Jɛnesis 32:2 - EBƆRƐ BE KAWƆL

² Jeekɔb ka wu bumo nɛ e kaŋɛ: “Ebɔrɛ be benapo be echenakpa nde.” Kumo be kaman nɛ e nase kaboŋ na Mahanayim.

Jɛnesis 32:2 ပူးပေါင်းရင်းမြစ်များ

2 Samuɛl 17:24

Pɔɛŋ nɛ Absalɔm nɛ Israɛlebi be benapo na dii Jɔɔdan be Lɔr na n loge na nɛ Deevid bre tea wɔ Mahanaim.

2 Samuɛl 2:12

Kachako nɛ Abna nɛ Ishboshɛf be benapo lar Mahanaim be kade to n yɔ Gibiɔn

2 Samuɛl 2:8

Neer pibi Abna nɛ e daa la Sɔɔl be benapo be enimu na daŋ ta Sɔɔl pibi Ishboshɛf nna n shile n dii Jɔɔdan be lɔr na n yɔ Mahanaim.

1 Bewura 2:8

Nyiŋi Gɛra pibinyɛn Shimei nɛ e la Bɛnjamin be yiri to be esa, nsaa shi Bahurim na gba. Mo e daŋ tege ma nseŋ sho ma kɔnɔ kachɛ nɛ mee yɔ Mahanaim na. Ama kumo be kaman e ka ba tu ma Jɔɔdan be Lɔr na ase na, n daŋ nase kɔnɔ kpakpaso ashi Enyɛnpe Ebɔrɛ be ketre to nna fanɛ m maaŋ shin nɛ b mɔ mo.

1 Bewura 4:14

Ido pibinyɛn Ahinadab e daa keni Mahanayim be kebonfu na so.

2 Bewura 6:17

Kumo be kaman nɛ Elaisha kule ŋ kaŋɛ: “O Enyɛnpe Ebɔrɛ bugi mbe anishi nɛ e wu kusɔ nɛ k wɔtɔ.” Nɛ Enyɛnpe Ebɔrɛ nu Elaisha be kekule nseŋ bugi mbe kayɛrbi be anishi nɛ e maŋ kumu so ŋ keni nɛ egbaŋɛ nɛ egbaŋɛturko nɛ e bee suse edɛ kulti Elaisha n wɔtɔ kebee na so kikɛ.

1 Kronikɛls 12:22

Saŋkama benapo popɔr daa ti Deevid be benapo na so nna ŋkpal loŋ so nɛ mbe benapo na wora kishi ga.

Nshɛ 103:21

Menyi ebɔrɛso be apɔrso nɛ menyee shuŋ a sa Ebɔrɛ nsaa wora mo kasonu na kikɛ e baa kpaŋ Enyɛnpe Ebɔrɛ!

Nshɛ 148:2

Menyi Ebɔrɛ be emalaika kikɛ, nɛ ebɔrɛso be beshumpo kikɛ, men baa kpaŋ Enyɛnpe Ebɔrɛ na.

Nshɛ 24:10

Wanɛ e la ewura nɛ kemankura kulti ere? Mo e la Enyɛnpetale Ebɔrɛ, elempo na.

Nshɛ 34:7

Enyɛnpe be emalaika bee kulti bekama nɛ baa bunyaŋ mo nna a wɔtɔ, nsaa mɔlga bumo ashi kenishipere to.

Sɔlɔmɔn 6:13

Bɛta m ba, bɛta m ba! Shulaim be kanaŋ to be kebichebi, bɛta m ba cha ŋ ŋini anyi. Manɛ nna nɛ menyee sha fanɛ men wu ma kacha basa damta ere to?

Danɛl 10:20

Nɛ Malaika na kaŋɛ le: “Fo nyi kusɔ nɛ ŋ kpal kumo so m ba fo kutɔ a? M ba nna nɛ m ba bugi kusɔ nɛ b sibɛ n wɔtɔ kashenteŋ be kawɔl na to n sa fo. Ama naniere a daga fanɛ m bɛta n ya kɔ Pɛshiya be efuli so be kedimagboŋ na. Kumo be kaman nɛ n naŋ kɔ Griis be efuli so malɛ be kedimagboŋ na. Esa kikɛ malɛ maŋ wɔtɔ nɛ e chɛ ma to she Maikel nɛ e bee kuŋ Israɛlebi na nawule.

Luuk 2:13

Epul na to nɛ emalaika damta ba ti emo na so a boŋ nshɛ a di Ebɔrɛ epaŋ a kaŋɛ:

Joshuwa 21:38

Nde nɛ b daŋ nya ashi Gad be yiri to ebi be kasawule so malɛ daa la nde ana nna. Amo e la Ramɔf nɛ k la kesɔnyige be nde na be kuko ashi Giliad na nɛ Mahanaim

Joshuwa 5:14

Nɛ kanyɛn na kaŋɛ le: “M maŋ la amo be kekama. Enyɛnpe Ebɔrɛ be benapo be enimu e la ma, nɛ m ba.” Ndoŋ nna nɛ Joshuwa gbir m bunyaŋ mo nseŋ kaŋɛ le: “Fo kenya e la ma, manɛ nɛ fee sha fanɛ n wora?”