Jɛnesis 31:24 - EBƆRƐ BE KAWƆL

²⁴ Kumo be kanyɛso nɛ Ebɔrɛ lar Leeban so edare to ŋ kaŋɛ mo le: “Baa da so nsaa maŋ kaŋ malga kamalga lubi kikɛ ŋ gbiti Jeekɔb.”

Jɛnesis 31:24 ပူးပေါင်းရင်းမြစ်များ

Jɛnesis 24:50

Ndoŋ nna nɛ Leeban nɛ Bɛtuwɛl kaŋɛ: “Asheŋ na kikɛ shi Ebɔrɛ kutɔ nna, amoso anyi ere maŋ naa kɔ shɛŋ nɛ an kaŋɛ.

Jɛnesis 20:3

Kachako kanyɛso nɛ Ebɔrɛ ba ewura na kutɔ ashi edare to m ba kaŋɛ mo le: “Feeŋ wu, ŋkpal fo ka ta eche kilpo ere ŋ ki fo eche so.”

Jɛnesis 31:29

Ŋ kɔ ekpa nɛ n daŋ shin nɛ b tɔrɔ fo, ama ndre kanyɛso, fo tuto be Ebɔrɛ na ba kaŋɛ ma fanɛ m baa da so nsaa maŋ kaŋ malga kamalga lubi kikɛ ŋ gbiti fo.

Nɔmbɛs 24:13

hale nɛ fo ta fo ewurkpa be shuwa nɛ gbiti kikɛ gba ŋ kɛ ma, m maaŋ kini kenu n sa Enyɛnpe Ebɔrɛ kikɛ. Kusɔ nɛ Enyɛnpe Ebɔrɛ kaŋɛ, nɛ meeŋ wora.”

Jɛnesis 31:42

Nɛ Ebɔrɛ nɛ n tuto Aizek bee bunyaŋ nɛ e la Eebraham gba be Ebɔrɛ na daa maŋ wɔ ma kutɔ nna, fo daa beeŋ ju ma fo laŋ to nɛ enɔfuloŋ. Ama Ebɔrɛ wu ma awurfoŋ nɛ kegben nɛ ŋ gben na kikɛ nna nseŋ fiɛ fo so edare na to.”

Matiu 27:19

Pailat daŋ kraa tase demujikpa na nna nɛ mbe eche ta le be kubɔya n shoŋi mo: “Lara fo enɔ ashi kanyɛn na be asheŋ to, ŋkpal manɛ so, e la esa lela nna. Ŋ kaŋ ku mbe edare ndre kanyɛso, n ji awurfoŋ ga.”

2 Samuɛl 13:22

Absalɔm daa maŋ tuge Amnɔn shɛŋ ama e daŋ kishi mo nna, ŋkpal e ka pur mo sipoche Tamaa so so.

Matiu 1:20

E daa wɔ le be nfɛra ere to nna nɛ Enyɛnpe be malaika lar mo so edare to ŋ kaŋɛ mo le: “Josɛf, Deevid be kanaŋ to be esa, sa maa ŋana keta Mɛɛri nɛ e ki fo eche, ŋkpal manɛ so, Kiyoyu Cheeŋ na so nɛ e bɔla n di kedampo na.

Hoziya 12:12

An nananyɛn Jeekɔb daŋ shile nna n yɔ Mɛsopoteemia be efuli so n ya ka keni kanyɛn ko be mbolpɔ so pɔɛŋ nseŋ nya eche.

Aizaaya 37:29

N wu fo kamoowu nɛ agbogboŋ na kikɛ. Naniere meeŋ ta dariwa n wɔtɔ fo kamuna to nseŋ ta kebarga n wɔtɔ fo kɔnɔ to. Kumo be kaman nɛ n ta fo m bɔla ekpa nɛ fo bɔla so m ba na m bɛta n yɔ kakpa nɛ fo shi m ba.”

Job be kawɔl 33:25

Kumo be kaman nɛ b naŋ nya alenfia, nseŋ naŋ nya eleŋ ŋ ki fanɛ mbifɔlbi na.

1 Bewura 3:5

Kamɔnchɛ be kanyɛso gbagba nɛ Enyɛnpe Ebɔrɛ lara mbe kumu ŋ ŋini ewura Sɔlɔmɔn edare to m bishi mo le: “Manɛ nɛ fee sha ŋ ka wora n sa fo?”

