Jɛnesis 32:9 - EBƆRƐ BE KAWƆL

⁹ Kumo be kaman nɛ Jeekɔb kule Ebɔrɛ ŋ kaŋɛ: “N tuto Eebraham nɛ Aizek be Ebɔrɛ, n Nyɛnpe, fo e kaŋɛ ma fanɛ m bɛta n yɔ ma efuli so nɛ ma basa pe nɛ fo shin nɛ ŋ ki asɔwura.

Jɛnesis 32:9 ပူးပေါင်းရင်းမြစ်များ

Jɛnesis 17:7

Meeŋ nase ma kɔnɔkoŋwule be ŋkre n sa fo nɛ fo kaman to ebi nɛ bumo alɛ be kaman to ebi mbaanaayɔ. Meeŋ baa la fo nɛ fo kaman to ebi kikɛ be Ebɔrɛ.

Jɛnesis 28:13

E daŋ wu fanɛ Enyɛnpe na e daa yil kumo be kumu so gbagba na. Ndoŋ nɛ Enyɛnpe na daa yil nseŋ kaŋɛ mo le: “Ma e la Enyɛnpetale, fo nananyɛn Eebraham be Ebɔrɛ nɛ Aizek be Ebɔrɛ na. Meeŋ ta kasawule mo nɛ fo dese so ere n sa fo nɛ fo kaman to ebi.

Jɛnesis 28:15

Amoso kaplɛkama nɛ fo yɔ, meeŋ baa wɔ fo kutɔ a keni fo so nseŋ bɛta fo m ba kasawule ere so. M maaŋ yige fo kikɛ ama m baŋ wora kusɔ nɛ n nase kɔnɔ fanɛ meeŋ wora ere nna.”

Jɛnesis 31:13

Ma alɛ e la Ebɔrɛ mo nɛ e daŋ lar fo so ashi Bɛtɛl na. Ndoŋ nɛ fo daŋ duga ŋku n wurge ndulgi be kejembu nɛ fo yuu na so nseŋ nase kɔnɔ n sa ma na. Naniere, lar kasawule ere so nfe epul ere to m bɛta n yɔ kasawule mo nɛ b kurge fo na so.’ ”

Jɛnesis 31:29

Ŋ kɔ ekpa nɛ n daŋ shin nɛ b tɔrɔ fo, ama ndre kanyɛso, fo tuto be Ebɔrɛ na ba kaŋɛ ma fanɛ m baa da so nsaa maŋ kaŋ malga kamalga lubi kikɛ ŋ gbiti fo.

Jɛnesis 31:3

Ndoŋ nna nɛ Enyɛnpe Ebɔrɛ kaŋɛ Jeekɔb le: “Bɛta n yɔ fo basa pe ashi fo nanaana be kasawule so. Meeŋ baa wɔ fo kutɔ.”

Jɛnesis 31:42

Nɛ Ebɔrɛ nɛ n tuto Aizek bee bunyaŋ nɛ e la Eebraham gba be Ebɔrɛ na daa maŋ wɔ ma kutɔ nna, fo daa beeŋ ju ma fo laŋ to nɛ enɔfuloŋ. Ama Ebɔrɛ wu ma awurfoŋ nɛ kegben nɛ ŋ gben na kikɛ nna nseŋ fiɛ fo so edare na to.”

Jɛnesis 31:53

Eebraham nɛ Nahɔɔ nɛ bumo tuto be Ebɔrɛ na e gberge ekama nɛ e maŋ bɛ kɔnɔ naseso ere so kusoe.” Ndoŋ nɛ Jeekɔb yili Ebɔrɛ nɛ mo tuto Aizek daa bunyaŋ na be ketre so m bɔ ntaŋ fanɛ e beeŋ bɛ bumo be kɔnɔ naseso na so.

Jɛnesis 32:8

Ŋkpal manɛ so le nɛ e daa fɛ: “Nɛ Isɔɔ ba kɔ katuŋ koŋwule m pɔɔ kumo so, katuŋ nɛ k ka na malɛ beeŋ shile.”

Jɛnesis 49:25

Fo tuto be Ebɔrɛ na e naa chɛ fo to. Enyɛnpetale na e naa nɛfa fo, a sa fo bɔrɛchu nɛ nchu nɛ a bee bul kasawule to nɛ asɔbɔya nɛ mbia nɛ kenyipochu damta nɛ mbia na e baa nuu.

2 Kronikɛls 20:12

Fo e la anyi be Ebɔrɛ! Gberge bumo kusoe ŋkpal manɛ so anyi ere maŋ kɔ eleŋ nɛ an kɔ benapo damta nɛ baa ba nɛ b ba kɔ anyi kena ere. Anyi maŋ nyi kananɛ anyeeŋ wora ama anyee kule fo nna nɛ fo chɛ anyi to.”

2 Kronikɛls 20:6

nseŋ kule Ebɔrɛ le: “O Enyɛnpe nɛ fo la an nananyɛnana be Ebɔrɛ. Fo e naa ji ebɔrɛso nɛ durnya ere be efuli kikɛ so kuwura. Fo alɛ kɔ eleŋ ga nɛ esa kikɛ maŋ wɔtɔ nɛ e beeŋ tiŋ m pɔɔ fo so.

2 Kronikɛls 32:20

Ndoŋ nna nɛ ewura Hɛzekaya nɛ Amɔz pibinyɛn, anebi Aizaaya kule Ebɔrɛ n shu n fin kechɛto mo kutɔ.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 91:15

Nɛ fo luri asheŋ to nseŋ shu n tre ma, meeŋ nu fo kekule m ba mɔlga fo nseŋ ta kemaŋkura m buu fo so.

Ɛksodɔs 3:6

Ma e la fo tutoana, Eebraham nɛ Aizek nɛ Jeekɔb be Ebɔrɛ na.” Ndoŋ nna nɛ Mosis kurgi kumu n yuu to, ŋkpal e ka daa ŋana kekeni Ebɔrɛ na so.

Jɛremaya 32:16

Ŋ ka ta kasawule na be ketɔ be nwɔl na n sa Baruk n loge nɛ ŋ kule Ebɔrɛ ŋ kaŋɛ le:

1 Samuɛl 30:6

Ndoŋ nna nɛ kagbenejija tɔr Deevid so, nɛ mbe basa be ŋgbene kikɛ kaa bumo ŋkpal b ka paŋ bumo be mbia so. Nɛ baa kaŋɛ fanɛ baaŋ kpa Deevid ajembu m mɔ nɛ Enyɛnpe Ebɔrɛ nɛ e la mbe Ebɔrɛ na leŋ mo to ga.