Jɛnesis 32:30 - EBƆRƐ BE KAWƆL

³⁰ Amoso nɛ Jeekɔb daŋ nase kaboŋ na be ketre Peniyɛl na, ŋkpal manɛ so, e yɛ: “N wu Ebɔrɛ kenishiso nfe nna, ma alɛ maŋ wu.”

Jɛnesis 32:30 ပူးပေါင်းရင်းမြစ်များ

Jɛnesis 16:13

Ndoŋ nna nɛ Heega bishi mbe kumu le: “Ma alɛ e wu Ebɔrɛ nseŋ kraa wɔ ŋkpa to ere a?” Kumo be kaman nɛ e nase Enyɛnpe nɛ e daŋ malga mo kutɔ na ketre fanɛ “Ebɔrɛ nɛ e bee wu asheŋ.”

Jɛnesis 28:19

Kumo be kaman nɛ e nase kakpa na ketre Bɛtɛl. Kade nɛ k daa wɔ ndoŋ na nɛ b daa tre Luz pɔɛŋ nɛ e nase kumo Bɛtɛl na.

Jɛnesis 35:9

Jeekɔb ka bɛta n shi Mɛsopoteemia be efuli so a yɔ Keenan na nɛ Ebɔrɛ naŋ lara mbe kumu ŋ ŋini mo nseŋ nɛfa mo

1 Bewura 12:25

Ewura Jeroboam daŋ naŋ pɔr egbalshin nna n sɔ kumo nɛ b pɔr ŋ kulti Shɛkɛm be kade ashi Efrayim be kebee be efuli so na to nna nseŋ chena ndoŋ n ji nchɛnnyɔ. Ade kikɛ be kaman nɛ e naŋ pɔr egbalshin n sɔ egbal nɛ b pɔr ŋ kulti Penuɛl gba na to.

Ɛksodɔs 33:14

Ndoŋ nna nɛ Enyɛnpe Ebɔrɛ kaŋɛ: “Meeŋ tu fo n yɔ, nɛ fo kagbene e wushi.”

Aizaaya 6:5

Ndoŋ nna nɛ ŋ kaŋɛ le: “Tama maaŋ naa wɔtɔ n sa ma nna na! Asheŋ maaŋ nyalɛ n sa ma, ŋkpal manɛ so, kamalga kikɛ nɛ k beeŋ lar ma kɔnɔ to la kulubi nna. Ma alɛ nɛ basa nɛ bumo be mmalga kikɛ la alubi e wɔtɔ, ama ma alɛ wu Enyɛnpetale Ebɔrɛ na kenishiso.”

Aizaaya 9:5

Benapo nɛ b bɛ abar so a nite be asɛbtagboŋ nɛ bumo be asɔbuuso nɛ ŋklaŋ gbiti na kikɛ beeŋ chɔɔ edɛ to m mur.

Nɔmbɛs 12:8

Ma nɛ mo ere bee wu abar nna nsaa malga abar kutɔ. Mannɛ aŋasa to nɛ mee malga mo kutɔ. E nyi kananɛ ma kapɔr du kikɛ! Amoso men maŋ kɔ ekpa nɛ men malga ŋ gbiti ma kayɛrbi Mosis!”

Baru lela nɛ Jɔn kute na 1:18

Esa kama maŋ naŋ wu Ebɔrɛ kenishiso. Ebinyɛn koŋwule, nɛ e tase m mata Ebɔrɛ na, nawule e ŋini basa kananɛ Ebɔrɛ du.

1 Kɔrintebi 13:12

Naniere bre anyee wu asɔ nna lii fanɛ an ka bee keni digi to na. Ama saŋko anyeeŋ wu kusɔ kama kenishiso nɛnɛ. Naniere n nyi asheŋ to gbrɛbi nna, ama saŋko meeŋ pin kusɔ kama to nɛnɛ n loge fanɛ kananɛ Ebɔrɛ nyi ma to na.

2 Kɔrintebi 3:18

Ama anyi ere kikɛ ka maŋ kɔ kusɔ kuŋso nɛ k buu anyi be anishiakpaana so nsaa nyaŋɛ Enyɛnpe be kemaŋkura be kefulto na a ŋini basa na bee chɛrga nna a duli mo a ti so a nya kemaŋkura nɛ k bee wora keshi a ti so. Kesheŋ ere shi Enyɛnpe nɛ e la Kiyoyu na kutɔ nna.

