Jɛnesis 3:8 - EBƆRƐ BE KAWƆL

⁸ Kumo be kamɔnchɛ kaboŋ ka ya kaa wushito nɛ enyɛn na nɛ mbe eche nu Enyɛnpe Ebɔrɛ be aya be egbri kudɔbi na to nseŋ luri ndoŋ be ndibi to ŋ ŋana mo so.

Jɛnesis 3:8 ပူးပေါင်းရင်းမြစ်များ

Jɛnesis 18:33

Enyɛnpetale nɛ Eebraham ka malga n loge nɛ e choŋ nɛ Eebraham malɛ bɛta n yɔ laŋ to.

Jɛnesis 3:10

Nɛ enyɛn na shuli ŋ kaŋɛ: “N nu fo ka na kudɔbi na to nna nɛ kufu pɛ ma ŋkpal ŋ ka maŋ dela shɛŋ so, amoso nɛ n ya ŋana.”

Job be kawɔl 22:14

Awɔlpa nɛ a biri to maaŋ tiŋ m buu mbe anishi so nɛ e sa maa wu, saŋɛ nɛ e bee nite a kulti awɔlto ndoŋ na.

Job be kawɔl 31:33

Basa ko bee ta bumo be alubi a ŋana nna, ama nɛ ma ere wora kulubi m maaŋ ta kumo ŋ ŋana kikɛ.

Job be kawɔl 38:1

Ndoŋ nna nɛ Enyɛnpe Ebɔrɛ bɔla bɔrɛfu so ŋ kaŋɛ Job le:

Aŋasa 15:3

Enyɛnpe Ebɔrɛ be anishi wɔ kaplɛkama nna, a wu kusɔ nɛ basa lubi nɛ belela kikɛ bee wora.

Jɛremaya 23:24

Kaplɛkama maŋ wɔtɔ nɛ esa e ŋana ndoŋ nɛ m maaŋ wu mo. Ŋkpal manɛ so, n wɔ ebɔrɛso nɛ kasawule so be kaplɛkama nna.

Hoziya 10:8

Avɛn be kebee be esoso be kakpa nɛ Israɛl be basa bee shuŋ agbir na kikɛ beeŋ mur, nɛ ewi nɛ afeelebi a kɔr n daŋ m buu bumo be ebɔrɛsureana na so. Ndoŋ nna nɛ b kaŋɛ le: “Abeegboŋ, men ta anyi ŋ ŋana! Abeebi, men bure m buu anyi so!”

Levitikɔs 26:12

Meeŋ baa wɔ menyi to nsaa la men be Ebɔrɛ, nɛ menyi alɛ e baa la ma basa.

Jona 1:3

Nɛ Jona kini nseŋ shile Enyɛnpe Ebɔrɛ na. E daŋ yɔ kade ko nɛ baa tre Jɔpa nna n ya luri nchu so be kuloŋgboŋ ko nɛ k bee yɔ kadegboŋ ko nɛ baa tre Tashish ashi Speen be efuli so na to.

Romebi 2:15

Bumo be asheŋ woraso na e naa ŋini fanɛ Ebɔrɛ ta asɔ nɛ mbra na bee ŋini na n wɔtɔ bumo be ŋgbene to. Nɛ bumo be elakal gba bee ŋini fanɛ kashenteŋ nna, ŋkpal manɛ so, saŋko bumo be nfɛra maa dese bumo ŋkpal alubi so, saŋko malɛ nɛ a bee yili bumo be kaman.

Ditɛronɔmi 23:14

Ŋkpal menyi nɛ Enyɛnpe menyi be Ebɔrɛ na ka wɔ keeyi na to nɛ e bee kuŋ menyi nsaa shin nɛ menyee kɔ a pɔɔ men doŋana so so, a daga fanɛ men baa keni keeyi na so nɛnɛ nɛ k baa du farfarbi nsaa walɛ so daŋkare be ekpa so. Amoso men sa maŋ kaa wora ekishisheŋ nɛ k beeŋ shin nɛ Enyɛnpe Ebɔrɛ na e pal kaman n sa menyi kikɛ.

Ditɛronɔmi 4:33

Basa ko malɛ daŋ nu Ebɔrɛ be ebɔl ka shi edɛ to a malga bumo kutɔ fanɛ kananɛ men nu ere nseŋ kraa wɔ ŋkpa to a?

Ditɛronɔmi 5:25

Ama anyi maa sha kewora ewɔji nɛ edɛ gboŋgboŋi ere e mɔ anyi. An baa nyi geeŋ fanɛ nɛ Enyɛnpe, anyi be Ebɔrɛ na kraa malga anyi kutɔ, anyeeŋ wu.

Hibruwebi 4:13

Kusɔ toso kikɛ maŋ wɔtɔ a ŋana Ebɔrɛ so. Kusɔ kikɛ nyam dii efuli nna n dese mbe anishito, mo alɛ nɛ anyi kikɛ beeŋ yili mbe anishito ŋ kaŋɛ mo ashuŋ nɛ an wora kikɛ nɛ kusɔ nɛ k ba nɛ an wora amo.

Kelaraŋŋini 6:15

Ndoŋ nna nɛ kasawule so be bewurgboŋ nɛ bumo nɛ baa ji kuwura beko so nɛ esoji be benimu nɛ damawuraana nɛ belempo nɛ basa kikɛ, anya nɛ bumo nɛ b wɔ bumo be amu kikɛ ŋana abeelaŋana nɛ abee be afaltagboŋana to.