Jɛnesis 32:3 - EBƆRƐ BE KAWƆL

³ Ndoŋ nɛ Jeekɔb yili n shuŋi mbɔ nɛ b juŋkpar mo a yɔ mo da Isɔɔ kutɔ ashi Seyir nɛ k wɔ Edɔm be efuli so na.

Jɛnesis 32:3 ပူးပေါင်းရင်းမြစ်များ

Jɛnesis 14:6

nɛ Horebi ashi Edɔm be efuli so be abee to na so nseŋ bɛ bumo so n yɔ kufɔ n ya fo Ɛl Paran be kiyi na be ekar.

Jɛnesis 25:30

Ndoŋ nna nɛ Isɔɔ kaŋɛ Jeekɔb le: “Jande sa ma fo epo peper ere be ako, nɛ mannɛ aloŋ, akoŋ beeŋ mɔ ma.” Amoso nɛ b daa tre mo Edɔm na.

Jɛnesis 32:11

Amoso mee kule fo nna fanɛ fo mɔlga ma ashi n da Isɔɔ be enɔ to, ŋkpal manɛ so, mee lɔ kufu nna fanɛ e bee ba nna nɛ e ba kɔ ma nɛ ma beche nɛ mbia kena.

Jɛnesis 32:7

Ndoŋ nna nɛ kufu nɛ kagbenejija damta tɔr Jeekɔb so nɛ e barga mbe basa nɛ mbe ana nɛ ekurma nɛ mbolpɔ nɛ mboe nɛ b wɔ mo kutɔ na to ntuŋnyɔ.

Jɛnesis 33:14

Amoso n nyɛnpe, juŋkpar ma a yɔ, nɛ ma alɛ e bɛ asɔbɔya na nɛ mbia na so a ba gbrɛgbrɛbi, hale nɛ an ba fo fo kutɔ ashi Edɔm be efuli so.”

Jɛnesis 33:16

Ŋkpal loŋ so Isɔɔ daŋ naŋ bɛta nna n yɔ mo pe ashi Edɔm be efuli so kumo be kachɛ na kikɛ.

2 Samuɛl 2:8

Neer pibi Abna nɛ e daa la Sɔɔl be benapo be enimu na daŋ ta Sɔɔl pibi Ishboshɛf nna n shile n dii Jɔɔdan be lɔr na n yɔ Mahanaim.

2 Bewura 6:17

Kumo be kaman nɛ Elaisha kule ŋ kaŋɛ: “O Enyɛnpe Ebɔrɛ bugi mbe anishi nɛ e wu kusɔ nɛ k wɔtɔ.” Nɛ Enyɛnpe Ebɔrɛ nu Elaisha be kekule nseŋ bugi mbe kayɛrbi be anishi nɛ e maŋ kumu so ŋ keni nɛ egbaŋɛ nɛ egbaŋɛturko nɛ e bee suse edɛ kulti Elaisha n wɔtɔ kebee na so kikɛ.

1 Kronikɛls 12:23

Saŋɛ so nɛ Deevid daa wɔ Hibrɔn na, benapo damta ko daŋ ba ti mbe benapo so nna nseŋ ta Deevid ŋ ki ewura n tal Sɔɔl be katelamu fanɛ kananɛ Enyɛnpe Ebɔrɛ kaŋɛ na gbagba. Kananɛ benapo na daa sa nde. Juda be benapo daa wɔ ŋgboŋ ashe nɛ alfa aburwa nsaa kɔ akɔsɔ damta nseŋ keta asɔ kuŋso nɛ akpa. Simiɔn be yiri to be benapo nɛ b nyi kena be kekɔ nɛnɛ daa wɔ ŋgboŋ ashunu nɛ kalfa. Livai be yiri to be benapo daa wɔ ŋgboŋ ana nɛ alfa ashe. Ɛɛrɔn mo nanabi Jehowada be benapo nɛ b daa bɛ mo so daa la ŋgboŋ asa nɛ alfa ashunu nna. Zadɔk nɛ e la enapo lempo na malɛ mo kurgepoana nɛ b la benapo daa wɔ basa adunyɔ nɛ anyɔ. Bɛnjamin be yiri nɛ k la Sɔɔl gbagba be yiri na daa kɔ benapo ŋgboŋ asa. Bɛnjamin be yiri na to be basa damta daa shuŋ Sɔɔl nna. Efrayim be yiri to be benapo lempo nɛ bumo be kanaŋ to be mbuna nɛ ekama nyi bumo be asheŋ daa wɔ basa ŋgboŋ adunyɔ nɛ alfa aburwa. Manase be yiri na to be epeŋitɔrkpa be kaba so be benapo nɛ b daŋ lara fanɛ b ya buu Deevid kuwura m ba na daa wɔ basa ŋgboŋ kuduaburwa. Isaaka be yiri to be bejuŋkparpo nɛ basa nɛ b daa juŋkpar a ŋini kusɔ nɛ k daga kewora nɛ kusɔ nɛ k ba nɛ k daga b ka wora kumo na kikɛ daa wɔ basa alfa anyɔ. Zɛbyulɔn be yiri to be benapo nɛ b nyi akɔsɔ be yiri kikɛ be keta ŋ kɔ kena nseŋ wora kena to be keyɔ be shiriya saŋkama malɛ daa wɔ basa ŋgboŋ adunu, Naftali be yiri to be benapo juŋkparpo daa wɔ kagboŋ, nɛ bumo nɛ bumo be benapo nɛ b nyi asɔkuŋso nɛ ekpa b keta ŋ kɔ kena nɛnɛ malɛ daa wɔ basa ŋgboŋ adesa nɛ ashunu. Dan be yiri na to be benapo nɛ b koya kena be kekɔ nɛnɛ daa wɔ ŋgboŋ adunyɔ nɛ aburwa nɛ alfa ashe. Asha be yiri to be benapo nɛ b wora shiriya nɛ b yɔ kena to saŋkama daa wɔ basa ŋgboŋ adena. Ruben nɛ Gad nɛ Manase be epeŋilarkpa be yiri nɛ b daa wɔ Jɔɔdan be lɔr na be epeŋilarkpa be kaba so na be benapo nɛ b nyi akɔsɔ be yiri kikɛ b k ta ŋ kɔ kena na, daa wɔ ŋgboŋ kalfa nɛ adunyɔ.

