Jɛnesis 30:25 - EBƆRƐ BE KAWƆL

²⁵ Reechel ka kurge Josɛf na be kaman nɛ Jeekɔb kaŋɛ Leeban: “Sa ma ekpa nɛ m bɛta n yɔ ma efuli so.

Jɛnesis 30:25 ပူးပေါင်းရင်းမြစ်များ

Jɛnesis 18:33

Enyɛnpetale nɛ Eebraham ka malga n loge nɛ e choŋ nɛ Eebraham malɛ bɛta n yɔ laŋ to.

Jɛnesis 24:54

E ka wora ade kikɛ n loge na nɛ mo nɛ basa nɛ b daa wɔ mo kutɔ na kikɛ ji ajibi nseŋ di ndoŋ ŋklade. Kare ka chɛ chipurso nɛ Eebraham be kayɛrbi na kaŋɛ bumo le: “To, mee kule ekpa nɛ n yɔ n nyɛnpe kutɔ.”

Jɛnesis 24:56

Nɛ Eebraham be kayɛrbi na kaŋɛ bumo le: “Men sa maŋ shin nɛ n chɛr nfe, ŋkpal manɛ so, Enyɛnpe Ebɔrɛ na teŋ sa ma kumulela ashi ma enite ere to. Men sa ma ekpa nɛ n yɔ n nyɛnpe kutɔ.”

Jɛnesis 26:3

Baa wɔ nfe n wora nchɛnnyɔ nɛ m baa wɔ fo kutɔ a nɛfa fo. Meeŋ bɛ kɔnɔ nɛ n nase n sa fo tuto Eebraham na so nseŋ ta kasawule ere kikɛ n sa fo nɛ fo kaman to ebi.

Jɛnesis 28:13

E daŋ wu fanɛ Enyɛnpe na e daa yil kumo be kumu so gbagba na. Ndoŋ nɛ Enyɛnpe na daa yil nseŋ kaŋɛ mo le: “Ma e la Enyɛnpetale, fo nananyɛn Eebraham be Ebɔrɛ nɛ Aizek be Ebɔrɛ na. Meeŋ ta kasawule mo nɛ fo dese so ere n sa fo nɛ fo kaman to ebi.

Jɛnesis 28:15

Amoso kaplɛkama nɛ fo yɔ, meeŋ baa wɔ fo kutɔ a keni fo so nseŋ bɛta fo m ba kasawule ere so. M maaŋ yige fo kikɛ ama m baŋ wora kusɔ nɛ n nase kɔnɔ fanɛ meeŋ wora ere nna.”

Jɛnesis 31:13

Ma alɛ e la Ebɔrɛ mo nɛ e daŋ lar fo so ashi Bɛtɛl na. Ndoŋ nɛ fo daŋ duga ŋku n wurge ndulgi be kejembu nɛ fo yuu na so nseŋ nase kɔnɔ n sa ma na. Naniere, lar kasawule ere so nfe epul ere to m bɛta n yɔ kasawule mo nɛ b kurge fo na so.’ ”

Jɛnesis 31:55

Kumo be ŋklade chipurdidi nɛ Leeban koso n lala mo nanabiana na nɛ mbe bibicheana na so n nɛfa bumo nseŋ bɛta n yɔ mo pe.

Hibruwebi 11:9

Yirda so nɛ e daŋ ya kaa wɔ efuli mo nɛ Ebɔrɛ daŋ nase kɔnɔ fanɛ e beeŋ sa mo na so fanɛ efɔ na. Mo nɛ Aizek nɛ Jeekɔb nɛ Ebɔrɛ daŋ sa bumo alɛ gba kɔnɔ naseso koŋwule na, e daŋ ya kaa wɔ wajɛbu to fanɛ befɔ na.