Jɛnesis 30:20 - EBƆRƐ BE KAWƆL

²⁰ Kede to nɛ Lia kaŋɛ: “Kashenteŋto, Ebɔrɛ kɛ ma kakɛ lela, amoso m baa nyi fanɛ kede to ŋ kul beeŋ bunyaŋ ma ŋkpal ŋ ka kurge bibinyɛn ashe n sa mo so.” Amoso ketre nɛ e daŋ sa kebia na e daa la Zɛbyulɔn.

Jɛnesis 30:20 ပူးပေါင်းရင်းမြစ်များ

Jɛnesis 29:34

Simiɔn be kaman nɛ Lia naŋ di kedampo ŋ kurge ebinyɛn nseŋ kaŋɛ: “To, naniere bre ŋ kul beeŋ firgi m mata ma ŋkpal ŋ ka kurge bibinyɛn asa n sa mo so.” Amoso ketre mo nɛ e daŋ sa kebia na e daa la Livai.

Jɛnesis 30:15

Nɛ Lia bishi Reechel le: “Ama fo ka suge ŋ kul ŋ ka ma ere bre maŋ kukwe fo a? Nɛ fo naa sha kesɔ ma kebia be emandreek gba n ti so a?” Nɛ Reechel kaŋɛ mo: “To, kumo ere sa ma fo pibinyɛn be emandreek ere be ako nɛ n shin nɛ fo nɛ mo e di kanyɛ ere.”

Jɛnesis 30:19

Isakar be kaman nɛ Lia naŋ di kedampo ŋ kurge ebinyɛn shesopo n sa Jeekɔb.

Jɛnesis 30:21

Zɛbyulɔn be kaman nɛ Lia kurge ebiche n nase mo Daina.

Jɛnesis 34:12

Men ku kebia na be keshaji be kukɔ nɛ kakɛ nɛ meeŋ sa kanaŋkamaso nɛ menyee sha. Kusɔ kama nɛ men yili ma, meeŋ wora. Menyi ere e ta kebichebi na n sa ma nɛ n ta mo ŋ ki ma eche bre de.”

Jɛnesis 35:23

Lia be mbia e daa la, Ruben, Jeekɔb be wurkoŋ nɛ Simiɔn nɛ Livai nɛ Juda nɛ Isakar n ta Zɛbyulɔn m bɛ so lalaloge.

Jɛnesis 46:14

Zɛbyulɔn be mbia malɛ be atre e daa la Serɛd nɛ Elon nɛ Jaleel.

Jɛnesis 49:13

Zɛbyulɔn beeŋ ba kaa wɔ teku ase nɛ mbe echenakpa e ki nchu so be ekuloŋgboŋana be eyilikpa. Mbe kasawule beeŋ dese loŋ n ya taga to Sidɔn.

Nshɛ 68:27

Bɛnjamin be yiri to ebi nɛ b maŋ shi na e juŋkpar n ta Juda be yiri to be benimu m bɛso. Nɛ Zɛbyulɔn nɛ Naftali malɛ bɛ benimu bɛso.

Ɛksodɔs 22:17

Hale nɛ eche na mo tuto kini kasha na gba, k daga fanɛ enyɛn na e ka kasuŋgurbia na be tumba be kukɔ.

Matiu 4:13

Mannɛ Nazarɛt be kade to nɛ e daŋ ya chena. Kapɛɛniam nɛ k mata Galili be kepagboŋ na, Zɛbyulɔn nɛ Naftali be kasawule so nɛ e daŋ yɔ.

Ditɛronɔmi 27:13

nɛ Ruben nɛ Gad nɛ Ashɛr nɛ Zebulun nɛ Dan nɛ Naftali be eyiri to be basa malɛ e yili kebee nɛ baa tre Ebal na so ŋ kaŋɛ bumo eshoduu nɛ a wɔtɔ be asheŋ.

Demujipoana 4:10

Ndoŋ nɛ Barak ya tre Zɛbyulɔn nɛ Naftali be eyiri to ebi na nɛ benyɛn ŋgboŋ kudu lar m bɛ mo so nɛ bumo nɛ Dɛbora kikɛ yɔ.

Demujipoana 5:14

Beko daŋ shi Efrayim be yiri to m ba, kakpa nɛ Amalɛkebi daa wɔ na. Nɛ beko malɛ shi Bɛnjamin be yiri to m ba; nɛ benapo nimuso shi Makiir nɛ e shi Manase be yiri to na be kanaŋ to m ba, nɛ bejuŋkparpo na malɛ shi Zɛbyulɔn be eyiri to m ba.

1 Samuɛl 18:25

nɛ Sɔɔl kaŋɛ bumo fanɛ b ya kaŋɛ Deevid le: “Keshaji nɛ ewura baa fin fo kutɔ e la fanɛ fo mɔ Filistiebi na be basa kalfa nseŋ ba kaŋɛ ma fanɛ fo wora loŋ. Kumo be loŋ e naŋ ŋini fanɛ an kɔ an doŋana na n tal to.” Kananɛ Sɔɔl bre daŋ kre nna na, saŋɛ na so Filistiebi na beeŋ nya Deevid m mɔ.