Jɛnesis 32:26 - EBƆRƐ BE KAWƆL

²⁶ Ndoŋ nna nɛ kanyɛn na kaŋɛ Jeekɔb le: “Shin nɛ n yɔ, ŋkpal manɛ so, kare chɛ.” Nɛ Jeekɔb kaŋɛ mo: “M maaŋ shin nɛ fo yɔ ama fo baŋ nɛfa ma nna.”

Jɛnesis 32:26 ပူးပေါင်းရင်းမြစ်များ

Jɛnesis 32:25

Kanyɛn na ka wu fanɛ e maa tiŋ a pɔɔ Jeekɔb so nɛ e beta Jeekɔb be kebembi nɛ mbe keleŋ kpekpel.

Jɛnesis 32:27

Nɛ kanyɛn na bishi Jeekɔb: “Fo ketre?” Nɛ Jeekɔb kaŋɛ: “Ma ketre e la Jeekɔb.”

1 Kronikɛls 4:10

Ama Jabez daŋ kule Israɛl be Ebɔrɛ na nna ŋ kaŋɛ le: “Ebɔrɛ, nɛfa ma nseŋ shin nɛ ma kasawule e wora keshi ga. Baa wɔ ŋ kutɔ nsaa kuŋ ma ashi kulubi to, saŋɛ na so ebesa maaŋ ba ma so.” Nɛ Ebɔrɛ wora kusɔ nɛ e kule na gbagba n sa mo.

Nshɛ 67:1

Anyi be Ebɔrɛ, wu anyi kuwɔr, n shin nɛ fo kagbene e fuli anyi so, nɛ fo wora anyi kelela nseŋ nɛfa anyi;

Ɛksodɔs 32:10

Amoso sa maŋ kaŋ kuŋ ma ekpa a laŋɛ kusɔ nɛ mee shin nɛ n wora bumo ere be kaplɛa so. Ŋkpal b ka shin nɛ ma kagbene kaa ga so, meeŋ mur bumo nseŋ shin nɛ fo nɛ fo kaman to ebi e ki kanaŋgboŋ.”

Sɔlɔmɔn 3:4

Ma nɛ bumo ka baŋ barga abar gbrɛ nɛ n wu ŋ jipo. Nɛ n far n chɛ mo kiŋkiŋ; M maŋ naŋ yige mo to. Kumo be kaman nɛ ŋ keta mo n yɔ n nio be ebu to; ebu nɛ b kurge ma kumo to na gbagba to.

Sɔlɔmɔn 7:5

Fo kumu wɔ esoso nna fanɛ kebeegboŋ nɛ baa tre kamɛl na. Nɛ fo emin walɛ nsaa nyɛkpɛ so nɛ bewura gba maa keni amo a moɛ.

Aizaaya 45:11

Kusɔ nɛ Enyɛnpe, Israɛl be Ebɔrɛ cheembi nɛ e to kusɔ kikɛ na kaŋɛ nde: “Menyi maŋ kɔ ekpa nɛ men bishi ma basa Israɛlebi be asheŋ ma kutɔ, ŋko ŋ kaŋɛ ma kusɔ nɛ k daga fanɛ n wora!

Aizaaya 64:7

Esa kikɛ maŋ naa tre fo kabɔrɛkule to ŋko a fin fo kechɛto gba. Anyi be alubi so, fo ta fo kumu nna ŋ ŋana nseŋ kplaŋ anyi so.

Hoziya 12:4

be malaika kɔ emaŋ nɛ Jeekɔb pɔɔ mo so nseŋ shu ŋ kule mo fanɛ e nɛfa mo. Ndoŋ nna nɛ Enyɛnpe Ebɔrɛ malga mo kutɔ ndoŋ ashi Bɛtɛl.

Romebi 8:37

Kashenteŋto, shɛŋ maaŋ tiŋ n lara mbe kasha ashi anyi so. Kusɔ kama malɛ kikɛ to an bɔla emo nɛ e daŋ sha anyi na so nna a kɔ eleŋ kusɔ kikɛ so.

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

Ditɛronɔmi 9:14

Amoso sa maŋ kaŋ kuŋ ma akpa, ŋkpal manɛ so, mee sha kemur bumo nna nɛ esa kikɛ maaŋ naaŋ nyiŋi bumo be asheŋ kikɛ. Kumo be kaman nɛ n shin nɛ fo ki efuli nɛ k shi nsaa kɔ eleŋ a chɔ bumo ere kumo tuto.”

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.