Jɛnesis 32:20 - EBƆRƐ BE KAWƆL

²⁰ E yɛ: “Men sa maŋ teŋ so kekaŋɛ Isɔɔ fanɛ mbe kenya Jeekɔb wɔ kaman a ba.” Jeekɔb daa fɛ nna fanɛ nɛ e ta le be ŋkɛ ere n juŋkpar n ya sa Isɔɔ, a beeŋ wushi mo kagbene nɛ e sɔ mo nɛ enɔ anyɔ.

Jɛnesis 32:20 ပူးပေါင်းရင်းမြစ်များ

Jɛnesis 32:19

Loŋ koŋwule nɛ Jeekɔb daŋ kaŋɛ nyɛrbi nɛ b bɛ so na kikɛ fanɛ b kaŋɛ Isɔɔ.

Jɛnesis 32:21

Amoso Jeekɔb daŋ shin nna nɛ mbe kakɛ na juŋkpar mo nɛ mo ere naŋ shir echenakpa na n di ŋklade.

Jɛnesis 43:11

Nɛ bumo tuto Jeekɔb kaŋɛ bumo: “To, nɛ k nya a du loŋ bre, men bela ase n ta kasawule ere so be asɔrso lelaana ko n wɔtɔ men be adiiku to n ya sa kanyɛn na. Men ta tulale nɛ duwu nɛ asɔ warabi nɛ mushoŋ gbrɛ ya sa mo.

1 Bewura 20:31

Kede be kaman nɛ mbe benimuana na yɔ mo kutɔ n ya kaŋɛ le: “An nu fanɛ Israɛl be bewura bee wu kuwɔr ga, amoso sa anyi ekpa nɛ an ta kagbenejijaso be asɔbuuso n dela anyi be nshɛr to nseŋ ta efɔl malɛ n chɛ anyi be abɔto kagbenejijaso n yɔ Israɛl be ewura na kutɔ. Ashere nɛ an wora loŋ e maaŋ mɔ fo.”

Aŋasa 15:18

Esa nɛ e bee nya agbo manaŋ manaŋ kikɛ bee bar kolu nna, ama enyitipo bre bee kuŋ kolu nna.

Aŋasa 16:14

Ewura be agbo du fanɛ luwu be kabɔ nna, enyiashempo e naŋ tiŋ n shin nɛ k wushi.

Aŋasa 18:16

Kakɛ bee bugi ekpa nna a sa esa, nɛ e bee tiŋ a yɔ basagboŋ kutɔ.

Aŋasa 21:14

Ashiri to be kakɛ beeŋ tiŋ n lɔŋɛ fo nɛ esa nɛ e nya agbo n wɔtɔ fo be kefɛato.

Aŋasa 6:35

Sheŋ malɛ maa tiŋ a ka kedata be agbo be kukɔ. Kakɛ kama maŋ wɔtɔ a wushi kedata be agbo.

Jona 3:9

Ashere Ebɔrɛ be nfɛra beeŋ chɛrga nɛ mbe agbo e wushi nɛ e wu anyi kuwɔr nsaa maŋ shin nɛ an mur.”

2 Timoti 2:25

a wɔtɔ a yɔɔ mbe kumu nsaa ŋini basa nɛ baa ji mo emɔrɔ asheŋ amo be ekpa so. Nɛ e bee wora loŋ, shere Ebɔrɛ beeŋ bugi ekpa n sa bumo nɛ b tuba m bɛ kashenteŋ be ekpa na so

1 Samuɛl 6:5

Men ta asɔ nɛ men lɔŋɛ nɛ a duli eshiboe nɛ a bee jija men be adɔjibi na nɛ amo nɛ a duli achuubɔbɔ a tɔrɔ menyi na n ti ŋkre be deka na so n yɔ nɛ a baa ŋini fanɛ menyee sa Israɛl be Ebɔrɛ na bunyaŋ. Nɛ men wora loŋ bre, ashere e maaŋ naŋ shin nɛ etɔrɔ e ba menyi nɛ men be agbirana nɛ menyi be kasawule ere so.