Jɛnesis 3:16 - EBƆRƐ BE KAWƆL

¹⁶ Kede be kaman nɛ e kilgi ŋ kaŋɛ eche na le: “Ŋkpal kusɔ nɛ fo wora ere so, fo kasogberge nde: Fo baŋ di kedampo, fo nɛ awurfoŋ e naaŋ baa la; nɛ fo alɛ baa shin nɛ fo kurge, ebesa beeŋ baa shi fo so ga. Fo kagbene kikɛ beeŋ baa wɔ fo kul so ga, ama mo alɛ e naaŋ baa ji fo so eleŋ.”

Jɛnesis 3:16 ပူးပေါင်းရင်းမြစ်များ

Jɛnesis 4:7

Fo maŋ nyi fanɛ fo daŋ wora nɛnɛ nna asheŋ daŋ beeŋ nyalɛ n sa fo a? Ama ŋkpal fo ka maŋ wora nɛnɛ so, kulubi du fanɛ buluŋ nna a tɛ fo nɛ k jija fo, amoso wora ania m pɔɔ kumo so.”

1 Kronikɛls 4:9

Kanyɛn ko malɛ daa wɔtɔ nɛ baa tre mo Jabez nɛ e daa kɔ bunyaŋ ga ashi mbe kanaŋ to. Mo nio daŋ nase mo ketre ere nna ŋkpal e kaŋ daŋ nu ebesa mbe kakurge to so.

Ɛsta 1:20

Fo baŋ nase le be mbra ere n sa fo efuli gboŋgboŋi ere kikɛ so ebi bre, beche nɛ b wɔ efuli ere so kikɛ beeŋ baa sa bumo kulana bunyaŋ hale nɛ b la damawuraana ŋko betirpo gba.”

Nshɛ 48:6

Kechichachicha nɛ ebesa daŋ tɔr bumo so nna fanɛ eche ka bee shin nɛ e kurge na.

Aizaaya 21:3

Kusɔ nɛ n daŋ wu nseŋ nu bɔrɛdare na to na shin nna nɛ kufugboŋ ko nɛ ebesa fanɛ kakurge be ebesa luri ma to.

Aizaaya 53:11

Awurfoŋ nɛ e beeŋ ji na be kaman, e beeŋ naŋ nya kagbenewushi nseŋ pin fanɛ e maŋ gben jiga. Ma kenya nɛ e bee shuŋ ma kagbene koŋwuleso nɛ ma kagbene bee fuli mo so na e naaŋ sɔ basa galeŋga be kasogberge n deŋi mbe kumu so, nɛ ŋ kpal mo so n ta bumo be alubi m paŋ bumo.

Jɛremaya 13:21

Nɛ basa nɛ fo tama fanɛ b la fo teriana kaŋ ba kɔ m pɔɔ fo so nsaa ji fo so kuwura, manɛ nɛ feeŋ kaŋɛ? Feeŋ baa wɔ ebesa to fanɛ eche nɛ kakurge ta mo na nna.

Jɛremaya 22:23

Men chena ewurkpa nɛ men ta Lebanɔn be efuli so be ndibi nɛ baa tre sida n lɔŋɛ na to nna nsaa maa fɔŋ shɛŋ so. Ama ŋ kaŋ shin nɛ ebesa fanɛ kakurge be ebesa ba menyi so na, nɛ menyi be asheŋ beeŋ baa keta kuwɔr.

Jɛremaya 4:31

N nu esa ko ka bee tekeŋto fanɛ eche nɛ kakurge ta na, nseŋ naŋ nu kushu fanɛ eche ka bee kurge mo pibi sososo. Jerusalɛm e daa fute a gben nsaa shu a lɛ mbre a kaŋɛ le: ‘Mee wu nna na! Bedoŋ e naa ba nɛ b ba mɔ ma!.’ ”

Jɛremaya 49:24

Damaskɔs be basa na daŋ pɔ aba nna ga nseŋ daŋ ta kufu nɛ keyeŋi yeŋi n shile. Ebesa nɛ kagbenejija damta e daa wɔ bumo to fanɛ eche nɛ e bee kurge na.

Jɛremaya 6:24

Ndoŋ nna nɛ Jerusalɛm be basa na kaŋɛ le: “An nu bumo be asheŋ nɛ kufugboŋ tɔr anyi so nɛ anyi be eyur wu anyi. K shin nɛ kagbenejija tɔr anyi so nɛ anyee we anyii to fanɛ eche nɛ kakurge ta mo na.

Nɔmbɛs 30:13

Mo kul kɔ ekpa nɛ e shuli ŋko ŋ kini kɔnɔ naseso kama nɛ e nase ŋko kusɔ kama nɛ e kaŋɛ fanɛ e beeŋ wora.

Baru lela nɛ Jɔn kute na 16:21

K du fanɛ eche ka bee sha kekurge nna. Mbe saŋɛ baŋ fo nɛ e luri kakurge be ebesa to, mbe kagbene bee jija mo nna, ama nɛ e baŋ kurge ebi na e bee teŋ mbe ebesa na so nna, ŋkpal manɛ so, mbe kagbene bee fuli mo nna ŋkpal e ka kurge ebi n wɔtɔ durnya ere to so.

1 Kɔrintebi 11:3

Ama mee sha nna nɛ men pin fanɛ enyɛn kama be kumu e la Kristo, nɛ eche malɛ be kumu la enyɛn nɛ Kristo malɛ be kumu la Ebɔrɛ.

1 Kɔrintebi 14:34

A daga fanɛ beche e baa lo bumo be nnɔ to ashi asɔriana to fanɛ kananɛ k du ashi Ebɔrɛ be basa larasoana na kikɛ be asɔriana na to na. B maŋ kɔ ekpa nɛ b malga, a daga fanɛ b baa bar bumo be amu kaseto fanɛ kananɛ abɔrɛsibɛ na bee kaŋɛ na.

1 Kɔrintebi 7:4

Eche na be eyur maŋ la mo gbagba peya nna, ekul na e wɔ kumo. Loŋ koŋwule na nɛ enyɛn na gba be eyur maŋ la mo gbagba peya, eche na e wɔ kumo.

Kɔlɔsiebi 3:18

Beche kilpo, men baa ta men be amu a sa men kulana kananɛ k daga ŋkpal men ka la Enyɛnpe na peya so.

1 Tɛsalɔnikaebi 5:3

Saŋɛ nɛ basa ya kaa kaŋɛ: “Naniere bre kaboŋ nyalɛ nɛ kagbenewushi ba,” epul na malɛ to nɛ kemur be tɔrɔ beeŋ tɔr bumo so fanɛ kananɛ kakurge be ebesa bee purgi edampoche na. Bumo be ekama maaŋ lar.

1 Timoti 2:13

Ŋkpal manɛ so, Adam nɛ Ebɔrɛ daŋ pɔr pɔɛŋ nseŋ pɔr Hawa.

1 Timoti 2:15

Ama nɛ eche baa wɔtɔ a kurge nsaa yirda Ebɔrɛ nseŋ naa sha basa a kɔ kanyiasheŋ a wɔ kebaawɔtɔ cheembi to nsaa du boeŋ a wɔtɔ, e beeŋ nya kumɔlga.

Taites 2:5

nɛ kananɛ baaŋ baa tiŋ a keta bumo be amu a maŋ kɔ kulubi nsaa maa kɔ ntɔl epe nsaa la basa a wɔtɔ a nu a sa bumo kulana nɛ esa kikɛ e sa maŋ nya ekpa m malga kulubi kikɛ ŋ gbiti kubɔya nɛ k shi Ebɔrɛ kutɔ na.