2 Kɔrintebi 4:6

Ebɔrɛ mo nɛ e kaŋɛ fanɛ: “Men shin nɛ kefulto e shi tentembiri to n lar n nyaŋɛ,” koŋwule na e naa shin nɛ mbe kefulto bee nyaŋɛ anyi be ŋgbeneana to a bar anyi Ebɔrɛ be kemaŋkura be kanyiasheŋ be kefulto nɛ k bee nyaŋɛ Kristo be anishito na.

Galeeshaebi 1:6

Men be asheŋ bee chinchiŋ ma kashenteŋto pasaa, ŋkpal kananɛ men tea yige Ebɔrɛ nɛ e bɔla Kristo be kuwɔr be kakɛ na so n tre menyi na a to nsaa sɔ baru pɔtɛ nɛ basa ko bee tre baru lela na.

Ɛfesesebi 1:17

fanɛ e sa menyi Kiyoyu mo nɛ e beeŋ shin nɛ men baa kɔ kanyiasheŋ nseŋ naŋ lara Ebɔrɛ ŋ ŋini menyi nɛ men pin mo kashenteŋto.

Ditɛronɔmi 34:10

Anebi kikɛ maŋ naŋ lar Israɛl be efuli so a du fanɛ Mosis. Mo nɛ Enyɛnpe Ebɔrɛ na daa malga, baa wu abar nna.

Ditɛronɔmi 5:24

m ba kaŋɛ: “Enyɛnpe, anyi be Ebɔrɛ na lara mbe keshi nɛ kemaŋkura ŋ ŋini kabre. E bɔla edɛ na to m malga nɛ an pin fanɛ Ebɔrɛ beeŋ tiŋ m malga basa kutɔ nɛ b nu nseŋ kraa wɔ ŋkpa to.

Kɔlɔsiebi 1:15

Ebɔrɛ Pibi na du fanɛ Ebɔrɛ nɛ basa maaŋ tiŋ n wu kikɛ na nna. Mo e la kusɔtoso kikɛ be enimu,

2 Timoti 1:10

Ama naniere le be kesheŋ ere lar efuli ŋkpal anyi be Emɔlgapo Kristo Yesu be keba na so. Mo e bar luwu be eleŋ kikɛ ekar nseŋ bɔla baru lela na so ŋ ŋini anyi ŋkpa nɛ k maa loge na.

Hibruwebi 11:27

Yirda so nɛ e daŋ lar Ijipt to nseŋ daa maŋ ŋana ewura na be agbo na. E daa kɔ mbe yirda na to nna kpakpa fanɛ e ka wu esa nɛ b maa wu kenishiso na.

Joshuwa 5:13

Joshuwa ka bee taga to Jɛriko na, epul to nɛ e wu kanyɛn ko ka yili mbe anishito a kɔ tokobi to. Ndoŋ nna nɛ e ya bishi mo le: “Fo alɛ gba la anyi to be eko nna ŋko anyi doŋ e la fo?”

Demujipoana 13:17

Ndoŋ nna nɛ Manoa kaŋɛ malaika na: “Kaŋɛ anyi fo ketre, saŋɛ na so kusɔ nɛ fo kaŋɛ ere kaŋ bɔlɔ so, anyeeŋ ta kumo be bunyaŋ n sa fo.”

Demujipoana 13:18

Nɛ malaika na bishi mo le: “Manɛ nna nɛ fee sha kepin ma ketre? K la mamachi be ketre nna. Ŋ kaŋɛ fo kumo gba fo maaŋ pin to.”

Demujipoana 8:17

Kumo be kaman nɛ Gidiɔn naŋ ya bure ketempreŋ jeŋgreŋ nɛ k wɔ Penuɛl na nseŋ naŋ mɔ benyɛn nɛ b wɔ kade na to na.

Demujipoana 8:8

Kede be kaman nɛ Gidiɔn naŋ yɔ kade nɛ baa tre Penuɛl na n ya kule bumo alɛ gba ajibi nɛ e sa mbe benapo. Nɛ bumo alɛ gba kaŋɛ mo kusɔ nɛ Sukɔfebi na daŋ kaŋɛ mo na.