Jɛnesis 32:10 - EBƆRƐ BE KAWƆL

¹⁰ N nyi ŋ ka maŋ daga kuwɔrwu nɛ kashenteŋji nɛ fo wu ma fo kenya ere kikɛ. Kekpabi nawule nɛ n daŋ ta n dii Jɔɔdan be lɔr ere n yɔ n wɔpa kutɔ, ama kabre m bɛta a ba nɛ basa nɛ asɔbɔya damta.

Jɛnesis 32:10 ပူးပေါင်းရင်းမြစ်များ

Jɛnesis 18:27

Nɛ Eebraham naŋ kaŋɛ: “Jande Enyɛnpe, ta m paŋ ma, ma alɛ dimɛdi nɛ n la shishɛr nɛ nsunɔ ere ka yil a kɔ fo a malga le.

Jɛnesis 24:12

Kumo be kaman nɛ e kule Ebɔrɛ ŋ kaŋɛ: “O, Enyɛnpe, n nyɛnpe Eebraham be Ebɔrɛ, sa ma kumulela kabre n wora n nyɛnpe Eebraham kelela.

Jɛnesis 24:27

ŋ kaŋɛ: “Kapandi e baa la Enyɛnpetale n nyɛnpe Eebraham be Ebɔrɛ na peya, ŋkpal manɛ so e maŋ teŋ mbe kelela be kɔnɔ naseso nɛ e sa n nyɛnpe na so. Mo e juŋkpar ma le m ba luri n nyɛnpe mo kurgepoana gbagba pe.”

Jɛnesis 28:13

E daŋ wu fanɛ Enyɛnpe na e daa yil kumo be kumu so gbagba na. Ndoŋ nɛ Enyɛnpe na daa yil nseŋ kaŋɛ mo le: “Ma e la Enyɛnpetale, fo nananyɛn Eebraham be Ebɔrɛ nɛ Aizek be Ebɔrɛ na. Meeŋ ta kasawule mo nɛ fo dese so ere n sa fo nɛ fo kaman to ebi.

Jɛnesis 28:15

Amoso kaplɛkama nɛ fo yɔ, meeŋ baa wɔ fo kutɔ a keni fo so nseŋ bɛta fo m ba kasawule ere so. M maaŋ yige fo kikɛ ama m baŋ wora kusɔ nɛ n nase kɔnɔ fanɛ meeŋ wora ere nna.”

Jɛnesis 30:43

Ŋkpal loŋ so Jeekɔb daŋ ba ki damawura gboŋgboŋi nna a kɔ asɔbɔya damta nɛ nyɛrbi nɛ mbita nɛ enyɔma nɛ ekurma ga.

Jɛnesis 31:3

Ndoŋ nna nɛ Enyɛnpe Ebɔrɛ kaŋɛ Jeekɔb le: “Bɛta n yɔ fo basa pe ashi fo nanaana be kasawule so. Meeŋ baa wɔ fo kutɔ.”

Jɛnesis 32:5

Ŋ kɔ ana nɛ ekurma nɛ mbolpɔ nɛ mboe, benyanyɛn nɛ benyache a ba nsaa kule fo n nyɛnpe fanɛ fo wu ma kuwɔr.’ ”

Jɛnesis 32:7

Ndoŋ nna nɛ kufu nɛ kagbenejija damta tɔr Jeekɔb so nɛ e barga mbe basa nɛ mbe ana nɛ ekurma nɛ mbolpɔ nɛ mboe nɛ b wɔ mo kutɔ na to ntuŋnyɔ.

2 Samuɛl 17:24

Pɔɛŋ nɛ Absalɔm nɛ Israɛlebi be benapo na dii Jɔɔdan be Lɔr na n loge na nɛ Deevid bre tea wɔ Mahanaim.

2 Samuɛl 7:18

Ndoŋ nna nɛ ewura Deevid yɔ wajɛbu na to ashi Enyɛnpe Ebɔrɛ be anishito n ya kule Ebɔrɛ ŋ kaŋɛ le: “Enyɛnpetale Ebɔrɛ, kusɔ nɛ fo wora n sa ma ere maŋ daga ma nɛ ma kanaŋ to ebi kuraa.

Job be kawɔl 17:9

Basa niŋiso beeŋ baa wora kusɔ nɛ k daga, ŋkpal loŋ so baaŋ baa nya eleŋ a ti so.

Job be kawɔl 8:7

E beeŋ shin nɛ fo echefoso be kebaawɔtɔ e baa bɔ fo kebaawɔtɔ dra na ga.

