Jɛnesis 3:17 - EBƆRƐ BE KAWƆL

¹⁷ Enyɛnpe Ebɔrɛ ka malga n sa eche na n loge nɛ e kilgi ŋ kaŋɛ enyɛn na malɛ le: “Ŋkpal fo ka nu n sa fo eche n ji kusɔrso nɛ ŋ kaŋɛ fo sa maŋ kaŋ ji na so so, meeŋ sho kasawule ere kɔnɔ ŋkpal fo so. Pɔɛŋ nɛ fo nya n ji, feeŋ baa wɔtɔ nna a ji awurfoŋ a nyɛa kebleŋ ashi fo kebaawɔtɔ to kikɛ.

Jɛnesis 3:17 ပူးပေါင်းရင်းမြစ်များ

Jɛnesis 3:11

Ndoŋ nna nɛ Enyɛnpe Ebɔrɛ bishi mo: “Wanɛ e kaŋɛ fo fanɛ fo maŋ dela shɛŋ? Fo ji kedibi mo nɛ ŋ kaŋɛ fo sa maŋ ji kumo be asɔrso na nna a?”

Jɛnesis 3:18

Kasawule na beeŋ baa kɔr ewi nɛ afitiri kpaŋ ŋkpal fo so; kasawule na malɛ so nɛ feeŋ baa dɔ a ji.

Jɛnesis 3:6

Kusɔkpaŋ na ka kaŋɛ loŋ na nɛ eche na wu fanɛ kedibi na be asɔrso walɛ kenishiso kashenteŋto nseŋ duli asɔ nɛ a beeŋ baa wɔ ebel, amo alɛ naŋ duli asɔ nɛ esa beeŋ ji nseŋ nya kanyiasheŋ. Nɛ amo be kayɛlga ba mo to nɛ e chuge kedibi na be asɔrso na n ji nseŋ ta n sa mo kul nɛ e daa wɔ mo kutɔ na nɛ mo alɛ gba ji.

Jɛnesis 5:29

E daŋ nase ebinyɛn na ketre Nowa nna. E yɛ: “N nase mo loŋ nna, ŋkpal manɛ so, mo e naaŋ baa kaa leŋ anyi to ashi anyi be ashuŋ nɛ kegben damta nɛ anyee gben ashi kasawule mo nɛ Ebɔrɛ sho kɔnɔ ere so.”

Jɛnesis 8:21

Enyɛnpe na ka nu sarga na be efɛa belbelso na nɛ e kaŋɛ mbe kumu le: “N nyi fanɛ dimɛdi be kebia to kikɛ mbe nfɛra fɛso lubi, ama m maaŋ naŋ kpal dimɛdi so n sho kasawule ere kɔnɔ kikɛ. Ma alɛ maaŋ naŋ mur asɔ futeso fanɛ kananɛ n wora ere kikɛ.

Job be kawɔl 14:1

“Dimɛdi be nchɛ maŋ shi durnya to, amo alɛ nɛ etɔrɔ damta nna.

Job be kawɔl 21:17

Ale afanɛ nɛ Ebɔrɛ daŋ nya agbo ŋ gberge alubiworapoana kusoe n shin nɛ b ji jɛrbi?

Nshɛ 127:2

Kewule ŋ koso a shuŋ a fin kusɔ jiso hale nɛ saŋko e ya fo na gba la jiga nna; Ŋkpal manɛ so, Enyɛnpe Ebɔrɛ na e naa sa basa nɛ e bee sha asɔ jemanɛ nɛ b dese a di gba.

Kaŋinichiŋgeliŋ 2:11

Ndoŋ nna nɛ n fɛ kusɔ nɛ n wora na be nfɛra nɛ kananɛ m pere kenishi n shuŋ ga be asheŋ, ama kumo be loŋ malɛ daŋ maŋ daga. Amo kikɛ daa du fanɛ k baa ju a bɛ afu so nna nɛ kumo alɛ be loŋ malɛ la fuloŋ.

Kaŋinichiŋgeliŋ 2:17

Ŋkpal loŋ so kebaawɔtɔ nɛ n wɔtɔ ere daa maŋ naa la shɛŋ ŋ kutɔ ŋkpal manɛ so k maŋ bar ma tɔnɔ kikɛ ama asheŋ nawule. Kebaadu fanɛ kebaa ju a buu afu so nna.

Kaŋinichiŋgeliŋ 5:17

Naniere bre tentembiri nɛ kebɔltofinfin nɛ kagbenejija nɛ agbo nɛ kulɔ be kebaawɔtɔ to nɛ an wɔ.

Matiu 22:12

Nɛ e bishi mo le: ‘N teri, nuso nɛ fo wora n luri nfe ŋkaa maa kɔ kejafɔ to be asɔbuuso?’ Nɛ kanyɛn na la to.

Matiu 25:45

Nɛ ŋ kaŋɛ bumo le: ‘Ma e kaŋɛ menyi kashenteŋto na fanɛ kusɔ kama nɛ men baŋ maŋ wora n sa bekarkarsobi ere be ekama, ma nɛ men maŋ wora kumo n sa na.’

Luuk 19:22

Nɛ enyɛnpe na kaŋɛ mo le: ‘Kusɔ nɛ fee malga ere gbagba nɛ meeŋ ta n ji fo demu, kenya lubi ere. Fo yɛ fo nyi ŋ ka la kumukpakpasowura a ta kusɔ nɛ m maŋ ta n nase nsaa teŋi asɔ nɛ m maŋ duu ŋko?

Baru lela nɛ Jɔn kute na 16:33

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Romebi 3:19

Ama an nyi fanɛ kusɔ kama nɛ mbra na bee kaŋɛ, basa nɛ b wɔ kumo to na to nɛ k de, saŋɛ na so esa kikɛ maaŋ nya kɔnɔ m bugi. Loŋ malɛ e naaŋ shin nɛ Ebɔrɛ e ji durnya kikɛ demu.

Hibruwebi 6:8

Ama kasawule kama nɛ k bee kɔr ewidibiana nɛ ajinjɛ nawule la kasawule jiga nna, nɛ kumo alɛ maŋ de so, k beeŋ nya kɔnɔso nɛ kumo be kaman b chɔɔ kumo edɛ.