Jɛnesis 30:2 - EBƆRƐ BE KAWƆL

² Ndoŋ nna nɛ Jeekɔb nya agbo n wora Reechel nseŋ bishi mo: “N la Ebɔrɛ nna a? Mo nawule e naŋ teŋ shin nɛ fo kurge, mannɛ ma.”

Jɛnesis 30:2 ပူးပေါင်းရင်းမြစ်များ

Jɛnesis 16:2

Kachako nɛ Sɛɛrai kaŋɛ Eebram: “Keni, Enyɛnpe maŋ sa ma kakurge nna na, nɛ manɛ nna nɛ fo maaŋ tu ma kebita ere n di? Ashere e beeŋ kurge mbia n sa ma.” Ndoŋ nna nɛ Eebram shuli n sa Sɛɛrai.

Jɛnesis 25:21

Aizek nɛ Rebɛka ka ta abar Rebɛka daa maa kurge nɛ Aizek kule Enyɛnpe Ebɔrɛ na n sa mo nɛ Enyɛnpe Ebɔrɛ na nu mbe kabɔrɛkule na n shin nɛ Rebɛka di kedampo.

Jɛnesis 29:31

Enyɛnpe Ebɔrɛ na ka wu fanɛ Jeekɔb maa sha Lia nɛnɛ nɛ e sa mo kakurge, ama Reechel bre daa la egbentepo nna.

Jɛnesis 31:36

Nɛ Jeekɔb kpal loŋ so n nya agbo n wɔtɔ Leeban nseŋ bishi mo: “Manɛ be kulubi nɛ n wora, nɛ fo kpal kumo so n ju a bɛ ma so?

Jɛnesis 50:19

Ndoŋ nna nɛ Josɛf kaŋɛ bumo: “Men sa maa lɔ kufu, mannɛ ma e la Ebɔrɛ.

2 Bewura 5:7

Israɛl be ewura na ka kraŋ kawɔl na nɛ mbe aba pɔ mo nɛ kufu pɛ mo ŋkpal Siriya be benapo na be eleŋ nɛ b kɔ so nɛ e kpɛa mbe asɔbuuso to m ponte ŋ kaŋɛ le: “A ji nuso nɛ Siriya be ewura na kaŋɛ fanɛ kanyɛn ere e ba ŋ kutɔ nɛ n chɛ mbe keboti? E bee fɛ fanɛ n la Ebɔrɛ nna nsaa kɔ luwu nɛ ŋkpa be eleŋ a? Naniere bre k baŋ fuli geeŋ nna fanɛ kolu nɛ e bee sha ma!”

Nshɛ 113:9

Eche kilpo baa maa kɔ mbia, Ebɔrɛ e naa nɛfa mo nɛ e bee nya mbia nɛ mbe kagbene e fuli. Men kpaŋ Enyɛnpe Ebɔrɛ na!

Nshɛ 127:3

Enyɛnpe Ebɔrɛ na e naa sa basa mbia, nɛ mbia na e baa la nɛfa n sa bumo.

Ɛksodɔs 32:19

Mosis ka ba kaa fo keeyi na to nseŋ wu kenabi ka yil nɛ kacha yilso nɛ agbo pɛ mo ga nɛ e yige ajembu na to n lɛ kebee na be kaseto nɛ a buri to.

Matiu 5:22

Ama ma e kaŋɛ menyi na fanɛ ekama nɛ e nya agbo n wora mo barkasa a wɔtɔ gba, baaŋ yɛr mo demujipowura be anishito. Ekama nɛ e tege mo barkasa, baaŋ yɛr mo nshɛrwuraana nɛ baa tre Sanhedrinebi be anishito. Nɛ ekama malɛ nɛ e kaŋɛ mo barkasa le: ‘Ewulpo ere!’ Amodoŋwura wora kulubi n daga Setani be edɛ to be keluri.

Maak 3:5

Kumo be kaman nɛ Yesu keni bumo agbo nɛ kagbenejijaso ŋkpal b ka kɔ amu kpakpaso so nseŋ kaŋɛ kanyɛn na: “Teŋi fo enɔ to.” E ka teŋi kumo to nɛ mbe enɔ na nya eleŋ.

Luuk 1:42

Nɛ e malga eleŋso ŋ kooba ŋ kaŋɛ: “Kumulelawura, beche kikɛ to fo e nya nɛfa ga. Nɛfa malɛ e baa la kebia nɛ feeŋ kurge na peya.

Ɛfesesebi 4:26

Fo kama nɛ agbo pɛ fo, fo sa maŋ shin nɛ agbo na e shin nɛ fo luri alubi to, fo alɛ e sa maŋ naŋ keta agbo na n tɔr epeŋi.

1 Samuɛl 1:5

Hale Enyɛnpe Ebɔrɛ ka shin nɛ Haana daa la egbentepo na kikɛ Elkana daa sa mo sarga na be eblaŋ lela nna a chɔ Pɛnina nɛ mbe mbia ŋkpal e ka bee sha Haana ga so.