Jɛnesis 30:27 - EBƆRƐ BE KAWƆL

²⁷ Nɛ Leeban kaŋɛ mo: “Jande, nɛ ma asheŋ bɔlɔ fo kenishi bre, fo baa kraa wɔtɔ, ŋkpal manɛ so, n wu fanɛ fo so nɛ Enyɛnpe na bee nɛfa ma.

Jɛnesis 30:27 ပူးပေါင်းရင်းမြစ်များ

Jɛnesis 12:3

Bekama malɛ nɛ b nɛfa fo, ma alɛ gba beeŋ nɛfa bumo. Ama ekama nɛ e sho fo kɔnɔ, ma alɛ gba beeŋ sho amodoŋwura kɔnɔ. Fo so nɛ meeŋ bɔla n nɛfa durnya to ebi kikɛ.”

Jɛnesis 18:3

ŋ kaŋɛ: “Men maaŋ yili ma kutɔ gbrɛbi pɔɛŋ nsaa yɔ a?

Jɛnesis 26:24

Kumo be kamɔnchɛ be kanyɛso nɛ Enyɛnpe na lar mo so ŋ kaŋɛ mo: “Ma e la fo tuto Eebraham be Ebɔrɛ na, sa maa lɔ kufu, ŋkpal manɛ so, n wɔ fo kutɔ. Meeŋ nɛfa fo nseŋ shin nɛ fo kaman to ebi e wora keshi ŋkpal ma kenya Eebraham so.”

Jɛnesis 30:30

Asɔbɔya gbrɛbi nɛ fo daa kɔ pɔɛŋ nɛ m ba, ama naniere b salga n sɔ kakpa, nɛ Enyɛnpe na bɔla ma so n nɛfa fo ekpa kama so. To saŋɛ mo nɛ ma alɛ beeŋ wora kusɔ ko n sa ŋ gbagba be laŋ to ebi?”

Jɛnesis 33:15

Nɛ Isɔɔ kaŋɛ: “Kumo ere shin nɛ n yige ma basa ere be beko fo kutɔ.” Nɛ Jeekɔb bishi mo: “Manɛ nna nɛ fee sha nɛ fo wora loŋ, n nyɛnpe? Kananɛ fo sɔ ma ere gba kukwe.”

Jɛnesis 34:11

Kumo be kaman nɛ Shɛkɛm kaŋɛ Daina mo tuto nɛ mo siponyɛnana le: “Nɛ men shuli kusɔ nɛ ŋ kaŋɛ ere, ma alɛ gba beeŋ wora kusɔ kama nɛ men yili ma.

Jɛnesis 44:5

Manɛ e ba nɛ men yuri n nyɛnpe be gbiti be kusɔnuunchu? To, kumo nɛ e kɔ a nuu asɔ nseŋ naa kɔ kumo a bishi so. Kusɔ nɛ men wora ere maŋ walɛ kuraa!’ ”

Jɛnesis 47:25

Ndoŋ nna nɛ b kaŋɛ Josɛf: “Ebunyampo, fo mɔlga anyi be ŋkpaana, amoso an shuli fanɛ, anyeeŋ baa la Fɛɛro be anya fanɛ kananɛ fo kaŋɛ na.”

2 Samuɛl 6:11

Deka na daa wɔ ndoŋ nna n ya fo afɔl asa nɛ Enyɛnpe Ebɔrɛ nɛfa Obɛd Edɔm nɛ mbe kanaŋ kikɛ.

1 Bewura 11:19

Hadad be asheŋ daŋ par Ijipt be ewura na ga nna nɛ e ta mbe eche ewurche Tapenis mo sipo n sa Hadad nɛ e ki mbe eche.

Nehemaya 1:11

O Enyɛnpe Ebɔrɛ, nu ma nɛ fo nyɛrbi nɛ b kɔ kasha n sa fo nsaa ŋana fo ketre na be kabɔrɛkule. Chɛ ma to nɛ n nya kusɔ nɛ mee tama kabre ere nseŋ shin nɛ ewura malɛ gba e wu ma kuwɔr.” Loŋ be jemanɛ nɛ ma e daa duga ewurgboŋ Atazɛzɛs be yabra a sa mo nɛ e bee nuu.

