Jɛnesis 3:23 - EBƆRƐ BE KAWƆL

²³ Amoso Enyɛnpe Ebɔrɛ daŋ ju mo ashi Iden be kudɔbi na to nna fanɛ e ya kaa shuŋ kasawule mo nɛ b daŋ ta m pɔr na so.

Jɛnesis 3:23 ပူးပေါင်းရင်းမြစ်များ

Jɛnesis 2:5

kedibi kama nɛ keduuso jiso kama daa maŋ naŋ kɔr kasawule so. Enyɛnpe Ebɔrɛ malɛ daa maŋ naŋ shin nɛ bɔrɛ ba kasawule so. Dimɛdi kikɛ malɛ daa maŋ wɔtɔ a dɔ kasawule so.

Jɛnesis 2:7

Enyɛnpe Ebɔrɛ ka daa shin nɛ e to dimɛdi na, e daŋ ta shishɛr nna ashi kasawule so m pɔr enyɛn nseŋ fute ŋkpa be efute n wɔtɔ mbe kamuna to nɛ enyɛn na ki kusɔ futeso.

Jɛnesis 2:8

Enyɛnpe Ebɔrɛ ka pɔr enyɛn na n loge nɛ e wora ndibi sɔrso nɛ aduuso be yiri yiri be kudɔbi ko nɛ k wɔ kakpa lela ko nɛ baa tre Iden na ashi epeŋipetekpa be kaba so nseŋ ta enyɛn na n wɔtɔ ndoŋ.

Jɛnesis 3:19

Kashenteŋto feeŋ baa nyɛa kebleŋ damta nna pɔɛŋ nsaa ji, hale loŋ nɛ fo naŋ ya bɛta n yɔ shishɛr to, ŋkpal manɛ so, shishɛr na nɛ b ta n pɔr fo. Fo la shishɛr nna, amo alɛ to nɛ feeŋ naŋ bɛta n yɔ.”

Jɛnesis 3:22

Kumo be kaman nɛ Enyɛnpe Ebɔrɛ kaŋɛ mbe kumu le: “Ŋkpal kanyɛn ere ka ji kusɔrso na so, naniere e ki fanɛ anyi to be eko nna a nyi kelela nɛ kulubi to, amoso a maŋ daga fanɛ e naŋ nya ekpa n chuge kedibi mo nɛ k bee sa ŋkpa na malɛ be kusɔrso n ji ŋkaa maaŋ naŋ wu kikɛ.”

Jɛnesis 3:24

Ebɔrɛ ka ju Adam nɛ mbe eche ashi kudɔbi na to n loge nɛ e shin nɛ emalaika nɛ baa tre chɛrubim na ba kudɔbi na be epeŋipetekpa m baa kaa keni kumo so, nɛ tokobi nɛ k bee suse edɛ bee filito a yɔ a ba, saŋɛ na so ekama maaŋ tiŋ n yɔ kedibi nɛ k bee sa ŋkpa na ase.

Jɛnesis 4:12

Fo naŋ dɔ kumo so gba, fo maaŋ nya shɛŋ. Yili kabre a yɔ fo maaŋ baa kɔ epe, feeŋ baa la efɔ nna a na chamcham durnya ere to.”

Jɛnesis 4:2

B wɔtɔ loŋ nɛ e naŋ ba kurge Keen mo sipo nɛ baa tre mo Eebel. Mbia na ka daŋ nɛ Eebel bee bela mbolpɔ nɛ Keen malɛ bee dɔ.

Jɛnesis 9:20

Nowa e daa la edɔpo nɛ e fara a dɔ asɔrso nɛ baa ta a wora nsa nɛ baa tre wain na.

Kaŋinichiŋgeliŋ 5:9

Ŋkpal ewura ka la enimu ekama so so, mo e naa nya kasawule na so be elampo nɛ baa sɔ na kikɛ be galeŋga.