Sɔlɔmɔn 7:1

Fo la ewurbi pibi nna, nɛ asɛbta bee nyalɛ fo aya to ga. Fo abembi walɛ nna nseŋ ku nchule fanɛ kubɔtoshembi na.

Aizaaya 21:11

Kubɔya nɛ k wɔtɔ a laŋɛ efuli nɛ baa tre Edɔm na be kaplɛa so nde. Esa ko yili Edɔm be efuli so nna n tre ma m bishi le: “Ekenipo, saŋɛ mo nɛ kare beeŋ chɛ nɛ kaboŋ e fuli to?”

Jɛremaya 49:7

Kusɔ nɛ Enyɛnpetale Ebɔrɛ na kaŋɛ a laŋɛ Edɔm be efuli so nde: “Edɔm be basa maŋ kɔ nfɛra nna a? Basa nɛ baa ji bumo asoeto na maa kaŋɛ bumo kusɔ nɛ baaŋ baa wora nna a? Bumo be kanyiasheŋ kikɛ loge nna a?

Malakai 3:1

Enyɛnpetale na yɛ: “Meeŋ shuŋi ma kabɔ nɛ e ya lɔŋɛ ekpa n yili ma. Nɛ Enyɛnpe Ebɔrɛ nɛ menyee fin na e ba mbe lambu to epul to. Ma kabɔ nɛ menyee jo na beeŋ ba bɔ ma kɔnɔ nase nɛ ma nɛ menyi kre na be kubɔya na n sa menyi.”

Nɔmbɛs 24:18

E beeŋ kɔ m pɔɔ so mo doŋana Edɔmebi so nseŋ ta bumo be kasawule ŋ ki mbe kapetɛ. Israɛl beeŋ baa kɔ a pɔɔ so saŋkama.

Luuk 9:52

E daŋ shuŋi mbɔ nna fanɛ b juŋkpar mo n yɔ Samɛriaebi be kade ko to n ya bela asɔ ase n yili mo.

Ditɛronɔmi 1:2

Nchɛ kudukako nɛ esa beeŋ ta n shi kebee nɛ baa tre Sainai na ase m bɔla Edɔm be kebeesawule so be ekpa na n ya fo kakpa nɛ baa tre Kadɛsh Bania na.

Ditɛronɔmi 2:22

Loŋ koŋwule na nɛ Enyɛnpe Ebɔrɛ na wora n sa Edɔmebi, nɛ bumo alɛ gba la Isɔɔ be kaman to ebi na gba. E daŋ mur Hɔɔebi na nna, saŋɛ na so Edɔmebi na beeŋ sɔ bumo be kasawule na n chena kakpa nɛ b kraa wɔ ere.

Ditɛronɔmi 2:5

ama men sa maŋ kaŋ fara kena nɛ bumo, ŋkpal manɛ so, m maaŋ ta bumo be kasawule, nɛ k fo fanɛ keyadra koŋwule gba, n sa menyi. N teŋ ta Edɔm be efuli na n sa Isɔɔ nɛ mbe kaman to ebi nna.

Joshuwa 13:30

Bumo e daa wɔ Mahanaim nɛ Bashan kikɛ be kasawule. Bashan be ewura nɛ baa tre Ɔg na be efuli kikɛ, nɛ Jair be nde adeshe nɛ a wɔ Bashan na kikɛ daŋ ti bumo be kasawule na so nna.

Joshuwa 24:4

N sa Aizek malɛ mbinyɛnbi anyɔ nɛ baa tre Jeekɔb nɛ Isɔɔ na. Edɔm be abee be kasawule na be kaba so nɛ n ta n sa Isɔɔ fanɛ mbe kapetɛ, ama Jeekɔb bre nɛ mbe mbia daŋ yɔ Ijipt nna.