Jɛnesis 32:22 - EBƆRƐ BE KAWƆL

²² Kumo be kanyɛso nɛ Jeekɔb koso n ta mbe beche nɛ bumo be mbita anyɔ nɛ mbe bibinyɛn kudukako n ya bɔla Jabɔk be lɔr na be kakpa nɛ k maŋ wɔ nchiŋ na n dii.

Jɛnesis 32:22 ပူးပေါင်းရင်းမြစ်များ

Jɛnesis 29:21

Nfɛnshunu na be kaman nɛ Jeekɔb kaŋɛ Leeban: “To, naniere saŋɛ fo nɛ n ta ma eche, amoso ta fo kebia na n sa ma nɛ e ki ma eche.”

Jɛnesis 32:21

Amoso Jeekɔb daŋ shin nna nɛ mbe kakɛ na juŋkpar mo nɛ mo ere naŋ shir echenakpa na n di ŋklade.

Jɛnesis 32:23

E ka ta bumo n dii eboŋ na n loge nɛ e ta mbe kanya malɛ kikɛ n dii.

Jɛnesis 35:18

Kajaa Reechel malɛ daa kɔ luwu nna, ama pɔɛŋ nɛ e wu nɛ e nase mbe kebia na Bɛn Oni. Ama kebia na mo tuto bre daŋ naŋ nase mo Bɛnjamin nna.

Ditɛronɔmi 2:37

Ama an daa maŋ yɔ Ammɔnebi be ndeana nɛ a wɔ kepreŋsawule na so, ŋko amo nɛ a wɔ lɔr nɛ baa tre Jabbɔk na ase, ŋko mboŋ nɛ Enyɛnpe Ebɔrɛ na kaŋɛ anyi fanɛ an sa maŋ yɔ amo to na.

Ditɛronɔmi 3:16

Nseŋ ta kasawule nɛ k dese yili Giliad n ya fo Aanɔn be lɔr ase na n sa Ruben nɛ Gad be eyiri to ebi. Aanɔn be lɔr na e daa la bumo be kelargato be kaseto be egbaŋ nɛ Jabbɔk be lɔr na malɛ daa la bumo be kelargato be esoso be egbaŋ nɛ kumo be kaba ya lar bumo nɛ Ammɔnebi be egbaŋ to.

1 Timoti 5:8

Ama eche kama nɛ e maa keni mo kurgepoana so, fɔnfɔŋ basa nɛ b mata mo na, yige kebaakɔ anyi be yirda na to nna na. Esa nɛ e maŋ yirda Yesu Kristo na malɛ gba bɔ loŋ be esa.

Joshuwa 12:2

Amɔriebi be ewura nɛ baa tre Sihɔn nɛ e daa ji Hishbɔn be kuwura na be efuli daŋ yili Giliad be kasawule be bargato ashi Arowa, nɛ k wɔ Aanɔn be ketaŋɛ na be ekarso na, nɛ kade nɛ k wɔ ketaŋɛ na be nferinto na, n ya fo Jabɔk be Lɔr ashi Ammɔn be kasawule be ekar.

Demujipoana 11:13

Ndoŋ nna nɛ Ammɔn be ewura kaŋɛ Jɛfta be mbɔ na: “Israɛlebi ka shi Ijipt be efuli so m ba na b ba suge ma kasawule nɛ k yili lɔr nɛ baa tre Aanɔn ashi kelargato be kaseto be kaba so n ya fo lɔr nɛ baa tre Jabbɔk ashi kelargato be esoso be kaba so, hale ŋ keta loŋ n ya fo Jɔɔdan be lɔr na ase ashi epeŋitɔrkpa be kaba so na nna. Nɛ fo tea sha kayurwushi bre fo bɛta kasawule na n sa ma.”