kasawule na so.

Jɛnesis 13:7

Kumo be kaman Keenanebi na nɛ Pɛrizebi na gba daa wɔ kasawule na so nna n ti so. Amoso kolu daŋ tɔr Eebram nɛ Lɔt be asɔbɔyakpapoana so nna ŋkpal asɔbɔya be ejikpa so.

Jɛnesis 34:2

Ndoŋ nna nɛ Shɛkɛm, Hamar nɛ e daa la Hivebi nɛ efuli na so be ewura na pibinyɛn wu Daina nseŋ pur mo.

Jɛnesis 34:29

B daŋ ta basa na be kanya kikɛ nɛ bumo be beche nɛ mbia kikɛ nna.

Jɛnesis 34:31

Nɛ mbe mbia na kaŋɛ mo le: “Anyi alɛ gba maaŋ shuli nɛ b ta an sipoche ŋ ki fanɛ bojuache.”

Jɛnesis 46:26

Jeekɔb be basa gbagba nɛ b daŋ yɔ Ijipt daa wɔ basa adeshe nɛ ashe, mbe mbia be beche daa maŋ ti so.

Jɛnesis 46:27

Bibinyɛn anyɔ nɛ Josɛf daŋ kurge ashi Ijipt n shin nɛ Jeekɔb be kanaŋ to ebi nɛ b daŋ yɔ Ijipt na kikɛ daa wɔ basa adushunu.

2 Samuɛl 10:6

Ammɔnebi na ka pin fanɛ b wora n da ewura Deevid so ga so, nɛ b ya fin Siriya be benapo nɛ bumo be ŋgboŋ adunyɔ shi Bɛtrihɔb nɛ Zoba, nɛ ŋgboŋ kuduanyɔ malɛ shi Tɔb, nɛ kagboŋ malɛ shi Maaka be ewura kutɔ.

2 Samuɛl 16:21

Nɛ Ahitofɛl malɛ kaŋɛ mo le: “Yɔ nɛ fo nɛ fo tuto mo jipoana nɛ e yige kaman fanɛ b baa keni mbe laŋ so na e ya di keche nɛ kenyɛn, saŋɛ na so ekama nɛ e wɔ Israɛl to beeŋ pin fanɛ naniere bre fo doŋ gbagba e la fo tuto nɛ keleŋ basa nɛ b bɛ fo so na kikɛ to ga.”

1 Bewura 11:25

Ewura Sɔlɔmɔn be kuwurji be jemanɛ so kikɛ, nɛ Rezɔn nɛ Hadad la Israɛl be efuli so ebi bumo doŋ nna.

1 Bewura 18:18

Nɛ anebi Elaija malɛ kaŋɛ le: “M maŋ la esa nɛ mee ku asheŋ. Fo nɛ fo tuto e naa ku asheŋ, nseŋ kini kebaanu a sa Enyɛnpe Ebɔrɛ nsaa shuŋ Baal be kegbir na.

1 Kronikɛls 16:12

Menyi Jeekɔb be kaman to ebi nɛ Ebɔrɛ be anya nɛ menyi Israɛl be kaman to ebi nɛ Ebɔrɛ lara na, men baa nyiŋi Ebɔrɛ be emamachisheŋ nɛ kananɛ e bee ji asheŋ nɛ amo be ekpa so be asheŋ.

1 Kronikɛls 16:19

Kumo be jemanɛ na nɛ Ebɔrɛ be basa daa maŋ shi, nseŋ daa la befɔ ashi Keenan be kasawule so.

1 Kronikɛls 19:6

Ewura Hanun nɛ Ammɔnebi na malɛ ka pin fanɛ ewura Deevid ki bumo doŋ, nɛ b ta gbiti be ndarbi nɛ amo be egbɛ sa fanɛ kilo ŋgboŋ adesa nɛ ana n ya haya egbaŋɛturko nɛ egbaŋɛturko be bediipoana ashi Mɛsopoteemia be efuli so nɛ Maaka nɛ Zoba nɛ a la Siriyaebi be efuli na.

1 Kronikɛls 2:7

Kaami nɛ e shi Zɛra be kanaŋ to na pibinyɛn Eekan e daŋ ta asɔ nɛ a la Ebɔrɛ peya, nɛ aleblawu tɔr Israɛl be efuli kikɛ so ŋkpal loŋ so na.