Nshɛ 16:2

Enyɛnpe, Fo e la ma Ebɔrɛ Asɔ lela nɛ ŋ kɔ kikɛ shi fo kutɔ nna.

Nshɛ 18:35

Mo e naa kuŋ ma nsaa mɔlga ma. Mbe enɔ lempo na e naa pɛ ma to. Mbe kechɛto so nɛ e ki esagboŋ.

Nshɛ 61:7

Shin nɛ e baa ji kuwura fo anishito mbaanaayɔ nɛ fo kasha nɛ kashenteŋji e baa kuŋ mo.

Nshɛ 8:5

Fo nawule e chɔ dimɛdi ashi fo asɔ toso kikɛ to. Fo alɛ e sa mo kemaŋkura nɛ bunyaŋ.

Nshɛ 84:7

Fo basa bee nya eleŋ nna a ti so, n ya fo fanɛ ekama ka beeŋ baa tiŋ a ba Ebɔrɛ na be anishito ashi Zayɔn be kebee na so.

Nshɛ 85:10

Kasha nɛ kashenteŋji beeŋ ba abar so, nɛ alelasheŋ nɛ kayurwushi malɛ e ki kukoŋwule.

Aŋasa 4:18

Ama ekpa nɛ belelaworapo bɔ so na bre du nna fanɛ karechɛ so be epeŋi na. K bee fulto nna a ti so hale nɛ kare e ya chɛ nɛ kaboŋ e fulto parr.

Aizaaya 6:5

Ndoŋ nna nɛ ŋ kaŋɛ le: “Tama maaŋ naa wɔtɔ n sa ma nna na! Asheŋ maaŋ nyalɛ n sa ma, ŋkpal manɛ so, kamalga kikɛ nɛ k beeŋ lar ma kɔnɔ to la kulubi nna. Ma alɛ nɛ basa nɛ bumo be mmalga kikɛ la alubi e wɔtɔ, ama ma alɛ wu Enyɛnpetale Ebɔrɛ na kenishiso.”

Aizaaya 63:7

Meeŋ malga Enyɛnpe Ebɔrɛ na be alelasheŋ be asheŋ nseŋ kpaŋ mo ŋkpal asɔ nɛ e bee wora a sa anyi so. E nɛfa Israɛl be basa ga nna ŋkpal mbe kuwɔrwu nɛ kasha nɛ k wɔtɔ jemanɛ kikɛ na so.

Maika 7:20

Feeŋ lara fo kashenteŋji nɛ kasha nɛ k maa loge na ŋ ŋini fo basa nɛ b la an nananyɛnana Eebraham nɛ Jeekɔb be kaman to ebi na, fanɛ kananɛ fo chɛr n nase kumo be kɔnɔ n sa bumo na.

Luuk 17:10

To, menyi alɛ gba loŋ nna fanɛ, nɛ menyi baŋ wora kusɔ kama nyam nɛ b yɛ men wora n loge, men kaŋɛ le: ‘Anya fuloŋ e baa la anyi, anyi alɛ be kushuŋ nɛ k daga anyi nɛ an shuŋ na.’ ”

Luuk 5:8

Saimɔn Pita ka wu asheŋ nɛ a wora na kikɛ nɛ e ya gbir Yesu be anishito nseŋ kaŋɛ: “Enyɛnpe, yige ma, ŋkpal manɛ so, n la alubiworapo nna.”

2 Kɔrintebi 12:11

Mee wora asheŋ fanɛ ewulpo nna, ama menyi e shin nɛ ŋ ki loŋ. Menyi e daŋ daga fanɛ men baa chɔrɔ ma. Ŋkpal manɛ so, nɛ m maŋ la shɛŋ gba, beshuŋipo nɛ menyee tre beshuŋipogboŋ ere maŋ bɔ ma.

Ditɛronɔmi 8:18

Ama men baa nyiŋi fanɛ Enyɛnpe menyi be Ebɔrɛ na e sa menyi eleŋ nɛ men ta n fin kedamaya na. Mo alɛ wora loŋ nna a ŋini fanɛ, e bee ji kashenteŋ a sa mo nɛ men nananyɛnana be kɔnɔkoŋwule be ŋkre na nna hale nɛ mbre.

1 Pita 5:5

Mbrantiɛ, loŋ koŋwule na nɛ a daga fanɛ men baa nu a sa benyɛnnimuana. Men ta kumu be kebar kaseto m mea to fanɛ wajɛ a wɔtɔ a sa abar, ŋkpal manɛ so, Ebɔrɛ maa sa kamoowuwuraana kashuli, ama bumo nɛ baa bar bumo be amu kaseto bre, e bee wu bumo kuwɔr nna.