Jɛnesis 33:10 - EBƆRƐ BE KAWƆL

¹⁰ Nɛ Jeekɔb kaŋɛ mo: “Ayai, nɛ ma asheŋ baŋ bɔlɔ fo kenishi bre, kumo ere fo sɔ le be kakɛ nɛ mee sa fo ere, ŋkpal manɛ so, ŋ kaŋ baŋ wu fo anishito ere gba baa du nna fanɛ ŋ ka wu Ebɔrɛ be anishito na, fɔŋfɔŋ kananɛ fo sɔ ma nɛ enɔ anyɔ ere so.

Jɛnesis 33:10 ပူးပေါင်းရင်းမြစ်များ

Jɛnesis 19:19

N wu fanɛ ma asheŋ bɔlɔ fo kenishi, ŋkpal manɛ so, fo wora ma kelela ga m mɔlga ma ŋkpa, ama abee na ase wɔ kufɔ ga. Amoso pɔɛŋ nɛ n fo ndoŋ kusɔ ko beeŋ tiŋ n wora ma nɛ n wu.

Jɛnesis 32:30

Amoso nɛ Jeekɔb daŋ nase kaboŋ na be ketre Peniyɛl na, ŋkpal manɛ so, e yɛ: “N wu Ebɔrɛ kenishiso nfe nna, ma alɛ maŋ wu.”

Jɛnesis 33:11

Amoso, jande sɔ kakɛ nɛ n ta n shuŋi a sa fo ere, ŋkpal manɛ so, Ebɔrɛ wu ma kuwɔr ga n sa ma kusɔ kama nɛ k daga ma.” Ŋkpal Jeekɔb ka mata Isɔɔ so ga so nɛ e sɔ kakɛ na.

Jɛnesis 33:9

Nɛ Isɔɔ kaŋɛ: “Bumo nɛ ma alɛ gba kɔ shi ga, amoso baa kɔ feya.”

Jɛnesis 43:3

Nɛ Juda kaŋɛ mo: “Kanyɛn na fiɛ anyi so kenishipereso nna ŋ kaŋɛ: ‘Men naŋ ba nfe ŋkaa maŋ bar men sipo na, men sa maŋ naŋ shin nɛ nwu menyi.’

Jɛnesis 47:29

Mbe luwu be saŋɛ ka ba kaa taga to nɛ e tre Josɛf ŋ kaŋɛ mo: “Nɛ fo baa sha ma asheŋ bre, fo ŋini ma kelela nseŋ ji kashenteŋ n ta fo enɔ n wɔtɔ ma kebembi be kaseto n nase kɔnɔ kpakpaso fanɛ ŋ kaŋ wu, fo maaŋ puli ma Ijipt nfe.

Jɛnesis 50:4

Keeliwora na be jemanɛ ka choŋ nɛ Josɛf kaŋɛ ewura Fɛɛro be benimu le: “Nɛ menyee sha ma asheŋ, men ta le be kubɔya ere n ya sa ewura n sa ma.

2 Samuɛl 14:24

Nɛ ewura na kaŋɛ fanɛ Absalɔm e sa maŋ kaŋ luri mbe laŋ to. E yɛ: “Maa sha kewu mo kenishiso.” Amoso Absalɔm daa wɔ mo gbagba be laŋ to nna, e maŋ ba ewura na kutɔ kikɛ.

2 Samuɛl 14:28

Absalɔm malɛ daŋ chena Jerusalɛm to nfɛnyɔ kikɛ nɛ mo nɛ ewura na be kenishi maŋ wu abar.

2 Samuɛl 14:32

Nɛ Absalɔm kaŋɛ le: “N daa sha keshuŋi fo nna nɛ fo ya mata ewura n sa ma, ama ŋ ka shuŋi n tre fo, nɛ fo kini. Manɛ bre e lara ma Geshur m ba nfe? N daa wɔ ndoŋ gba nna k daa beeŋ baa bɔ ma so. Amoso wora ania n shin nɛ n wu ewura, nɛ k ba fanɛ ma e wora n jija, kumo ere fo shin nɛ ewura a mɔ ma.”

2 Samuɛl 3:13

Nɛ Deevid yɛ: “Kenyalɛ! Kusɔ koŋwule nɛ meeŋ yili so nɛ ma nɛ fo e wora kɔnɔkoŋwule be ŋkre n sa abar e la fanɛ, fo baa ba nɛ fo ba wu ma, fo keta Sɔɔl pibiche Mikaal m ba sa ma.”

Job be kawɔl 33:26

Kumo be kaman nɛ b kule Ebɔrɛ nɛ e nu, nɛ b ta kagbenewushi m bunyaŋ Ebɔrɛ, nɛ e naŋ shin nɛ asheŋ e nyalɛ n sa bumo.

Nshɛ 41:11

Sa maŋ shin nɛ ndoŋana e pɔɔ ma so, nɛ m pin fanɛ ma asheŋ bee bɔlɔ fo kenishi kashenteŋto.

Jɛremaya 31:2

N daŋ wu basa nɛ b daŋ gelge luwu na kuwɔr nna ashi keshishɛrsawule na so. Menyi basa nɛ men shi Israɛl be kuwurgboŋ nɛ k wɔ kelargato be esoso be kaba so na ka daa yila kenishi to a fin ewushi na,

Matiu 18:10

Nɛ Yesu kaŋɛ bumo: “Men baa da so n sa maa fɛl mbibi ere be ekama, ŋkpal manɛ so, ma e kaŋɛ menyi na fanɛ bumo be emalaika wɔ ebɔrɛso nna a wu n Tuto Ebɔrɛ nɛ e wɔ ebɔrɛso na.

Kelaraŋŋini 22:4

Baaŋ wu mbe anishiakpa nɛ mbe ketre malɛ e baa deŋ bumo be nsɔtoana so.

Ruf be kawɔl 2:10

Bowas ka kaŋɛ loŋ na nɛ Ruf gbir bunyanso ŋ kaŋɛ le: “Manɛ nɛ fo wu ma alɛ efɔ so nsaa wu ma le be kuwɔr?”

1 Samuɛl 20:3

Ama le nɛ Deevid daŋ kaŋɛ: “Fo tuto gba nyi kananɛ fee sha ma ga, amoso nɛ e yili kumo fanɛ e maaŋ kaŋɛ fo kusɔ nɛ e kre na, saŋɛ na so fo kagbene maaŋ jija fo ga. Fo nɛ Ebɔrɛ e la ma shɛdajipo fanɛ ma nɛ luwu maŋ naa wɔ kufɔ!”