Jɛnesis 3:22 - EBƆRƐ BE KAWƆL

²² Kumo be kaman nɛ Enyɛnpe Ebɔrɛ kaŋɛ mbe kumu le: “Ŋkpal kanyɛn ere ka ji kusɔrso na so, naniere e ki fanɛ anyi to be eko nna a nyi kelela nɛ kulubi to, amoso a maŋ daga fanɛ e naŋ nya ekpa n chuge kedibi mo nɛ k bee sa ŋkpa na malɛ be kusɔrso n ji ŋkaa maaŋ naŋ wu kikɛ.”

Jɛnesis 3:22 ပူးပေါင်းရင်းမြစ်များ

Jɛnesis 1:26

Ade kikɛ be kaman nɛ Ebɔrɛ naŋ kaŋɛ: “Men shin nɛ an to edimɛdi nɛ b baa du fanɛ anyi, nsaa ji eleŋ ashi ekɔrɔtɔ so nɛ mbuibi so nɛ asɔ gbeyesoana so nɛ asɔ belaso na kikɛ so nɛ kasawule kikɛ nyam so.”

Jɛnesis 2:9

Enyɛnpe Ebɔrɛ daŋ shin nna nɛ ndibi lela be yiri yiri kɔr n daŋ ashi ndoŋ. Ndibi na nɛ amo be asɔrso malɛ daa walɛ keji nna. Ama ndibi anyɔ ko malɛ daa yil kudɔbi na be nferinto. Loŋ be ndibi na be kuko be asɔrso daa sa ŋkpa nna nɛ kuko malɛ peya daa sa kanyiasheŋ nɛ k bee shin nɛ esa bee pin kelela nɛ kulubi.

Jɛnesis 3:21

Asheŋ na ka ba loŋ na nɛ Enyɛnpe Ebɔrɛ ta asɔbɔya be nwɔl n wora asɔbuuso n sa Adam nɛ mbe eche nɛ b baa buu.

Jɛnesis 3:23

Amoso Enyɛnpe Ebɔrɛ daŋ ju mo ashi Iden be kudɔbi na to nna fanɛ e ya kaa shuŋ kasawule mo nɛ b daŋ ta m pɔr na so.

Jɛnesis 3:5

Keni, Ebɔrɛ kaŋɛ loŋ nna ŋkpal e ka nyi fanɛ men baŋ ji kumo be asɔrso na menyeeŋ baa pin asheŋ to nsaa du fanɛ Ebɔrɛ gbagba, a nyi kelela nɛ kulubi.”

Nshɛ 22:26

Betirpo beeŋ ji m moɛ, nɛ bekama nɛ baa bunyaŋ fo na e chɔrɔ fo. Shin nɛ asheŋ e baa nyalɛ a sa bumo saŋkama.

Aŋasa 3:18

Bekama nɛ b kɔ kanyiasheŋ na, be ŋgbene bee fuli bumo nna. Bumo be kanyiasheŋ bee sa bumo ŋkpa tenteŋ nna.

Jɛremaya 22:23

Men chena ewurkpa nɛ men ta Lebanɔn be efuli so be ndibi nɛ baa tre sida n lɔŋɛ na to nna nsaa maa fɔŋ shɛŋ so. Ama ŋ kaŋ shin nɛ ebesa fanɛ kakurge be ebesa ba menyi so na, nɛ menyi be asheŋ beeŋ baa keta kuwɔr.

Kelaraŋŋini 2:7

Ekama nɛ e kɔ asoe, e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, meeŋ sa mo ekpa nɛ e ji ŋkpa be kedibi nɛ k wɔ Ebɔrɛ be kakpa lela nɛ baa tre ndoŋ Paradisi to na be kusɔrso na.’ ”

Kelaraŋŋini 22:14

Kagbenefuli la bekama nɛ b fɔr bumo be epiŋi nɛ a lar so nseŋ nya ekpa nɛ b ji ŋkpa be kedibi na be asɔrso nseŋ naŋ nya m bɔla mbuna to na n luri kadegboŋ na to na peya nna.

Kelaraŋŋini 22:2

a shile a bɔla kadegboŋ na be kubɔrbi be nferinto so. Ŋkpa be kedibi daa yil lɔr na be kaba kama so nna a sɔr kumo be asɔrso ale kuduanyɔ, kumo e la fanɛ kufɔl kikɛ to nɛ kumo be asɔrso. Kedibi na be afantaŋ e la efuliana be kechɛ be asɔ.