Jɛnesis 3:24 - EBƆRƐ BE KAWƆL

²⁴ Ebɔrɛ ka ju Adam nɛ mbe eche ashi kudɔbi na to n loge nɛ e shin nɛ emalaika nɛ baa tre chɛrubim na ba kudɔbi na be epeŋipetekpa m baa kaa keni kumo so, nɛ tokobi nɛ k bee suse edɛ bee filito a yɔ a ba, saŋɛ na so ekama maaŋ tiŋ n yɔ kedibi nɛ k bee sa ŋkpa na ase.

Jɛnesis 3:24 ပူးပေါင်းရင်းမြစ်များ

Jɛnesis 3:23

Amoso Enyɛnpe Ebɔrɛ daŋ ju mo ashi Iden be kudɔbi na to nna fanɛ e ya kaa shuŋ kasawule mo nɛ b daŋ ta m pɔr na so.

Jɛnesis 4:1

Kachako nɛ Adam nɛ mbe eche Hawa di keche nɛ kenyɛn nɛ eche na di kedampo ŋ kurge ebinyɛn nɛ b nase mo ketre Keen. Ŋkpal manɛ so, Hawa yɛ: “Enyɛnpe Ebɔrɛ na e chɛ ma to nɛ ŋ kurge ebinyɛn.”

Jɛnesis 4:14

Keni, naniere fo ju ma ashi kasawule ere so nɛ e na durnya ere to chamcham. Ma alɛ maaŋ naŋ tiŋ m ba fo anishito gba. Amoso esa kama nɛ e tu ma kaplɛkama beeŋ mɔ ma.”

Nshɛ 104:4

Fo e ta afuana fanɛ fo mbɔ nsaa ta bɔrɛ be kenyɛkpɛ malɛ fanɛ fo nyɛrbi.

Nshɛ 80:1

O Israɛl be ekenipo, nu anyi be kekule! Fo nɛ fee juŋkpar Josɛf be kaman to ebi fanɛ mbolpɔ nseŋ chena fo kuwurputi so ashi asɔ pɔrso nɛ baa tre chɛrubim na be nferinto na,

Nshɛ 99:1

Enyɛnpe Ebɔrɛ na e la ewura! Efuliana kikɛ so be basa e baa chicha. E chena mbe kuwurputi nɛ emalaika nɛ b kɔ aba wɔ kumo be kaseto na so nna; nɛ kasawule bee gbuŋgbuŋ.

Ɛksodɔs 25:2

“Kaŋɛ Israɛlebi na fanɛ b bar ma ŋkɛ ashi bumo be kagbene to nɛ fo sɔ amo n sa ma.

Ezikɛl 10:1

Asheŋ na be kaman nɛ ŋ keni kuwɔlpa nɛ k sha asɔbɔya keniso na be amu so, nseŋ wu kusɔ ko fanɛ kuwurputi nɛ b ta yawu kpakpaso be kejembu lela nɛ baa tre saffai na n lɔŋɛ.

Ezikɛl 31:11

ŋkpal loŋ so, ŋ kini kumo nna nsaa beeŋ shin nɛ efuli pɔtɛ ko be ewura e sɔ kumo nseŋ gberge kumo kusoe ŋkpal kumo be kumu kpakpaso so.

Nɔmbɛs 22:23

Balaam be kurma na ka wu malaika ka keta tokobi a yil ekpa na to, nɛ k gbɛ n luri adɔ to. Nɛ Balaam bri kumo nɛ k bɛta m ba ekpa to.

Baru lela nɛ Jɔn kute na 14:6

Nɛ Yesu kaŋɛ mo: “Ma e la ekpa na nɛ kashenteŋ nɛ ŋkpa na, esa kama maaŋ tiŋ n yɔ Etuto na kutɔ ama e bɔla ma so nna.”

Hibruwebi 1:7

Le nɛ mo alɛ naŋ malga mbe emalaika koŋwule na be asheŋ ŋ kaŋɛ: “Ma, Ebɔrɛ bee shin nɛ ma emalaika bee wora fanɛ afu nna nɛ ma anya malɛ bee wora fanɛ edɛ a chɔɔ wuloŋwuloŋ.”

Joshuwa 5:13

Joshuwa ka bee taga to Jɛriko na, epul to nɛ e wu kanyɛn ko ka yili mbe anishito a kɔ tokobi to. Ndoŋ nna nɛ e ya bishi mo le: “Fo alɛ gba la anyi to be eko nna ŋko anyi doŋ e la fo?”

1 Samuɛl 4:4

Ndoŋ nna nɛ b shuŋi basa ko fanɛ b yɔ Shilo n ya ta Enyɛnpe be ŋkre be deka nɛ mbe ketre Enyɛnpetale deŋ mbe kuwurputi so ashi shuwa be emalaika anyɔ na be nferinto na m ba. Eli be mbinyɛnsobi anyɔ nɛ baa tre, Hofni nɛ Finihas gba daŋ ti bumo nɛ b ya ta ŋkre be deka na m ba na so.