Jɛnesis 32:13 - EBƆRƐ BE KAWƆL

¹³ Jeekɔb nɛ mbe basa na daŋ di ndoŋ nna ŋklade. Kare ka chɛ nɛ e lara asɔ nɛ e kɔ na to be ako nɛ e ya kɛ mo da Isɔɔ.

Jɛnesis 32:13 ပူးပေါင်းရင်းမြစ်များ

Jɛnesis 13:16

Kumo be kaman, meeŋ shin nɛ fo kaman to ebi e wora keshi fanɛ kasawule so be shishɛr. Amoso nɛ esa baŋ tiŋ ŋ karga kasawule so be shishɛr, kumo ere e beeŋ tiŋ ŋ karga fo kaman to ebi gba.

Jɛnesis 15:5

Ndoŋ nna nɛ Enyɛnpe Ebɔrɛ shin nɛ Eebram lar kowu nɛ e kaŋɛ mo: “Keni esoso ŋ keni, feeŋ tiŋ ŋ karga achɛkpabi ere a? To, nɛ fo maaŋ tiŋ ŋ karga amo bre, kumo ere loŋ nɛ fo kanaŋ to ebi beeŋ ba kaa sa na.”

Jɛnesis 18:2

Eebraham daa baŋ maŋ kumu so nna nɛ e keni nseŋ wu benyɛn asa ko kaa yil. E ka wu bumo, epul na to nɛ e shile n lar kowu n ya shɛr bumo to ŋ jɔŋɛ bumo ase

Jɛnesis 22:17

meeŋ nɛfa fo kashenteŋto nseŋ shin nɛ fo kaman to ebi e baa shi fanɛ awɔlpa to be achɛkpabi nɛ teku ase be shishɛr na. Fo kaman to ebi beeŋ ba koso m pɔɔ bumo doŋana so n sɔ bumo be ndeana.

Jɛnesis 32:14

E daŋ lara mboeche alfa anyɔ nɛ mboelote adunyɔ, mbolpɔche alfa anyɔ nɛ benyɛnso adunyɔ,

Jɛnesis 33:10

Nɛ Jeekɔb kaŋɛ mo: “Ayai, nɛ ma asheŋ baŋ bɔlɔ fo kenishi bre, kumo ere fo sɔ le be kakɛ nɛ mee sa fo ere, ŋkpal manɛ so, ŋ kaŋ baŋ wu fo anishito ere gba baa du nna fanɛ ŋ ka wu Ebɔrɛ be anishito na, fɔŋfɔŋ kananɛ fo sɔ ma nɛ enɔ anyɔ ere so.

Jɛnesis 33:8

Nɛ Isɔɔ bishi Jeekɔb le: “Nɛ asɔbɔya damta nɛ n shɛr to na malɛ a?” Nɛ Jeekɔb kaŋɛ mo: “N ta bumo nna n sa fo nɛ fo wu ma kuwɔr n sɔ ma, n nyɛnpe.”

Jɛnesis 42:6

To, jemanɛ na so malɛ nɛ Josɛf e daa la Ijipt be kasawule na so be gomena. Mo e daa fa ajibi na a sa kasawule na so ebi kikɛ. Amoso mo daana na ka fo Ijipt, b daŋ jɔŋɛ mo ase nna ŋ kurgi amu n yuu to bunyanso.

Jɛnesis 43:11

Nɛ bumo tuto Jeekɔb kaŋɛ bumo: “To, nɛ k nya a du loŋ bre, men bela ase n ta kasawule ere so be asɔrso lelaana ko n wɔtɔ men be adiiku to n ya sa kanyɛn na. Men ta tulale nɛ duwu nɛ asɔ warabi nɛ mushoŋ gbrɛ ya sa mo.

Jɛnesis 43:26

Josɛf ka ba epe nɛ b jɔŋɛ mo ase bunyanso nseŋ ta bumo be ŋkɛ nɛ b bar mo na n sa mo.

Nehemaya 4:13

Amoso nɛ n ta etokobi nɛ ekpa nɛ ata nɛ atanyembi n sa ma basa nseŋ gama bumo kakurge be ntuŋso a mata egbal na be kaba nɛ k maŋ naŋ pɔr n loge na nɛ b baa kuŋ.

Aŋasa 17:8

Brɔbu bee shuŋ nna fanɛ kananɛ baa shuŋ esa kushuŋ nɛ e bee wora esa nɛ e shuŋ mo kushuŋ na be aparsheŋ na. K bee shin nna nɛ asheŋ bee nite nɛnɛ a sa esa nɛ e sa kumo na.

Aŋasa 18:16

Kakɛ bee bugi ekpa nna a sa esa, nɛ e bee tiŋ a yɔ basagboŋ kutɔ.

Aŋasa 19:6

Ekama beeŋ ba sha keji esagboŋ, ŋko esa nɛ e beeŋ tiŋ n chɛ mo to keteri.

Aŋasa 21:14

Ashiri to be kakɛ beeŋ tiŋ n lɔŋɛ fo nɛ esa nɛ e nya agbo n wɔtɔ fo be kefɛato.

1 Samuɛl 25:27

Amoso n nyɛnpe, sɔ ma kakɛ ere n sa fo basa na.

1 Samuɛl 25:8

Fo bishi fo mbolpɔkpapoana na, bumo alɛ gba beeŋ kaŋɛ fo le be kesheŋ koŋwule ere. Kejigboŋ be kachɛ nɛ an ba na, amoso Deevid yɛ, fo keta anyi nɛnɛ. E yɛ kusɔ kama nɛ fo kɔ, fo ta kumo n chɛ fo teri Deevid nɛ fo nyɛrbi to.”