Jɛnesis 32:31 - EBƆRƐ BE KAWƆL

³¹ Epeŋi maŋ so nna pɔɛŋ nɛ e lar Peniyɛl a tɔr keleŋ so a yɔ.

Jɛnesis 32:31 ပူးပေါင်းရင်းမြစ်များ

Jɛnesis 16:13

Ndoŋ nna nɛ Heega bishi mbe kumu le: “Ma alɛ e wu Ebɔrɛ nseŋ kraa wɔ ŋkpa to ere a?” Kumo be kaman nɛ e nase Enyɛnpe nɛ e daŋ malga mo kutɔ na ketre fanɛ “Ebɔrɛ nɛ e bee wu asheŋ.”

Jɛnesis 19:15

Kaboŋ ka ba kpaŋɛ to nɛ emalaika na wora ania fanɛ baaŋ shin nɛ Lɔt e wora manaŋ nseŋ kaŋɛ mo le: “Wora manaŋ n ta fo eche nɛ fo bibiche anyɔ ere n lar, saŋɛ na so men maaŋ paŋ menyi be ŋkpa saŋɛ nɛ kade ere bee mur na.”

Jɛnesis 19:23

Epeŋi daŋ pete nna pɔɛŋ nɛ Lɔt fo Zowar.

Jɛnesis 32:25

Kanyɛn na ka wu fanɛ e maa tiŋ a pɔɔ Jeekɔb so nɛ e beta Jeekɔb be kebembi nɛ mbe keleŋ kpekpel.

Jɛnesis 32:32

Ŋkpal kesheŋ ere so nɛ Israɛlebi maa ji eblaŋ nɛ k mar kusɔbɔya be kebembi be echɛkpa na. Ŋkpal Ebɔrɛ ka daŋ beta Jeekɔb be kebembi nɛ k kpekpel na so e daa tɔr keleŋ so nna.

1 Bewura 12:25

Ewura Jeroboam daŋ naŋ pɔr egbalshin nna n sɔ kumo nɛ b pɔr ŋ kulti Shɛkɛm be kade ashi Efrayim be kebee be efuli so na to nna nseŋ chena ndoŋ n ji nchɛnnyɔ. Ade kikɛ be kaman nɛ e naŋ pɔr egbalshin n sɔ egbal nɛ b pɔr ŋ kulti Penuɛl gba na to.

1 Bewura 18:26

Nɛ b mɔ gbolu nɛ b sa bumo na n wora kananɛ b ŋini na nseŋ yili chipurso ŋ kule bumo be kegbir Baal na hale n ya fo kapaso. Le nɛ b daa cha awɔr a kaŋɛ: “Baal, nu anyi be kekule!” B daa boŋ nshɛ nna a cha awɔr a cha a kulti bɔrɛsure nɛ b pɔr na ama b daa maŋ nu shɛŋ.

Nshɛ 38:17

Ŋkpal ma eyur to be ebesa damta so, mee shin nɛ n lar n tɔr nna.

Ɛksodɔs 24:10

Ndoŋ nɛ b wu Israɛl be Ebɔrɛ na, nɛ kaboŋ dɛdɛso nɛ k du fanɛ yawukpakpaso be kejembu nɛ baa tre safiri na nseŋ fulto parr fanɛ awɔlpa na, ka wɔ mbe aya be kaseto.

Ɛksodɔs 24:11

Ama Ebɔrɛ daa maŋ teŋi mbe enɔ m bar tɔrɔ Israɛl be bejuŋkparpo na be ekama so. B daŋ wu mo kenishiso nseŋ kraa wɔtɔ a ji a nuu.

Aizaaya 6:5

Ndoŋ nna nɛ ŋ kaŋɛ le: “Tama maaŋ naa wɔtɔ n sa ma nna na! Asheŋ maaŋ nyalɛ n sa ma, ŋkpal manɛ so, kamalga kikɛ nɛ k beeŋ lar ma kɔnɔ to la kulubi nna. Ma alɛ nɛ basa nɛ bumo be mmalga kikɛ la alubi e wɔtɔ, ama ma alɛ wu Enyɛnpetale Ebɔrɛ na kenishiso.”

Malakai 4:2

Ama menyi bekama nɛ men yirda ma na bre, ma kumɔlga na beeŋ ba menyi so fanɛ kananɛ epeŋi bee nyaŋɛ a sa basa alenfia na. Menyeeŋ nya men be amu nɛ men be ŋgbene malɛ e fuli menyi fanɛ b ka fiŋi kuluu nɛ anabi lar a tɛto a yɔ keji to na.

2 Kɔrintebi 12:7

Ŋkpal kananɛ k beeŋ wora nɛ n sa maŋ kpal kewuŋkaŋɛ damta gboŋana mo nɛ n nya na so ŋ kpaŋ ma kumu so so, Ebɔrɛ sa ma ebesa ko nna, k la Setani be kabɔ nna nɛ e bee tɔrɔ ma. Saŋɛ na so, m maaŋ baa nya ekpa a maŋ ma kumu so m baŋ so.

2 Kɔrintebi 12:9

Ama e maŋ lara kumo nseŋ kaŋɛ ma le: “Ma kuwɔr be kakɛ kukwe fo, ŋkpal manɛ so, fo kapɔshi to nɛ ma eleŋ bee dii efuli nɛnɛ.” Amoso, meeŋ baa kɔ ma kapɔshi ere a ji njɔŋ kagbenefuliso a ti so, saŋɛ na so, Kristo be eleŋ beeŋ baa wɔ ma so.

Ditɛronɔmi 5:24

m ba kaŋɛ: “Enyɛnpe, anyi be Ebɔrɛ na lara mbe keshi nɛ kemaŋkura ŋ ŋini kabre. E bɔla edɛ na to m malga nɛ an pin fanɛ Ebɔrɛ beeŋ tiŋ m malga basa kutɔ nɛ b nu nseŋ kraa wɔ ŋkpa to.

Ditɛronɔmi 5:26

Dimɛdi ko wɔtɔ nɛ e nu Ebɔrɛ, nɛ mo nawule la Ebɔrɛ ere, ka bɔla edɛ to m malga nseŋ ji efute a?

Demujipoana 6:22

Gidiɔn ka pin fanɛ Enyɛnpe Ebɔrɛ na be malaika nɛ e wu na nɛ e kooba kufuso ŋ kaŋɛ: “O, Enyɛnpe Ebɔrɛ, fo malaika nɛ n wu kenishiso na!” Ŋkpal manɛ so, e daa fɛ fanɛ e beeŋ wu nna.

Demujipoana 6:23

Ama le nɛ Enyɛnpe Ebɔrɛ na kaŋɛ mo: “Shin nɛ fo kagbene e dese fo! Sa maa lɔ kufu. Fo maaŋ wu.”

Demujipoana 8:8

Kede be kaman nɛ Gidiɔn naŋ yɔ kade nɛ baa tre Penuɛl na n ya kule bumo alɛ gba ajibi nɛ e sa mbe benapo. Nɛ bumo alɛ gba kaŋɛ mo kusɔ nɛ Sukɔfebi na daŋ kaŋɛ mo na.