Jɛnesis 31:12 - EBƆRƐ BE KAWƆL

¹² Nɛ malaika na kaŋɛ: ‘Maŋ kumu so ŋ keni, feeŋ wu fanɛ mboelote nɛ baa dii becheso na kikɛ du chɛchɛrɛ nna, ŋko muchɛr muchɛr ŋko ŋ chaŋɛ eyur so fanɛ chaŋkplaŋ nna, ŋkpal manɛ so, n wu kusɔ nɛ Leeban bee wora fo kikɛ.

Jɛnesis 31:12 ပူးပေါင်းရင်းမြစ်များ

Jɛnesis 31:10

Jemanɛ nɛ asɔbɔya bee kurge na, n daŋ ku edare nna n wu fanɛ mboelote nɛ b daa dii na kikɛ daŋ chɛchɛrɛ to nna ŋko a du muchɛr muchɛr ŋko ŋ chaŋɛ eyur so fanɛ chaŋkplaŋ na.

Jɛnesis 31:42

Nɛ Ebɔrɛ nɛ n tuto Aizek bee bunyaŋ nɛ e la Eebraham gba be Ebɔrɛ na daa maŋ wɔ ma kutɔ nna, fo daa beeŋ ju ma fo laŋ to nɛ enɔfuloŋ. Ama Ebɔrɛ wu ma awurfoŋ nɛ kegben nɛ ŋ gben na kikɛ nna nseŋ fiɛ fo so edare na to.”

Nshɛ 10:14

Ama fo Ebɔrɛ na bee wu tɔrɔ nɛ awurfoŋ ere kikɛ, nseŋ wora shiriya nɛ fo chɛ to. Basa nɛ baa wu awurfoŋ na bɔɔ fo enɔ nna. Fo e naa chɛ amunibi to na.

Nshɛ 12:5

Ndoŋ nna nɛ Enyɛnpe Ebɔrɛ kaŋɛ le: “Meeŋ koso, ŋkpal bepɔshipo be kamɛaŋ, nɛ basa nɛ asheŋ bee tɔrɔ be kushuto so. Meeŋ sɔ bumo n yige.”

Nshɛ 139:3

Fee wu kusɔ kama nɛ mee wora, ŋko kaplɛkama nɛ mee yɔ nna.

Ɛksodɔs 3:7

Ndoŋ nna nɛ Enyɛnpe Ebɔrɛ kaŋɛ mo le: “N wu tɔrɔ mo nɛ ma basa bee ji ashi Ijipt be efuli so, ma alɛ nseŋ naŋ nu b ka bee shu ŋkpal awurfoŋ nɛ baa ji ashi anyakenipoana be enɔ to na so. Bumo be asheŋ tir ma ga.

Ɛksodɔs 3:9

N nu ma basa Israɛlebi be kushu kashenteŋto, ma alɛ nseŋ naŋ wu kananɛ Ijiptebi bee tɔrɔ bumo.

Kaŋinichiŋgeliŋ 5:8

Fo baŋ wu abane be ekrachi ka bee tɔrɔ mbe efuli so be betirpo nsaa ji bumo durmu, sa maŋ shin nɛ k baa chinchiŋ fo, ŋkpal manɛ so ekrachi wurbi na bee wora a bɛ bumo be benimu be nnɔ so nna.

Levitikɔs 19:13

Sa maŋ kaŋ ji fo barkasa durmu ŋko n suge mo. Sa maŋ kaŋ mɔn esa nɛ fo ber paa mbe kakɔka, sa maŋ shin nɛ kare a chɛ kumo so gba.

Ashuŋ Shunso 7:34

N wu kekɔrfɛ nɛ tɔrɔ damta nɛ ma basa wɔ Ijipt be efuli so a nya. N nu bumo be kushu m ba nɛ m ba mɔlga bumo. Nu nfe, meeŋ shuŋi fo Ijipt.’

Ɛfesesebi 6:9

Benyɛnpe, menyi alɛ gba e baa wora menyi be anya loŋ. Men sa maa funti a funti bumo, ŋkpal manɛ so, menyi alɛ gba nyi fanɛ esa nɛ e wɔ ebɔrɛso a la menyi nɛ anya na kikɛ be Enyɛnpe na maŋ kɔ ŋkpɛato.

Ditɛronɔmi 24:15

Ŋkpal b ka la betirpo n daga fanɛ b nya amansherbi pɔɛŋ nseŋ tiŋ n nya bumo be kusɔ jisoso, a daga fanɛ men ka bumo karechɛ kama be kushuŋ be kukɔ pɔɛŋ nɛ epeŋi e tɔr. Nɛ menyi maŋ ka bumo, baaŋ shu ŋ ŋini Enyɛnpe Ebɔrɛ na nɛ kumo be kulubi e baa bɛ menyi.