Jɛnesis 34:2 - EBƆRƐ BE KAWƆL

² Ndoŋ nna nɛ Shɛkɛm, Hamar nɛ e daa la Hivebi nɛ efuli na so be ewura na pibinyɛn wu Daina nseŋ pur mo.

Jɛnesis 34:2 ပူးပေါင်းရင်းမြစ်များ

Jɛnesis 10:17

nɛ Hivebi nɛ Aakebi nɛ Sinebi

Jɛnesis 20:2

Gerar na nɛ e daŋ kaŋɛ fanɛ mbe eche Sɛɛra la mo sipoche na. Ndoŋ nna nɛ Gerar be ewura Abimelɛk shin nɛ b ya ta Sɛɛra m bar mo.

Jɛnesis 33:19

Gbiti be ndarbi kalfa nɛ Jeekɔb daŋ ta n tɔ kasawule nɛ e chena so na ashi Hamar be mbia kutɔ. Hamar ere e daa la Shɛkɛm mo tuto na.

Jɛnesis 34:27

Kede be kaman nɛ Jeekɔb be mbia nɛ b ka na malɛ luri n sensaŋ kade nɛ b daŋ jija bumo sipoche kumo to na be asɔ kikɛ.

Jɛnesis 34:3

E ka pur mo na nɛ mbe kagbene kilgi Jeekɔb pibiche Daina na so ga nɛ mbe kasha ba kebichebi na so nɛ e malga mo kutɔ kashaso.

Jɛnesis 34:30

Le be asheŋ ere ka wora na be kaman nɛ Jeekɔb kaŋɛ Simiɔn nɛ Livai le: “Men bar ma tɔrɔ nna na. Naniere Keenanebi nɛ Pɛrizebi, nɛ b wɔ efuli ere so ere beeŋ kishi ma. Anyi alɛ be basa maŋ shi. Nɛ basa ere kikɛ wora kɔnɔkoŋwule, baaŋ mur ma nɛ ma laŋ to ebi ere kikɛ.”

Jɛnesis 6:2

Ndoŋ nna nɛ Ebɔrɛso be asɔtoso nyɛnsoana ko wu edimɛdi be bibichesobiana na nɛ bumo be kebita par bumo nɛ b ta bumo nɛ baa sha a kil.

2 Samuɛl 11:2

Kachako kaaseso Deevid ka di ŋ koso nseŋ dii mbe kuchoŋi so e nite a kulti nseŋ keni kaseto n wu kache lela kebita ko ka bee bɛr.

2 Samuɛl 11:4

Nɛ Deevid shuŋi fanɛ b ya tre mo m ba. B ka ya bar mo, nɛ e keta mo n ya di nɛ kache na bɛta n yɔ epe. Kumo be jemanɛ so malɛ nɛ e baŋ wora eyurpi n loge.

2 Samuɛl 13:14

Ama Amnɔn daŋ maŋ nu n sa kusɔ nɛ Tamaa bee kaŋɛ na nseŋ tintiŋ m pur mo.

Job be kawɔl 31:1

Ma, Job bɔ ntaŋ n nase kɔnɔ fanɛ m maa ba nɛ ŋ keni eche kayɛlga so kikɛ.

Job be kawɔl 31:9

Nɛ fanɛ n daŋ yɛlga esa ko be eche nseŋ ya ŋana n sha mo,

Aŋasa 13:20

Esa kama nɛ e bee tu benyiashempo a nite bee ki enyiashempo nna, ama esa nɛ mo nɛ bewulpo bee wora asheŋ bre bee luri tɔrɔ to nna.

Matiu 5:28

Ama ma e kaŋɛ menyi na fanɛ esa kama nɛ e keni eche kayɛlgaso teŋ tu eche na n ji kubojua mbe kagbene to nna na.

Ditɛronɔmi 21:14

Nɛ jemanɛ ko ba fo nɛ Israɛl be enyɛn na maŋ naa sha kenyache na, e beeŋ tiŋ n yige mo nɛ e baa yɔ. Ŋkpal enyɛn na ka teŋ di eche na so, e maaŋ naŋ tiŋ n fa mo fanɛ mbe kenya.

Ditɛronɔmi 22:24

menyeeŋ keta bumo benyɔ na kikɛ n lar kade na to n ya kpa bumo ajembu m mɔ. Eche na daga luwu ŋkpal e ka maŋ boŋ to n tre basa nɛ b ba chɛ mo to jemanɛ nɛ e wɔ kade to nɛ ekama daŋ beeŋ tiŋ n nu e ka bee boŋ to so. Enyɛn na malɛ daga luwu nna ŋkpal e ka di eche nɛ esa ko bee ji mbe kesha so. Kananɛ menyeeŋ wora n lara le be kulubi ere ashi menyi to nna na.

Ditɛronɔmi 22:29

a daga fanɛ men tintiŋ enyɛn na nɛ e ta eche na a kil. Enyɛn na beeŋ ka gbiti be ndarbi adunu nɛ a la keshaji be amansherbi n sa eche na mo tuto pɔɛŋ nɛ e ki mbe eche ŋkpal enyɛn na ka teŋ di mo na so. Enyɛn na malɛ maaŋ naŋ tiŋ ŋ kini eche na kikɛ hale nɛ e ya wu.

Joshuwa 9:7

Ama le nɛ Israɛlebi na daŋ kaŋɛ: “Manɛ so nɛ anyi nɛ menyi bee wora kɔnɔkoŋwule be ŋkre? Ashere anyi nɛ menyi maŋ chena n feŋ abar ga gba.”

Demujipoana 14:1

Kachako nɛ Samsɔn yɔ kade nɛ baa tre Timna na n ya wu Filisti be efuli so be kasuŋgurbia ko ndoŋ.

Demujipoana 9:28

Ndoŋ nna nɛ Ebed pibinyɛn Gaal kaŋɛ le: “Wanɛ e la Abimelɛk, nɛ a daga fanɛ anyi e baa shuŋ mo fanɛ anyi be ewura? Mannɛ Gidiɔn pibinyɛn e la mo nɛ Zebul malɛ bee chɛ mo to a? Mannɛ nna nɛ anyee shuŋ mo? A daga fanɛ men baa nyiŋi men nananyɛn Hamɔ nna, ŋkpal manɛ so, mo e jɔŋɛ menyi be kabuna na!