Nshɛ 105:12

Loŋ be jemanɛ na nɛ Ebɔrɛ be basa na daa maŋ shi, bumo alɛ daa la befɔ ashi Keenan be kasawule so nna.

Ɛksodɔs 5:21

Ndoŋ nna nɛ b kaŋɛ bumo le: “Enyɛnpe Ebɔrɛ gbagba wu kusɔ nɛ men wora anyi nna na. Mo alɛ beeŋ gberge menyi kusoe, ŋkpal men ka shin nɛ ewura Fɛɛro nɛ mbe basa nya agbo n wora anyi nseŋ sa bumo ekpa fanɛ b mɔ anyi na so.”

Aŋasa 11:17

Nɛ fee wora kelela fo kumu nɛ fee wora a sa. Nɛ basa be awurfoŋ bee wora fo ebel, fo alɛ gba beeŋ luri tɔrɔ to.

Aŋasa 11:29

Bekama nɛ baa fin asheŋ lubi a ba bumo be laŋ to ebi so maaŋ nya kapetɛ n ji kikɛ. Bewulpo malɛ beeŋ baa la benyiashempo be anya nna saŋkama.

Aŋasa 15:27

Ekpa lubi so be kanya bee bar tɔrɔ kanaŋ to nna. Sa maa sɔ brɔbu nseŋ kuŋ fo kumu.

Ditɛronɔmi 4:17

ŋko kusɔbɔya ŋko kabuibi,

Ditɛronɔmi 4:27

Enyɛnpe Ebɔrɛ na beeŋ tintiŋ menyi n lar kasawule na so nseŋ pesaŋ menyi to n sɔ efuli pɔtɛana so, mboŋ nɛ menyi to be gbrɛbi beeŋ ya ji efute.

Ditɛronɔmi 7:7

Enyɛnpe Ebɔrɛ na daŋ maŋ sha menyi nseŋ lara menyi nna ŋkpal men ka shi a chɔ basa kikɛ so. Menyi e daa la efuli nɛ k maŋ shibi n fo efuli kama so ashi durnya ere kikɛ to.

Joshuwa 7:25

Nɛ Joshuwa kaŋɛ le: “Eekan, fo wɔtɔ anyi tɔrɔ to bre, ama Enyɛnpe Ebɔrɛ beeŋ gberge fo alɛ gba kusoe kabre!” Ndoŋ nna nɛ Israɛlebi na kpa Eekan nɛ mbe kanaŋ ajembu m mɔ nseŋ chɔ bumo nɛ bumo be asɔ kikɛ.

1 Samuɛl 13:4

Nɛ mbɔ na kaŋɛ Israɛl be basa le: “Sɔɔl mɔ Filistiebi be benapo be enimu na ashi Gɛba nɛ Israɛlebi be asheŋ pɛ Filistiebi na agbo ga, amoso k daga fanɛ kade kikɛ ka lara benapo nɛ b ya ti Sɔɔl be benapo so ashi Gilgaal.”

1 Samuɛl 16:2

Nɛ Samuɛl kaŋɛ le: “M baŋ wora loŋ nɛ Sɔɔl nu, e beeŋ mɔ ma!” Nɛ Enyɛnpe Ebɔrɛ kaŋɛ mo: “Ta kenabi a yɔ n ya kaŋɛ fanɛ fo ba nna nɛ fo ba lara sarga n sa Enyɛnpe Ebɔrɛ.

1 Samuɛl 27:1

Kumo be kaman nɛ Deevid fɛ le: “Sɔɔl beeŋ tiŋ m mɔ ma nchɛ anyɔ ere to. Amoso kusɔ nɛ meeŋ wora e la fanɛ meeŋ shile n yɔ Filisti be efuli so n ya ŋana, saŋɛ na so e beeŋ fin ma Israɛl be efuli so ŋ gben nɛ n nya ma kumu.”

1 Samuɛl 27:12

Akish daŋ yirda Deevid ga nsaa fɛ le: “Ŋkpal Deevid be basa, Israɛlebi, ka kishi mo ga so e beeŋ ki ma kayɛrbi mbaanaayɔ.”