Ditɛronɔmi 26:5

Kumo be kaman nɛ esa nɛ e bar kakɛ na e kaŋɛ le ashi Enyɛnpe Ebɔrɛ na be anishito, “N nananyɛn daa la esa nɛ e shi Aremiya be efuli so nna. Mo alɛ daa maa kɔ mo kumu so be kowu nseŋ daŋ ta mbe kanaŋ n yɔ Ijipt be efuli so n ya chena ndoŋ. B ka daŋ yɔ ndoŋ nɛ b daa maŋ shi, ama b daŋ m ba ki efuligboŋ nɛ k kɔ eleŋ ga.

Nɔmbɛs 22:26

Nɛ malaika na naŋ firgi n yɔ anishito n ya yili ekpa na be kakpa mɔebi nɛ kurma na maaŋ nya kakpa ŋ gbɛ n choŋ.

Nɔmbɛs 22:20

Kumo be kanyɛso nɛ Ebɔrɛ kaŋɛ Balaam le: “Meeŋ shin nɛ fo tu Ewura Balak be mbɔ na n yɔ Mowab, ama ya wora kusɔ kama nɛ meeŋ kaŋɛ fo.”

Nɔmbɛs 12:6

Ndoŋ nna nɛ Enyɛnpe Ebɔrɛ kaŋɛ bumo le: “Men kaŋ kusoe n nu ma mmalga ere: Ma e naa bɔla kewuŋkaŋɛ so a lara ma kumu a ŋini anebiana nsaa bɔla edare so a malga bumo kutɔ.

Jɛnesis 41:1

Asheŋ nɛ a wora na kikɛ be nfɛ anyɔ be kaman nɛ ewura Fɛɛro ku edare ko. Edare na to e daa yil lɔr nɛ baa tre Nail na be kegroŋgu so nna.

Jɛnesis 40:5

Kachako nɛ bumo basa anyɔ be ekama ku edare kanyɛ koŋwule na. Bumo be edareana na malɛ be kekama daa ŋini kusɔ ko nna.

Jɛnesis 31:10

Jemanɛ nɛ asɔbɔya bee kurge na, n daŋ ku edare nna n wu fanɛ mboelote nɛ b daa dii na kikɛ daŋ chɛchɛrɛ to nna ŋko a du muchɛr muchɛr ŋko ŋ chaŋɛ eyur so fanɛ chaŋkplaŋ na.

Jɛnesis 28:5

Aizek be kamalga na be kaman nɛ Jeekɔb pɛ Mɛsopoteemia be efuli so be ekpa nɛ e yɔ Bɛtuwɛl nɛ e la Mɛsopoteemia be esa na pibinyɛn Leeban kutɔ. Leeban daa la Jeekɔb nɛ Isɔɔ bumo wɔpa nna.

Matiu 2:12

B ka loge nɛ Ebɔrɛ fiɛ bumo so edare to ŋ kaŋɛ fanɛ b sa maŋ naŋ bɛta n yɔ Ewura Hɛrɔd kutɔ. Amoso b daŋ bɔla ekpa popɔr so nna m bɛta n yɔ bumo be efuli so.

Jɛnesis 20:6

Ndoŋ nna nɛ Ebɔrɛ kaŋɛ mo ashi edare na to le: “Kashenteŋ, n nyi fo ka wora kusɔ nɛ fo wora na nɛ nfɛra lela, amoso nɛ mee kuŋ fo nɛ fo sa maŋ kaŋ wora kulubi ŋ gbiti ma na.

Jɛnesis 31:7

Ama men tuto puni ma nseŋ chɛrga ma kakɔka ale kudu. Ama Ebɔrɛ maŋ shin nɛ e nya ma n doro bre.

Jɛnesis 31:11

Ndoŋ nna nɛ Ebɔrɛ be malaika tre ma edare na to ŋ kaŋɛ: ‘Jeekɔb’ nɛ n shuli ŋ kaŋɛ: ‘Ma nde.’

Jɛnesis 31:23

Ndoŋ nna nɛ Leeban keta mbe basa n ju m bɛ Jeekɔb so nchɛnshunu pɔɛŋ nseŋ ya tu mo ashi Gilead be efuli so be kakpa nɛ abee damta wɔ na.

Jɛnesis 31:25

Jeekɔb daŋ ya yuu mbe wajɛbu abee to nna ashi Gilead be efuli so. Ndoŋ koŋwule na nɛ Leeban nɛ mbe basa gba daŋ ya yuu bumo be ewajɛbu.