Jɛnesis 31:7 - EBƆRƐ BE KAWƆL

⁷ Ama men tuto puni ma nseŋ chɛrga ma kakɔka ale kudu. Ama Ebɔrɛ maŋ shin nɛ e nya ma n doro bre.

Jɛnesis 31:7 ပူးပေါင်းရင်းမြစ်များ

Jɛnesis 15:1

Ade kikɛ be kaman nɛ Eebram ku bɔrɛdare nseŋ nu Enyɛnpe Ebɔrɛ na ka kaŋɛ mo: “Eebram, sa maa lɔ kufu. Ma e la fo ekumpo meeŋ ka fo kukɔ gboŋgboŋi.”

Jɛnesis 20:6

Ndoŋ nna nɛ Ebɔrɛ kaŋɛ mo ashi edare na to le: “Kashenteŋ, n nyi fo ka wora kusɔ nɛ fo wora na nɛ nfɛra lela, amoso nɛ mee kuŋ fo nɛ fo sa maŋ kaŋ wora kulubi ŋ gbiti ma na.

Jɛnesis 29:25

Jeekɔb nɛ Lia ka di ŋklade nɛ Jeekɔb keni nɛ Lia nna, mannɛ Reechel. Ndoŋ nna nɛ e bishi Leeban le: “Manɛ be kushuŋ nɛ fo shuŋ ma loŋ? Reechel so nɛ n shuŋ fo ŋko mannɛ aloŋ nna? Nɛ manɛ e ba nɛ fo fule ma loŋ?”

Jɛnesis 30:28

Fee sha, fo kaŋɛ ma kananɛ feeŋ sɔ ma nɛ ŋ ka fo.”

Jɛnesis 31:24

Kumo be kanyɛso nɛ Ebɔrɛ lar Leeban so edare to ŋ kaŋɛ mo le: “Baa da so nsaa maŋ kaŋ malga kamalga lubi kikɛ ŋ gbiti Jeekɔb.”

Jɛnesis 31:29

Ŋ kɔ ekpa nɛ n daŋ shin nɛ b tɔrɔ fo, ama ndre kanyɛso, fo tuto be Ebɔrɛ na ba kaŋɛ ma fanɛ m baa da so nsaa maŋ kaŋ malga kamalga lubi kikɛ ŋ gbiti fo.

Jɛnesis 31:41

Le be kebaawɔtɔ ere to nɛ n daa wɔ fo laŋ to loŋ nfɛ adunyɔ. Nfɛ kuduana nɛ n shuŋ n sa fo pɔɛŋ nseŋ nya fo bibichesobi anyɔ ere n ta. Nfɛnshe malɛ nɛ n shuŋ ŋ keni fo asɔbɔya so n sa fo, ama amo nɛ amo kikɛ fo chɛrga ma kakɔka ale kudu.

Nehemaya 4:12

Ama ale kudu kikɛ nɛ Jerusalɛm be basa nɛ b daŋ wea anyi doŋana to n chena na kpele anyi kusoe a laŋɛ kusɔ nɛ an doŋana na bee kre kewora anyi be kaplɛa so.

Job be kawɔl 1:10

Jemanɛ kikɛ fee kuŋ mo nɛ mbe kanaŋ nɛ kusɔ kama nɛ e kɔ nna nseŋ naa shin nɛ kusɔ kama nɛ e bee wora bee nyalɛ a sa mo, hale nɛ mbe mbolpɔ nɛ ana salga to n sɔ kaplɛkama.

Job be kawɔl 19:3

Ale kudu nna na fo kaa bee malga a gbiti ma. Nyɔmɔ maŋ kɔ fo a?

Job be kawɔl 19:8

Ebɔrɛ kuŋ ekpa nna nɛ m maaŋ tiŋ n choŋ, mo alɛ shin nɛ ma ekpa ki tentembiri n sa ma nna.

Nshɛ 37:28

Ŋkpal manɛ so, Enyɛnpe Ebɔrɛ na bee sha bekama nɛ baa wora asheŋ nɛ amo be ekpa so na nna. Mo alɛ maaŋ kplaŋ bekama nɛ baa ji kashenteŋ so. Enyɛnpe na beeŋ baa kuŋ bumo, ama e beeŋ mur belubiworapo bre be kaman to ebi.

Aizaaya 4:1

Jemanɛ na kaŋ fo malɛ, beche ashunu beeŋ baa shil a buu enyɛn koŋwule so a kaŋɛ le: “Anyeeŋ tiŋ a bela nsaa buu anyi be amu, jande, fo ere e baŋ shuli nɛ an baa tre fo anyi kul, saŋɛ na so anyi maaŋ ji nyɔmɔ ŋkpal anyi ka maa kil so.”

Aizaaya 54:17

Ama kekɔsɔ kama maaŋ tiŋ n wora fo shɛŋ. Fo alɛ beeŋ nya kusɔ ko ŋ kaŋɛ bekama nɛ baaŋ ku fo kɔnɔ. Meeŋ kɔ n sa ma anya nseŋ shin nɛ b kɔ m pɔɔ so.” Enyɛnpe Ebɔrɛ e kaŋɛ na.

Danɛl 1:20

Asheŋ kikɛ nɛ ewura na daŋ baŋ bishi, e daa wu nna fanɛ mbia ana na nyi asheŋ nsaa pin asheŋ to alɛ kudu a chɔ mbe belejipo nɛ ŋkilgiwuraana nɛ b wɔ mbe efuli so kikɛ.

Levitikɔs 26:26

Meeŋ ti ekpa nɛ menyee bɔla so a nya ajibi na, saŋɛ na so beche kudu beeŋ baa tɔ bumo be ebodobodo ashi ebodobodo be ebu koŋwule to. Baŋ baa karga amo nna a sa ekama, nɛ men we amo n loge gba, men kraa maaŋ moɛ.

Zakareya 8:23

Loŋ be jemanɛ na so, eyiri pɔtɛ nɛ efuli pɔtɛana so be basa kudu beeŋ pɛ Israɛl be esa koŋwule be kale to nsaa kaŋɛ mo le: Shin nɛ an bɛ fo so a yɔ, ŋkpal manɛ so, an nu fanɛ Ebɔrɛ wɔ men kutɔ nna.”

Nɔmbɛs 14:22

basa ere b ekama maaŋ yɔ kasawule nɛ n nase kɔnɔ n sa bumo na so. Ŋkpal manɛ so b wu ma kemaŋkura nɛ emamachisheŋ nɛ n wora ashi Ijipt be kasawule so nɛ keshishɛrsawule na so, ama b kini kenu n sa ma nseŋ wora ma ŋ keni alɛ damta.