Jɛnesis 3:19 - EBƆRƐ BE KAWƆL

¹⁹ Kashenteŋto feeŋ baa nyɛa kebleŋ damta nna pɔɛŋ nsaa ji, hale loŋ nɛ fo naŋ ya bɛta n yɔ shishɛr to, ŋkpal manɛ so, shishɛr na nɛ b ta n pɔr fo. Fo la shishɛr nna, amo alɛ to nɛ feeŋ naŋ bɛta n yɔ.”

Jɛnesis 3:19 ပူးပေါင်းရင်းမြစ်များ

Jɛnesis 18:27

Nɛ Eebraham naŋ kaŋɛ: “Jande Enyɛnpe, ta m paŋ ma, ma alɛ dimɛdi nɛ n la shishɛr nɛ nsunɔ ere ka yil a kɔ fo a malga le.

Jɛnesis 2:7

Enyɛnpe Ebɔrɛ ka daa shin nɛ e to dimɛdi na, e daŋ ta shishɛr nna ashi kasawule so m pɔr enyɛn nseŋ fute ŋkpa be efute n wɔtɔ mbe kamuna to nɛ enyɛn na ki kusɔ futeso.

Jɛnesis 23:4

“N la efɔ nɛ enitepo nna a wɔ menyi to nfe, amoso men jande, men fa kasawule ko nfe n sa ma nɛ m baa puli ma basa ndoŋ.”

Jɛnesis 3:18

Kasawule na beeŋ baa kɔr ewi nɛ afitiri kpaŋ ŋkpal fo so; kasawule na malɛ so nɛ feeŋ baa dɔ a ji.

Jɛnesis 5:5

Nfɛ nɛ Adam daŋ ji durnya to kikɛ nseŋ wu daa wɔ nfɛ alfa akpanu nɛ adesa nna.

Job be kawɔl 1:21

nseŋ kaŋɛ le: “B ka kurge ma m ba durnya to, m maaŋ bar shɛŋ. Ŋ ka naŋ wu a lar durnya to, m maaŋ ta shɛŋ n lar. Enyɛnpe Ebɔrɛ na e sa, mo alɛ e sɔ; Kemaŋkura e baa la Enyɛnpe Ebɔrɛ peya!”

Job be kawɔl 10:9

Baa nyiŋi fanɛ fo e pɔr ma fanɛ kananɛ baa ta ebɔ a pɔr asɔ na. Amoso sa maŋ naŋ kilgi ma eshishɛr a!

Job be kawɔl 19:26

Hale pɔɛŋ nɛ ma eyur ere e mur gba, ŋ gbagba beeŋ wu Ebɔrɛ kenishiso.

Job be kawɔl 21:26

Ama luwu koŋwule nɛ an kikɛ bee wu nɛ baa puli anyi nɛ ashushombi bee ji anyi.

Job be kawɔl 34:15

anyi edimɛdi beeŋ wu nseŋ bɛta n yɔ eshishɛr to.

Job be kawɔl 4:19

Edimɛdi nɛ b maa chɛr nsaa wu fanɛ kananɛ kapuya maa chɛr nsaa bure na nɛ e beeŋ tiŋ n yirda a?

Nshɛ 103:14

Ŋkpal manɛ so, e nyi fanɛ eshishɛr nɛ e ta m pɔr anyi.

Nshɛ 104:23

Kumo be kaman nɛ edimɛdi e koso n yɔ ashuŋ to n ya shuŋ n tɔr epeŋi.

Nshɛ 104:29

Ama nɛ fo baŋ pal kaman n sa amo, kufugboŋ bee tɔr amo so nna nɛ a chicha. Fo alɛ baŋ naŋ lara amo be efute, a bee wu nna a bɛta a yɔ eshishɛr to.

Nshɛ 127:2

Kewule ŋ koso a shuŋ a fin kusɔ jiso hale nɛ saŋko e ya fo na gba la jiga nna; Ŋkpal manɛ so, Enyɛnpe Ebɔrɛ na e naa sa basa nɛ e bee sha asɔ jemanɛ nɛ b dese a di gba.

