Jɛnesis 3:14 - EBƆRƐ BE KAWƆL

¹⁴ Ndoŋ nna nɛ Enyɛnpe Ebɔrɛ kaŋɛ kusɔkpaŋ na le: “Ŋkpal fo ka wora le ere so, fo nawule e naŋ nya kɔnɔsho asɔ belaso nɛ kupuŋ to be asɔbɔya kikɛ to! Fo epun so nɛ feeŋ baa gbeye nsaa ji shishɛr fo kebaawɔtɔ to kikɛ.

Jɛnesis 3:14 ပူးပေါင်းရင်းမြစ်များ

Jɛnesis 3:1

Asɔbɔya nɛ Enyɛnpe Ebɔrɛ daŋ to na kikɛ to, kusɔkpaŋ e daa du fanɛ kanansabi a chɔ bumo nɛ b ka na kikɛ. Kachako nɛ kusɔkpaŋ na ba eche na kutɔ m ba bishi mo le: “Ama kashenteŋ nɛ Ebɔrɛ kaŋɛ fanɛ men sa maŋ kaŋ ji kedibi kama be asɔrso nɛ a wɔ kudɔbi ere to a?”

Jɛnesis 4:11

Ŋkpal fo ka mɔ fo sipo so n sho fo kɔnɔ nsaa ju fo ashi kasawule nɛ k nuu fo sipo na be ŋklaŋ na so.

Jɛnesis 9:6

Esa kama nɛ e mɔ dimɛdi, baaŋ mɔ amodoŋwura gba n tal to, ŋkpal manɛ so, Ebɔrɛ pɔr dimɛdi nna fanɛ mbe kaduli.

Nshɛ 72:9

Saŋɛ na so keshishɛrsawule so be basa beeŋ ba jɔŋɛ mo ase m bunyaŋ mo. Nɛ b tintiŋ mo doŋana nɛ b ba dese kasawule ashi mbe anishito.

Aizaaya 29:4

Jerusalɛm beeŋ ki fanɛ kebuniyoyu ka wɔ nchaŋ to a wora ania nɛ e malga fanɛ ebɔl ka fɛa nseŋ shi kasawule to a malga nɛ k maa nu to na.

Aizaaya 65:25

Ekuŋtuŋ nɛ mbolpɔ fɔlbi beeŋ tu abar a ji nɛ ebuluŋ e ji afitiri fanɛ ana. Awɔ beeŋ baa ji eshishɛr, amo alɛ maaŋ naa duŋ basa a mɔ. Kusɔ lubi kikɛ maaŋ naa wɔ ma kebee cheembi nɛ baa tre Zayɔn na so. Ma, Enyɛnpe Ebɔrɛ e kaŋɛ na.”

Levitikɔs 20:25

Amoso nɛ a daga fanɛ men baa keni to nɛnɛ a barga asɔbɔya nɛ mbuibi nɛ a walɛ so nɛ amo nɛ e maŋ walɛ so to na. Men sa maŋ kaa ji asɔbɔya nɛ mbuibi nɛ e maŋ walɛ so. N teŋ kaŋɛ fanɛ a maŋ walɛ so. Nɛ men ji amo a beeŋ shin nɛ menyi alɛ gba e wora eyurpi.

Maika 7:17

Kumo be kaman nɛ b dese kasawule a gbeye fanɛ awɔ nsaa chicha kufuso a lar mboŋ lempoana nɛ b daa wɔtɔ to na. Bumo alɛ beeŋ kilgi kufuso m bɛta m ba Enyɛnpe Ebɔrɛ na kutɔ.