Jɛnesis 33:9 - EBƆRƐ BE KAWƆL

⁹ Nɛ Isɔɔ kaŋɛ: “Bumo nɛ ma alɛ gba kɔ shi ga, amoso baa kɔ feya.”

Jɛnesis 33:9 ပူးပေါင်းရင်းမြစ်များ

Jɛnesis 27:39

Nɛ mo tuto Aizek kaŋɛ mo: “Bunyaŋ maaŋ shi ebɔrɛso m ba wushi fo kasawule; fo echenakpa nɛ kasawule lela malɛ beeŋ baa wɔ kufɔ.

Jɛnesis 27:40

Fo tokobi so nɛ feeŋ baa bɔla a ji; fo alɛ beeŋ baa la fo sipo be kayɛrbi nna. Ama kachɛ nɛ fo ba diewu bre, feeŋ sɔ fo kumu ashi mbe enɔ to.”

Jɛnesis 27:41

Ndoŋ nna nɛ Isɔɔ fara a kishi Jeekɔb ŋkpal nɛfa nɛ mo tuto daŋ sa mo na so nseŋ fɛ mbe kumu to le: “K maaŋ naŋ chɛr nɛ n tuto e wu nɛ an shu mbe keeli. Keeli na be kaman meeŋ mɔ n sipo Jeekɔb.”

Jɛnesis 33:10

Nɛ Jeekɔb kaŋɛ mo: “Ayai, nɛ ma asheŋ baŋ bɔlɔ fo kenishi bre, kumo ere fo sɔ le be kakɛ nɛ mee sa fo ere, ŋkpal manɛ so, ŋ kaŋ baŋ wu fo anishito ere gba baa du nna fanɛ ŋ ka wu Ebɔrɛ be anishito na, fɔŋfɔŋ kananɛ fo sɔ ma nɛ enɔ anyɔ ere so.

Jɛnesis 4:9

Kumo be kaman nɛ Enyɛnpe Ebɔrɛ na bishi Keen: “Fo sipo Eebel wɔ nnɛ?” Nɛ Keen kaŋɛ Enyɛnpe Ebɔrɛ na le: “M maŋ nyi. Ma e naa keni n sipo so a?”

Aŋasa 16:7

Esa be asheŋ woraso baa bɔlɔ Enyɛnpe Ebɔrɛ kenishi, E bee shin nna nɛ amodoŋwura nɛ mo doŋana gba bee chena kagbenewushi so.

Aŋasa 30:15

Kejimuni la mborobicheso anyɔ nna. Bumo kikɛ be atre e la: ‘Ta n sa ma.’ Asɔ asa e wɔtɔ a maa moɛ. Asɔ ana malɛ e maa kaŋɛ fanɛ a kukwe loŋ.

Kaŋinichiŋgeliŋ 4:8

Kanyɛn ko e daa wɔtɔ; a maŋ kɔ ebi, mo alɛ daa maŋ kɔ ekurgepo kikɛ. E daŋ baa wɔ kushuŋ to nna saŋkama, ama mo alɛ be kenishi daa maa bɔlɔ kusɔ nɛ e bee nya so. Nɛ e yɛ: “Wanɛ bre so nɛ mee gben le saŋkama, nsaa maaŋ tiŋ n ta ma kegben n ji ma kumu gba ere?” Le be kesheŋ ere gba maŋ kɔ kifito, kumo alɛ nseŋ naa la kagbenejija ga be asheŋ!

Ashuŋ Shunso 21:20

B ka nu mbe kamalga na nɛ bumo kikɛ di Ebɔrɛ epaŋ nseŋ kaŋɛ Pɔɔl: “Fo wu ai, ekurgepo, Jerusalɛm ere to be Juwebi damta gba ki beyirdapo naniere, ama bumo alɛ kraa mɔ bumo be amu nna a bɛ Mosis be mbra na so.

Ashuŋ Shunso 9:17

Ndoŋ nna nɛ Ananiyas yɔ kowu na to n ya ta mbe enɔana n deŋi Sɔɔl so nseŋ kaŋɛ: “Ekurgepo Sɔɔl, Enyɛnpe Yesu gbagba, emo nɛ fo wu ekpa to na e shuŋi ma. Mo e shuŋi ma nɛ fo naa tiŋ a wu nɛ Kiyoyu Cheeŋ na e tiŋ n luri fo to.”

Failimɔn 1:16

Naniere e maŋ naa la kenya, e chɔ kenya. E ki ma nɛ fo kikɛ be ekurgepo shaso naniere. Mee sha mo ga, ama kasha nɛ feeŋ baa kɔ a sa mo beeŋ baa shi a chɔ meya ere, ŋkpal manɛ so, e la fo kenya nna nseŋ naa yirda Enyɛnpe na.

Failimɔn 1:7

Ekurgepo, kasha nɛ fo kɔ na leŋ ma to ga n shin nɛ ma kagbene fuli ma ga, ŋkpal manɛ so, fo leŋ beyirdapoana na to.