Nehemaya 2:5

Kumo be kaman nɛ ŋ kaŋɛ ewura na le: “Yiramu, jande, nɛ k maaŋ tɔrɔ fo, sa ma ekpa nɛ n yɔ Juda be kasawule so n ya lɔŋɛ kadegboŋ nɛ b puli an nanaana kumo to na m pɔr.”

Nshɛ 1:3

Loŋ be basa du fanɛ boŋkarase be ndibi nɛ a bee sɔr asɔrso saŋɛ nɛ k daga na nna. Amo be afantaŋ maa gbaŋgbaŋ kikɛ. Kusɔ kama nɛ baa wora bee nite nɛnɛ nna a sa bumo.

Ɛksodɔs 3:21

Ma alɛ beeŋ shin nɛ Ijiptebi na e bugi ŋgbene n chɛ Israɛlebi na to saŋɛ na so men kaa lar ndoŋ men maaŋ ta enɔfuloŋ n lar.

Aizaaya 6:13

Basa kudu to be esa koŋwule gba ka kasawule na so, mo alɛ gba beeŋ mur. E beeŋ ki fanɛ kedibi gboŋgboŋi nɛ b ku n lɛ be keyimu.” (Keyimu na yili n sa Ebɔrɛ be basa ka beeŋ naŋ fara kepopɔr to nna.)

Aizaaya 61:9

Bumo be ketre beeŋ dii a chɔ efuli pɔtɛana peya. Ekama nɛ e wu bumo beeŋ pin fanɛ b la basa nɛ Enyɛnpe Ebɔrɛ nɛfa nna.

Aizaaya 65:8

Ade kikɛ be kaman nɛ Enyɛnpe Ebɔrɛ na naŋ kaŋɛ le: “Esa kikɛ maaŋ shuli n ta asɔrso nɛ baa tre greep na be alela n lɛ, ama e beeŋ ta amo n wora yabra nna. To, ma alɛ gba maaŋ shuli m mur ma basa kikɛ, ama meeŋ mɔlga bumo nɛ baa shuŋ ma na.

Danɛl 1:9

Ndoŋ nna nɛ Ebɔrɛ shin nɛ Danɛl be asheŋ pɛ Ashpenaaz kuwɔr.

Nɔmbɛs 11:11

Kumo be kaman nɛ Mosis kule Enyɛnpe Ebɔrɛ ŋ kaŋɛ le: “Manɛ nna nɛ fo shin nɛ le be asheŋ ere tu ma? Manɛ nna nɛ fo nya agbo n wɔtɔ ma loŋ? Manɛ nna nɛ fo ta basa ere be esulɔ kikɛ n sulɔ ma?

Nɔmbɛs 11:15

Nɛ le bre nɛ fee sha kewora ma, kumo ere wu ma kuwɔr nseŋ mɔ ma nɛ n wushi.”

Ashuŋ Shunso 7:10

E daŋ lara mo ashi mbe etɔrɔ kikɛ to nseŋ sa mo kanyiasheŋ nɛ kebaawɔtɔ nɛ a par Ijipt be ewura Fɛɛro ga nɛ Fɛɛro shin nɛ Josɛf ki efuli na so be gomena nɛ mbe kowu to ebi kikɛ so be enimu.

Ruf be kawɔl 2:13

Ndoŋ nna nɛ Ruf kaŋɛ Bowas: “N nyɛnpe, Ebɔrɛ e shin nɛ ma asheŋ e baa kraa bɔlɔ fo kenishi saŋkikɛ. M maŋ fo mbitaana ere be ekama be eyilikpa so, ama fo malga ma kutɔ nɛnɛ nseŋ wushi ma, fo kenya, be kagbene.”

1 Samuɛl 16:22

Kumo be kaman nɛ Sɔɔl ta ebɔl n shoŋi Jɛsi fanɛ e shin nɛ Deevid e ba wɔ mo kutɔ a shuŋ a sa mo, ŋkpal manɛ so mbe asheŋ bee par mo ga.