Nshɛ 22:15

Ma eleŋ kikɛ loge fanɛ kusɔ nuunchu ka baŋɛ to na; nɛ ma kudonduloŋ wɔl m mata ma anyifar to. Fo Enyɛnpe Ebɔrɛ na yige ma nna nɛ n wu n tɔr shishɛr to a?

Nshɛ 22:29

Durnya to be amansherbiwuraana nɛ b kɔ asɔ ga beeŋ bunyaŋ mo, nɛ bumo nɛ b gbar nchaŋ be kɔnɔ gba e fur mo.

Nshɛ 90:3

Fo e yili kumo fanɛ an baa wu nsaa bɛta a yɔ eshishɛr to.

Aŋasa 21:16

Esa nɛ e maa pin asheŋ to maa chɛr nsaa luri luwu to.

Kaŋinichiŋgeliŋ 1:13

N wora ania fanɛ meeŋ koya nseŋ pin kusɔ kama nɛ k bee wora durnya ere to. Ama Ebɔrɛ shin nɛ k ki kpakpa n sa anyi edimɛdi.

Kaŋinichiŋgeliŋ 1:3

Manɛ be tɔnɔ bre nɛ anyee nya kegben damta nɛ anyee gben ere to?

Kaŋinichiŋgeliŋ 12:7

Anyi be eyurana ere beeŋ bɛta n yɔ shishɛr nɛ a shi to na to, nɛ Kiyoyu nɛ e bee sa anyi ŋkpa nɛ efute na malɛ e bɛta n yɔ Ebɔrɛ nɛ e ta mo n wɔtɔ anyi to na kutɔ.

Kaŋinichiŋgeliŋ 3:20

Asɔ futeso kikɛ bee yɔ kakpa koŋwule nna. Shishɛr to nɛ an shi, shishɛr malɛ to nɛ anyeeŋ naaŋ bɛta n yɔ.

Kaŋinichiŋgeliŋ 5:15

An ka ba durnya ere to anyi maŋ bar shɛŋ, anyi alɛ naa lar kumo to anyi maaŋ ta shɛŋ n yɔ.

Danɛl 12:2

Basa damta nɛ b wu na beeŋ naŋ tiŋi luwu to, nɛ bumo be beko e nya ŋkpa nɛ k maŋ kɔ ekar na, nɛ beko malɛ e ji awurfoŋ nɛ anishinyɔr hale mbaanaayɔ.

1 Kɔrintebi 15:47

Sososo be esa na daŋ shi kasawule ere so nna, shishɛr to be esa. Esa nyɔsopo na bre shi ebɔrɛso nna.

Ɛfesesebi 4:28

Ekama nɛ e daa yuri e yige kayu na naniere nseŋ fara a ta mbe enɔana a wora asheŋ lela a shuŋ, saŋɛ na so e beeŋ nya kusɔ nɛ k daga n tiŋ n chɛ bumo nɛ b maŋ kɔ to.

1 Tɛsalɔnikaebi 2:9

Bekurgepoana, m baa nyi fanɛ menyee nyiŋi kananɛ an mɔ anyi be amu n shuŋ saŋɛ nɛ an daa wɔ men kutɔ a malga Ebɔrɛ be baru lela na a sa menyi na ŋko? Kapa nɛ kanyɛ kikɛ nɛ an daa shuŋ, ŋkpal manɛ so, an daa maa sha keshin nɛ men be ekama e baa wɔ kegben to.

2 Tɛsalɔnikaebi 3:10

Anyi nɛ menyi ka daa wɔtɔ na gba, an chɛr ŋ kaŋɛ menyi fanɛ: “Ekama nɛ e maŋ shuŋ, men sa maŋ shin nɛ e ji.”

Hibruwebi 9:27

Ebɔrɛ malɛ yili kumo nna fanɛ a daga fanɛ basa kikɛ ka wu kela koŋwule nɛ luwu na be kaman nɛ demu be keji malɛ e ba bumo so.