Jɛnesis 3:18 - EBƆRƐ BE KAWƆL

¹⁸ Kasawule na beeŋ baa kɔr ewi nɛ afitiri kpaŋ ŋkpal fo so; kasawule na malɛ so nɛ feeŋ baa dɔ a ji.

Jɛnesis 3:18 ပူးပေါင်းရင်းမြစ်များ

Jɛnesis 3:17

Enyɛnpe Ebɔrɛ ka malga n sa eche na n loge nɛ e kilgi ŋ kaŋɛ enyɛn na malɛ le: “Ŋkpal fo ka nu n sa fo eche n ji kusɔrso nɛ ŋ kaŋɛ fo sa maŋ kaŋ ji na so so, meeŋ sho kasawule ere kɔnɔ ŋkpal fo so. Pɔɛŋ nɛ fo nya n ji, feeŋ baa wɔtɔ nna a ji awurfoŋ a nyɛa kebleŋ ashi fo kebaawɔtɔ to kikɛ.

Jɛnesis 3:19

Kashenteŋto feeŋ baa nyɛa kebleŋ damta nna pɔɛŋ nsaa ji, hale loŋ nɛ fo naŋ ya bɛta n yɔ shishɛr to, ŋkpal manɛ so, shishɛr na nɛ b ta n pɔr fo. Fo la shishɛr nna, amo alɛ to nɛ feeŋ naŋ bɛta n yɔ.”

Job be kawɔl 1:21

nseŋ kaŋɛ le: “B ka kurge ma m ba durnya to, m maaŋ bar shɛŋ. Ŋ ka naŋ wu a lar durnya to, m maaŋ ta shɛŋ n lar. Enyɛnpe Ebɔrɛ na e sa, mo alɛ e sɔ; Kemaŋkura e baa la Enyɛnpe Ebɔrɛ peya!”

Job be kawɔl 31:40

kumo ere Ebɔrɛ e shin nɛ afitiri nɛ ewi a kɔr n sɔ kasawule na kikɛ so, mannɛ ayu ŋko aboyu. Job be kamalga be ekar nna na.

Job be kawɔl 5:5

Kumo be kaman nɛ kejimuni wuraana nɛ basa nɛ akoŋ kɔ ba fuu bumo be adɔjibi nseŋ gbare bumo be mpetɛsɔ ŋ ki bumo peya.

Nshɛ 104:2

nɛ kefulto kulti fo n wɔtɔ kaplɛkama. Fo e parga kuwɔlpa to n sɔ kaplɛkama fanɛ wajɛbu, a wɔ kumo to.

Nshɛ 90:3

Fo e yili kumo fanɛ an baa wu nsaa bɛta a yɔ eshishɛr to.

Aŋasa 22:5

Ewi nɛ ajigbelɛ e wɔ belubiworapo be ekpa to, ama esa nɛ e bee kuŋ mbe kumu bre bee gelge amo nna.

Aŋasa 24:31

nɛ afitiri nɛ ewi sɔ kudɔ na kikɛ, nɛ ajembu be egbal nɛ e pɔr ŋ kulti kumo na kikɛ tɔr.

Aizaaya 32:13

nɛ ewi be yiri yiri kɔr ma basa be nsawule so so. Men baa shu anishichubi ŋkpal kagbenefuli nɛ k maŋ naa wɔ basa be elaŋ to ashi kadegboŋ nɛ kebaawɔtɔ daa nite nɛnɛ kumo to na so.

Aizaaya 5:6

Ma alɛ beeŋ yige amo nɛ amo to e wora afitiri ŋ ki kupuŋ. M maŋ naŋ lɔŋɛ ndibi na be ayabi so ŋko n ta kɔtɔkrɔ m buse amo to kikɛ. Meeŋ shin nɛ egɔnnyaŋɛ nɛ ewi e sɔ amo to. Ma alɛ beeŋ naŋ pɛ bɔrɛ nɛ k sa maŋ naŋ ba kudɔ na to kikɛ.”

Aizaaya 7:23

Jemanɛ na kaŋ fo, ewi nɛ egɔnnyaŋɛ beeŋ sɔ ndibi sɔrso be adɔ lelaana nɛ amo to be kekama kɔ ewaindibi nɛ a fo kagboŋ nɛ amo be amansherbi beeŋ fo fanɛ gbiti be ndarbi kagboŋ na kikɛ to.

Aizaaya 7:24

Saŋɛ na so basa beeŋ baa ta ata nɛ atanyembi a luri amo to a mɔ asɔbɔya. Kashenteŋto, ewi nɛ egɔnnyaŋɛ beeŋ sɔ efuli na kikɛ so.

Jɛremaya 12:13

Ma basa daŋ dɔ n duu ayu, ama afitiri nɛ b teŋi. B daŋ shuŋ ŋ gben ga, ama bumo alɛ maŋ nya shɛŋ kumo to. Ŋkpal ŋ ka daŋ nya agbo ga so, bumo be adɔjibi daŋ maŋ wora n sa bumo.”

Jɛremaya 4:3

Kede be kaman nɛ Enyɛnpe Ebɔrɛ na kaŋɛ Juda be efuli so nɛ Jerusalɛm be kadegboŋ na to be basa le: “Menyi be ŋgbene ki kpakpa nna fanɛ kasawule nɛ b maŋ naŋ dɔ kumo so ŋ ku so nɛ e du fanɛ kakpa nɛ ewi kɔr so. Amoso men lar menyi be ŋgbene kpakpaso na to.

Matiu 13:7

Asɔ duuso na be ako malɛ tɔr ewi to nɛ ewi na daŋ m pɛ amo.

Romebi 14:2

Esa ko bee kaa yirda fanɛ e beeŋ tiŋ n ji kusɔ kikɛ be epo, ama emo nɛ mbe yirda maŋ kɔ eleŋ bre bee ji afantaŋ nawule be epo nna.

Hibruwebi 6:8

Ama kasawule kama nɛ k bee kɔr ewidibiana nɛ ajinjɛ nawule la kasawule jiga nna, nɛ kumo alɛ maŋ de so, k beeŋ nya kɔnɔso nɛ kumo be kaman b chɔɔ kumo edɛ.

Joshuwa 23:13

kumo ere men baa nyi fanɛ Enyɛnpe Ebɔrɛ na maaŋ naŋ ju basa ere saŋɛ nɛ menyee ba ere. Kumo be loŋ malɛ beeŋ shin nɛ b lubi ŋ ki fanɛ kejigbelɛ ŋko kejamaŋ nsaa besa fanɛ kramɔsha ka duŋ esa be kaman ŋko ewi ka da esa be kenishito na. Loŋ malɛ beeŋ baa wora nna hale nɛ men kikɛ e ya mur kasawule lela nɛ Enyɛnpe Ebɔrɛ na sa menyi ere so.