Jɛnesis 32:7 - EBƆRƐ BE KAWƆL

⁷ Ndoŋ nna nɛ kufu nɛ kagbenejija damta tɔr Jeekɔb so nɛ e barga mbe basa nɛ mbe ana nɛ ekurma nɛ mbolpɔ nɛ mboe nɛ b wɔ mo kutɔ na to ntuŋnyɔ.

Jɛnesis 32:7 ပူးပေါင်းရင်းမြစ်များ

Jɛnesis 32:11

Amoso mee kule fo nna fanɛ fo mɔlga ma ashi n da Isɔɔ be enɔ to, ŋkpal manɛ so, mee lɔ kufu nna fanɛ e bee ba nna nɛ e ba kɔ ma nɛ ma beche nɛ mbia kena.

Jɛnesis 32:3

Ndoŋ nɛ Jeekɔb yili n shuŋi mbɔ nɛ b juŋkpar mo a yɔ mo da Isɔɔ kutɔ ashi Seyir nɛ k wɔ Edɔm be efuli so na.

Jɛnesis 32:8

Ŋkpal manɛ so le nɛ e daa fɛ: “Nɛ Isɔɔ ba kɔ katuŋ koŋwule m pɔɔ kumo so, katuŋ nɛ k ka na malɛ beeŋ shile.”

Jɛnesis 33:1

Kede be kaman nɛ Jeekɔb maŋ kumu so n wu Isɔɔ nɛ mbe basa alfa ana ka bee ba nɛ e kpal loŋ so m barga mbe mbia na to n sa Lia nɛ Reechel nɛ bumo be mbita anyɔ na.

Jɛnesis 35:3

nseŋ ba nɛ an yɔ Bɛtɛl n ya yuu bɔrɛsure n sa Ebɔrɛ nɛ e nu n sa ma nsaa wɔ ma kutɔ kaplɛkama nɛ n yɔ saŋɛ nɛ n wɔ awurfoŋ to na.”

Nshɛ 107:6

Men ka daa wɔ kenishipere be tɔrɔ to nseŋ shu n tre Enyɛnpe Ebɔrɛ na, e daŋ nu nna nseŋ mɔlga menyi.

Nshɛ 112:5

Kebaawɔtɔ bee nite nɛnɛ nna a sa bekama nɛ baa bugi epunto a ta asɔ a paŋ beko nsaa ji kashenteŋ ashi bumo be keyawuji to na.

Nshɛ 142:4

M baŋ keni ŋ kulti, mee wu fanɛ esa kikɛ maŋ wɔtɔ nɛ e chɛ ma to, esa kikɛ maŋ wɔtɔ nɛ e kuŋ ma. Ma asheŋ malɛ maŋ tir esa kikɛ.

Nshɛ 31:13

N nu basa ka bee kuli ma, nɛ kufu pɛ ma ga. B yɛ, baa kre ma ŋkre nna, a fin ma nɛ b mɔ.

Nshɛ 61:2

Ma tama kikɛ loge nɛ n wɔ efuli wɔfɔ so a shu a tre fo. Juŋkpar ma n yɔ kefalta gboŋ nɛ k du jeŋgreŋ a chɔ ma na so.

Ɛksodɔs 14:10

Ewura Fɛɛro nɛ mbe benapo ka ya kaa taga bumo to na nɛ Israɛlebi na maŋ bumo be amu so n wu fanɛ Ijiptebi na ju a buu bumo so a ba nɛ kufu pɛ bumo ga nɛ b shu n tre Enyɛnpe Ebɔrɛ.

Aŋasa 2:11

Fo lakal nɛ asheŋ be kepinto beeŋ baa kuŋ fo.

Aizaaya 28:26

Edɔpo na nyi mbe kushuŋ nna ŋkpal manɛ so, Ebɔrɛ e ŋini mo kumo.

Matiu 10:16

Kede be kaman nɛ e naŋ kaŋɛ: “Kashenteŋto, mee shuŋi menyi nna nɛ menyi nɛ durnya ere to ebi e ya kaa wɔtɔ fanɛ mbolpɔ kaa wɔ ekuntuŋ to na. Men baa nyi asheŋ, a de men be amu so fanɛ awɔ nsaa du boeŋ fanɛ ali.

Matiu 8:26

Nɛ e bishi bumo: “Manɛ nna nɛ kufu pɛ menyi loŋ? Men be yirda du fimbi pasaa!” Kamalga ere be kaman nɛ e koso m ponte afuana na nɛ kepa na so nɛ kakpa kikɛ wora shruum.

Baru lela nɛ Jɔn kute na 16:33

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Ashuŋ Shunso 14:22

Kumo be kaman nɛ b bɛta n yɔ Listra nɛ Ikoniam nɛ Pisidia be Antiɔk a wushi beyirdapoana na be ŋgbene nseŋ naa leŋ bumo to fanɛ b baa kɔ yirda nɛ kashenteŋto kpakpa. Le nɛ b daŋ naa kaŋɛ bumo: “An kikɛ beeŋ luri etɔrɔ damta to pɔɛŋ nseŋ luri Ebɔrɛ be kuwura na to.”

2 Kɔrintebi 1:4

Mo e naa leŋ anyi to ashi anyi be etɔrɔ kikɛ to, saŋɛ na so anyi alɛ beeŋ tiŋ n ta keleŋto mo nɛ an gbagba nya ashi Ebɔrɛ kutɔ na n leŋ bekama malɛ nɛ b wɔ etɔrɔ be yiri kikɛ to.

2 Timoti 3:12

Kashenteŋto, esa kama nɛ e bugi kagbene a sha kebɛ Kristo Yesu so, baaŋ tɔrɔ amodoŋwura.